28-May-2023

ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ସିନ୍ଧେକେଲା ହାଟପଦା ଠାରେ ଚାଳିଥିବା ନବନିର୍ମିତ ଭବ୍ଯ ମାଁ ଦୁର୍ଗା ପୂଜାମଣ୍ଡପ ପ୍ରତିଷ୍ଠା ପାଇଁ ପୁରା ସିନ୍ଧେକେଲା ଉତ୍ସବ ମୁଖର ହୋଇପଡିଛି। ଶୁକ୍ରବାର ଅଙ୍କୁରାରୋପଣ, ମଣ୍ଡଳୀକରଣ ପରେ ଶନିବାର ସକାଳ ୮ ଟା ୪୦ ମିନିଟ ସମୟରେ ଜଳଯାତ୍ରା ବା କଳସଯାତ୍ରା ପାଇଁ ଶହଶହ ମହିଳା ସିନ୍ଧେକେଲା ଅଞ୍ଚଳର ଅଧୀଷ୍ଠାତ୍ରୀ ଦେବୀ ମାଁ ଦ୍ବାରସେହ୍ନୀ ମନ୍ଦିର ପ୍ରାଙ୍ଗଣରେ ଥିବା ପବିତ୍ର ପୁଷ୍କରିଣୀ

ବାଣୀଭଗାର ରୁ ମୁଖ୍ଯ ପୂଜକ ପଣ୍ଡିତ ଛନ୍ଦା ଚରଣ ମିଶ୍ର ପୂଜାର୍ଚ୍ଚନା କରିଥିଲେ। ଶାନ୍ତ ମଣି ମିଶ୍ର , ସୁଲଭ ଦାସ, ରଜନୀକାନ୍ତ ଠାକୁର, କୃଷ୍ଣ ପ୍ରସାଦ ତ୍ରିପାଠୀ,ଭରତ ତ୍ରିପାଠୀ , ଲଲିତ ମୋହନ ମିଶ୍ର, ଦେବବ୍ରତ ରଥ ପ୍ରମୁଖ ବେଦମନ୍ତ୍ର ସହ ପୂଜାର୍ଚ୍ଚନା କରିିଥିଲେ । ଜଳପୂର୍ଣ୍ଣ କଳସ ଧରି ସର୍ବପ୍ରଥମେ ଅଧିଷ୍ଠାାତ୍ରୀ ଦେବୀ ମାଁ ଦ୍ବାରସେହ୍ନୀ ଙ୍କ ମନ୍ଦିର କୁ ଯାଇ ସେଠାରେ ମନ୍ଦିର ପୂଜକ ବିକ୍ରମ ଥନାପତୀ ଦେବୀଙ୍କ ଠାରେ ପୂଜାର୍ଚ୍ଚନା କରି ଦେବୀଙ୍କ ଆଜ୍ଞାମାଲ ଦେବାପରେ ପବିତ୍ର ଜଳ କଳସ ଧରି ଏକ ବିରାଟ ପଟୁଆର ରେ ନବନିର୍ମିତ ଦୁର୍ଗା ମଣ୍ଡପ କୁ ପହଞ୍ଚି କଳସ ସ୍ଥାପନ କରିଥିଲେ। ହେବାକୁଥିବା ପଞ୍ଚକୁଣ୍ଡିୟ ଯଜ୍ଞ ର ମୁଖ୍ଯକର୍ତ୍ତା ଭାବରେ ସରୋଜ ଜୈନ ଓ ତାଙ୍କ ଧର୍ମପତ୍ନୀ ସଞ୍ଜୁଦେବୀ ଜୈନ, ଅନ୍ୟତମ କର୍ତ୍ତାା ଭାବରେ ସଞ୍ଜୟ ସିଂଦେଓ ଓ ତାଙ୍କ ଧର୍ମପତ୍ନୀ ରାଜଶ୍ରୀ ସିଂଦେଓ, ଜୟନ୍ତ ଖମାରୀ ଓ ତାଙ୍କ ଧର୍ମପତ୍ନୀ ମନିଷା ଖମାରୀ, ଡମ୍ବ ପାତ୍ର ଓ ତାଙ୍କ ଧର୍ମପତ୍ନୀ ଚମ୍ପା ପାତ୍ର, ଅଖିଳ ପଣ୍ଡା ଓ ତାଙ୍କ ଧର୍ମପତ୍ନୀ ସଞ୍ଜୁକ୍ତା ପଣ୍ଡା, ସୁବାଷ ଜୈନ ଓ ତାଙ୍କ ଧର୍ମପତ୍ନୀ ଶୋଭା ଜୈନ, ସୁନିଲ ପଣ୍ଡା ଓ ତାଙ୍କ ଧର୍ମପତ୍ନୀ ପ୍ରଭାସିନୀ ପଣ୍ଡା ପ୍ରମୁଖ ପୂଜାକାର୍ଯ୍ୟ ତୁଲାଉଥିବା ବେଳେ ୧୬ ପ୍ରହର ନାମଯଜ୍ଞ ରେ ପୂଜକ ଭାବେ ସୁରୁ ରଥ ଏବଂ କର୍ତ୍ତା ଭାବରେ ବିଜୟ ପାଣ୍ଡିଆ

ଓ ତାଙ୍କ ସହଧର୍ମିଣୀ ସୁମିତ୍ରା ପାଣ୍ଡିଆ ଦାୟୀତ୍ବ ତୁଲାଉଛନ୍ତି। ଏଥିରେ ପୂଜାକମିଟିର ସମସ୍ତ କର୍ମକର୍ତ୍ତାଙ୍କ ସହ ଗ୍ରାମବାସୀଙ୍କ ସହଯୋଗ ଓ ପ୍ରତ୍ୟକ୍ଷ ତତ୍ତ୍ଵାବଧାନ ରେ କଳସ ଯାତ୍ରା ସମୟରେ ପାରମ୍ପାରିକ ବାଦ୍ୟଦଳ , କୀର୍ତ୍ତନ ଦଳ ଓ ଘଣ୍ଟବାଦ୍ୟର ତାଳେ ତାଳେ ପୁରା ସିନ୍ଧେକେଲା ମାଁ ଦୁର୍ଗାଙ୍କ ଜୟ ଜୟକାର ରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରିଥିଲା। ୨୬ ତାରିଖ ରୁ ଚାଳିଥିବା ପୂଜା କାର୍ଯ୍ୟକ୍ରମ ୩୦ ତାରିଖ ଶେଷହେବ।