25-May-2023

ବ୍ରହ୍ମପୁର(ଝିଲ୍ଲି କୁମାରୀ ସାହୁ ): ବ୍ରହ୍ମପୁର  ଶୀତଳାପଲ୍ଲୀ ଠାରେ ଥିବା ପାରଳା ମହାରାଜା ଯାନ୍ତ୍ରିକ ମହାବିଦ୍ୟାଳୟ ର ତିନିଦିନିଆ ବାର୍ଷିକ ମହୋତ୍ସବ ଆଡ଼ମ୍ବର ସହ ଉଜ୍ଜାପିତ ହୋଇଛି l  ପ୍ରଥମଦିନରେ ଅଥିତିମାନଙ୍କ ଦ୍ୱାରା ପ୍ରଦୀପ ପ୍ରଜ୍ବଳନ କରାଯାଇଥିଲାଓ ଦରବାର ମେଗାଜିନ ଉନ୍ମୋଚନ କରାଯାଇଥିଲା l ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ ସହ ପ୍ରସିଦ୍ଧ ସମ୍ବଲପୁରୀ କଣ୍ଠଶିଳ୍ପୀ ମଣ୍ଟୁ ଛୁରିଆଙ୍କ ଗୀତର ତାଳେ ତାଳେ  ଝୁମିଥିଲେ  ସମସ୍ତ ଶିକ୍ଷାର୍ଥୀ ଦ୍ୱିତୀୟ ଦିନରେ ବଲିଉଡ୍ ଗାୟକ  ନକ୍ସ ଅଜିଜ୍ ଛାତ୍ରଛାତ୍ରୀଙ୍କୁ ଝୁମାଇ ଥିବା ବେଳେ ଶେଷ ଦିନରେ ମୂଖ୍ୟ ଆକର୍ଷଣର କେନ୍ଦ୍ରଥିଲା ଡିଜେ ଆଖିଲ ତାଲରେଜା।ଉଜ୍ଜାପନୀ ସନ୍ଧ୍ୟାରେ ମୁଖ୍ୟ ଅତିଥି ଭାବରେ ଓପିଟିସିଏଲ୍ ର ଇଡି ବିଶ୍ବରଂଜନ ମିଶ୍ର ଯୋଗ ଦେଇ ବିଭିନ୍ନ ପ୍ରତିଯୋଗିତା ରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରିଥିଲେ। ଶେଷ ଦିନରେ ମହାବିଦ୍ୟାଳୟ ର ବିଭିନ୍ନ କ୍ଳବ୍ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ସଂଗଠିତ ହୋଇଥିବା ବେଳେ ବିଭିନ୍ନ କ୍ଳବ୍ ର ସଦସ୍ୟ ମାନଙ୍କୁ  ସମ୍ମାନିତ କରାଯାଇଥିଲା।କାର୍ଯ୍ୟକ୍ରମ ଶୃଙ୍ଖଳା ର ସହ ତିନିଦିନ ଖୁବ୍ ସୁନ୍ଦର ଭାବରେ  ହୋଇଥିଲା  l  ମହାବିଦ୍ୟାଳୟର କଳାକାର ପରିବାର ପକ୍ଷରୁ ଛାତ୍ର ସଂସଦ ନିର୍ବାଚନକୁ ନେଇ ଏକ ଡ୍ରାମା ପରିବେଷଣ କରାଯାଇଥିଲା ଯାହା ଏକ ସମାଜ ଧର୍ମି ସଚେତନତା ବୋଲି ବହୁ ବୁଦ୍ଧିଜିବି ମତ ପ୍ରକାଶ କରିଛନ୍ତି। ସେହି ପରି ଏନ୍.ସି.ସି ପକ୍ଷରୁ ବିଭିନ୍ନ ପିରାମିଡ୍ ସହିତ ଦେଶ

ପ୍ରେମ ର ଭାବନା ସୃଷ୍ଟି କରାଯାଇଥିଲା ଓ ଓଡ଼ିଶା ର ବିଭିନ୍ନ କଲେଜରୁ ଆସିଥିବା ଛାତ୍ରଛାତ୍ରୀ ମାନେ ରୋବୋଟିକ୍ସ ପକ୍ଷରୁ ଆୟୋଜିତ ପ୍ରତିଯୋଗିତା ଖୁବ୍ ଆନନ୍ଦଦାୟକ ଥିଲା ବୋଲି ଖୁସି ବ୍ୟକ୍ତ କରିଛନ୍ତି।   ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରଞ୍ଜନ କୁମାର ସ୍ୱାଇଁ  ସମସ୍ତ ବିଦ୍ୟାର୍ଥୀଙ୍କୁ ଉତ୍ସାହିତ କରିଥିଲେ । ପରିଶେଷ ରେ ମହାବିଦ୍ୟାଳୟର ବାର୍ଷିକ ମହୋତ୍ସବ ସଂଯୋଜକ ବରିଷ୍ଠ ଅଧ୍ୟାପକ ପୂର୍ଣ୍ଣ ଚନ୍ଦ୍ର ବିଶ୍ଵାଳ ସମସ୍ତଙ୍କୁ ଧନ୍ୟବଦ ଅର୍ପଣ କରି କାର୍ଯ୍ୟକ୍ରମ ସମାପନ କରିଥିଲେ।