18-May-2023

କଣ୍ଟାମାଳ(ସତ୍ୟ ବିଭାର): ମହିଳାମାନଙ୍କୁ ସ୍ଵାଵଲମ୍ବି କରିବାପାଇଁ ବାଏରିସନ୍ସ ଏଗ୍ରୋ ପ୍ରଡକ୍ଟ ତରଫରୁ ବୌଦ୍ଧ ଜିଲ୍ଳା କଣ୍ଟାମାଳ ବ୍ଲକ ଉମାଠାରେ  ପଞ୍ଚାୟତସ୍ତରୀୟ ହଳଦୀଗୁଣ୍ଡ ପ୍ୟାକିଙ୍ଗ ୟୁନିଟର ଶୁଭାରମ୍ଭ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଉମା ସରପଞ୍ଚ ଦୌଲଥ ପାଣ୍ଡେ ଏବଂ ସମ୍ମାନିତ ଅତିଥି ଭାବେ ପୂର୍ବତନ ସରପଞ୍ଚ ରାମଦାସ ରଣା, ଶରତ ରଣା, ବିଶ୍ଵାମିତ୍ର ଭୋଇ, ରାଜକିଶୋର ମହିଳା ସଂଘର ଏମବିକେ ବିନୋଦିନୀ ମହାନନ୍ଦ,ଉମା ମହାସଂଘର ସଭାନେତ୍ରୀ ପ୍ରତିମା ମହାନନ୍ଦ ଓ ସମ୍ପାଦିକା ଶାମୁକା ଦୀପ ପ୍ରମୁଖ ମଞ୍ଚସୀନ ଥିଲେ l ଅନ୍ୟତମ ଅତିଥି ଭାବେ ବାଏରୀ ସନସ୍ ସଂସ୍ଥାର ବ୍ୟବସ୍ଥାପକ ବାକି ବାଏରୀ ରେଡ୍ଡୀ ଯୋଗଦେଇ ସଂପୃକ୍ତ ହଳଦୀ ଗୁଣ୍ଡକୁ ପ୍ୟାକିଂଗ ପରେ ବିକ୍ରୟ କରି କିପରି ଲାଭବାନ ପାଇପାରିବା ତା ଉପରେ ଆଲୋଚନା କରିଥିଲେ I ପରେ ଅତିଥି ମାନଙ୍କ ଦ୍ୱାରା ପ୍ୟାକିଙ୍ଗ ୟୁନିଟର ପୋଷ୍ଟର ମଧ୍ୟ ଉନ୍ମୋଚନ କରାଯାଇଛି l ପଞ୍ଚାୟତସ୍ତରୀୟ ସ୍ୱୟଂ ସହାୟକ ଗୋଷ୍ଠୀ ମାଁ ମଙ୍ଗଳା, ମାଁ ଦୂର୍ଗା, ଭିମା ବୁଢ଼ା ଓ ଜୟ ଶ୍ରୀରାମ ଆଦି ୪ଟି ମହିଳା ସ୍ୱୟଂ ସହାୟକ ଗୋଷ୍ଠୀର ମିଳିତ ଉଦ୍ୟମରେ ପଞ୍ଚାୟତସ୍ତରୀୟ ହଳଦୀଗୁଣ୍ଡ ପ୍ୟାକିଙ୍ଗ ୟୁନିଟ ନିଜର କାର୍ଯ୍ୟ ଆରମ୍ଭ କରିଥିବା ବେଳେ ସହଜ ମାର୍କେଟିଙ୍ଗ ସୁବିଧା ନିମନ୍ତେ ବାଏରୀ ସନସ୍ ଏଗ୍ରୋ ଇଣ୍ଡିଆ ସଂସ୍ଥା ପ୍ୟାକିଙ୍ଗ ବିକ୍ରୟ ଦାୟିତ୍ୱ ନେଇଛି l ଆଜି ହଳଦୀ ଗୁଣ୍ଡ ବିକ୍ରୟର ଶୁଭାରମ୍ଭ କରାଯାଇଥିଲା l ହଳଦୀ ଗୁଣ୍ଡ ପ୍ୟାକିଙ୍ଗ ୟୁନିଟ କରିବା ଦ୍ୱାରା ଘରେ ବସି ରହୁଥିବା ମହିଳା ମାନେ ସ୍ୱାବଲମ୍ବୀ ହେବା ସହ ବେକାର ଯୁବକ ଯୁବତୀମାନେ ମଧ୍ୟ ରୋଜଗାରକ୍ଷମ ହୋଇ ପାରିବେ ବୋଲି ସ୍ୱୟଂ ସହାୟିକା ଗୋଷ୍ଠୀର ମହିଳାମାନେ ଆଶାବ୍ୟକ୍ତ କରିଛନ୍ତି l