24-May-2023

ବଲାଙ୍ଗିର (ପ୍ରେରଣା ଖବର ): କିଛି ଦିନର ବ୍ୟବଧାନ ପରେ ପୁଣି ବଲାଙ୍ଗିର ସହରରେ ଅପରାଧୀ ଗୋଷ୍ଠୀ ସକ୍ରିୟ ହୋଇଛନ୍ତି l ଅପରାଧ ବଢୁଛି କିନ୍ତୁ ଅପରାଧୀଙ୍କୁ ଦମନ କରିବା ଦିଗରେ ବଲାଙ୍ଗିର ପୋଲିସର ଭୂମିକା ସେତେ ଟାଟା ଉତ୍ସାହଜନକ ନୁହେଁ l ସାମାନ୍ୟ କଥାକୁ କେନ୍ଦ୍ର କରି ଗୁଳି ଫୁଟିବା ଓ ହତ୍ୟାକାଣ୍ଡ  ପରି ଘଟଣା ବଲାଙ୍ଗିର ବାସୀଙ୍କ ମଧ୍ୟରେ ଭୟର ବାତାବରଣ ଖେଳାଇ ଦେଇଥିବା ବେଳେ ଗତକାଲି ବିଳମ୍ବିତ ରାତିରେ ପୁଣି ଏକ ହତ୍ୟା ଘଟଣା ପୋଲିସ ପାଇଁ ପୋଲିସ ପାଇଁ ମୁଣ୍ଡବ୍ୟଥାର କାରଣ ପାଲଟିଛି l

  ଗତକାଲି ବିଳମ୍ବିତ ରାତିରେ ରାଜମନ୍ଦିର ଗଳିଠାରେ ଏକ ଅଘଟଣ ଘଟିଛି । ଦୃବୁର୍ତ୍ତଙ୍କ ଛୁରାମାଡରେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣକଙ୍କ ନାମ ବିଟ୍ଟୁ ବୋଲି ଜଣାପଡିଛି ।  ଅନ୍ୟ ଜଣେ ମଧ୍ୟ ଗୁରୁତର ଅବସ୍ଥାରେ ଭୀମ ଭୋଇ ମେଡିକାଲରେ ଚିକିତ୍ସିତ ହେଉଛନ୍ତି । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ରାଜମନ୍ଦିର ଗଳିରେ

ବିଟ୍ଟୁ ଓ ତାଙ୍କର କିଛି ସାଙ୍ଗ ଠିଆ ହୋଇଥିଲେ । ଏହି ସମୟରେ ଅନ୍ୟ ଗୋଷ୍ଠୀର କିଛି ଯୁବକଙ୍କ ସହିତ ତାଙ୍କର କଥା କଟାକଟି ହୋଇଥିଲା । ଏଥିରେ ସେମାନେ ଉତ୍ୟକ୍ତ ହୋଇ ବିଟ୍ଟୁ ଓ ତାଙ୍କ ସାଙ୍ଗକୁ ଛୁରା ମାଡ କରିଥିଲେ । ଫଳରେ ଦୁହେଁ ଗୁରୁତର ହୋଇଥିଲେ । ଘଟଣାସ୍ଥଳରୁ ଦୃବୁର୍ତ୍ତ ମାନେ ଫେରାର ମାରିଥିବା ବେଳେ ବିଟ୍ଟୁ ଓ ତାଙ୍କ ସାଙ୍ଗକୁ ଭୀମ ଭୋଇ ମେଡିକାଲକୁ ନିଆ ଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି । ତାଙ୍କର ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଯାଇଥିବା ବେଳେ ଅନ୍ୟ ଜଣେ ଗୁରୁତର ଅଛନ୍ତି। ପୁଲିସ ଘଟଣାର ତଦନ୍ତ ଆରମ୍ଭ କରିଛି ।