18-May-2023

 ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ): ଆଜି ସକାଳ ୭ ଘଣ୍ଟା ବେଳେ ସୁବର୍ଣ୍ଣପୁର ଜିଲ୍ଲା ସ୍ୱାସ୍ଥ୍ୟସମିତି ତରଫରୁ ସ୍ୱଚ୍ଛ ଭାରତ ସଂଗଠନ ର ମିଳିତ ସହଯୋଗ ରେ  ସ୍ୱଚ୍ଛତା ପକ୍ଷ ପାଳନ  ହୋଇଯାଇଛି l ସକାଳ  ୬ ଟା ରେ ଜିଲ୍ଲା ମୁଖ୍ୟ ଚିକିତ୍ସl ଓ ଜନସ୍ୱାସ୍ଥ୍ୟ  ଅଧିକରୀ  ଡା. ବିଶ୍ୱରଂଜନ ପତି  ନିଜେ ଝାଡୁ ଧରି  ଏହି ଅବସର ରେ ଏକ ସ୍ୱଛତା ଶିବିର କୁ ଶୁଭ ଉଦଘାଟନ କରି ସମସ୍ତ ଅଧିକାରୀ ଓ ସ୍ବେଛାସେବୀଙ୍କ ସହ ହସ୍ପିଟାଲ ପରିସର ରେ ଏକ ମେଗା ସଫେଇ ଅଭିଯାନ ରେ ସାମିଲ ଥିଲେ l ପରେ ପରେ ହସ୍ପିଟାଲ ପରିସରରେ ସିଡିଏମ ଓ ଶ୍ରୀ ପତି ଙ୍କ ଅଧ୍ୟକ୍ଷତା ରେ ଏକ ସଚେତନତା ସଭା  ଅନୁଷ୍ଠିତ ହୋଇଥିଲା l  ପ୍ରଥମେ ଆମେ ନିଜ ଠୁଁ ପରିବର୍ତ୍ତନ ଆରମ୍ଭ କଲେ  ଆମ ସମାଜ କୁ ଦେଶ କୁ ପରିବର୍ତ୍ତନ କରି  ସମଗ୍ର ଦେଶ କୁ ସ୍ୱଚ୍ଛ ସୁନ୍ଦର କରିବା ଓ ଏକ ସୁସ୍ଥ ବାତାବରଣ ତିଆରି କରିପାରବା ବୋଲି ମୁଖ୍ୟ ଅତିଥି ଶ୍ରୀ ପତି ମତ ରଖିଥିଲେ l ମୁଖ୍ୟ ଚିକିତ୍ସାଳୟ ଡା. ଦୁର୍ଗlଦତ୍ତ ଦାଶ,  ଡ଼ି ପି ଏମ  ଏନ ଏଚ ମ ବିଶ୍ୱମ୍ବର ବେହେରା, ହସ୍ପିଟାଲ ମ୍ୟାନେଜେର ଇପସିତା ପ୍ରିୟଦର୍ଶିନୀ,, ଜି କେ ଏସ ମ୍ୟାନେଜେର ହିତେଶ ତ୍ରିପାଠୀ ସ୍ଵଛ ଭାରତ ସଂଘଠନ ସୋନପୁର ମନମୁଣ୍ଡା ର ଉଦ୍ୟୋକ୍ତା ସୟଦ ଅଲିମୁଲ ଇସଲାମ, ଉପ -ସଭାନେତ୍ରୀ ଇନ୍ଦୁମତୀ ପୁରୋହିତ, କୋଡିନେଟର ମନୋରଞ୍ଜନ ତ୍ରିପାଠୀ, ବରିଷ୍ଠ ସଦସ୍ୟ  ମନୋଜ  ପଣ୍ଡା, ପୋଲିସ ଆର ଆଇ ପ୍ରଦ୍ୟୁମ୍ନ ପଟେଲ ଅତିଥି ଭାବେ ଯୋଗ ଦେଇ ଏହି ଦିବସ ଅବସର ରେ ସଚେତନତା ବାର୍ତ୍ତା ପ୍ରଦାନ କରିଥିଲେ l  ମେଡିକାଲ ର ବିଭିନ୍ନ ଅଧିକାରୀ, ସିନିଅର ସେବିକାଙ୍କ ସହିତ ସ୍ୱଚ୍ଛ ଭାରତ ସଂଗଠନ ର ସମସ୍ତ କର୍ମକର୍ତ୍ତା ଏହି ସଭାରେ ଯୋଗ ଦେଇଥିଲେ l ଜ଼ିଲ୍ଲା ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ ସଭା ପରିଚାଳନା କରି ଅତିଥି ସ୍ୱାଗତ କରିଥିବା ବେଳେ   ଡିଇଓ  ନାରାୟଣ ରଥ ଧନ୍ୟବାଦ ଅର୍ପଣ କରିଥିଲେ l