18-May-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ମଙ୍ଗଳବାର ଅନୁଷ୍ଟିତ ସପ୍ତମ ରାଉଣ୍ଡର ଦ୍ଵିତୀୟ ମ୍ୟାଚରେ ବାଦୀ ବ୍ରଦରସକୁ ହରାଇ ସାଗର-୧୧ ଦ୍ଵିତୀୟ ଦଳ ଭାବେ କ୍ୱାଳିଫାୟାରକୁ ପ୍ରବେଶ କରିଛି   । ଟଚ ଜିଣି ସାଗର -୧୧ ପ୍ରଥମେ ବ୍ୟାଟିଂ କରି ୧୦ଓଭରରେ ୫ୱିକେଟ ହରାଇ ୬୦ରନ କରିଥିଲା ତାର ଜବାବରେ ବାଦୀ ବ୍ରଦରସ ୯ୱିକେଟ ହରାଇ ମାତ୍ର ୫୭ରନ କରି ପରାଜିତ ହୋଇଥିଲା । ମ୍ୟାଚକୁ ସଂଗ୍ରାମ କେଶରୀ ନାଏକ ଓ ମଣ୍ଟୁ ମୁଦୁଲି ପରିଚାଳନା କରିଥିବା ବେଳେ ସ୍କୋରର ଭାବେ ପ୍ରତ୍ୟୁଷ,ଶ୍ରୀତମ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର ଓ ବୈରାଗୀ  ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସଙ୍କ  ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଶାରୀରିକ ଶିକ୍ଷା ଅଧିକାରୀ(ଏଲପିଇ) ସତ୍ୟ ନାରାୟଣ ତ୍ରୀପାଠୀ,ସ୍ଵତନ୍ତ୍ର ଅତିଥି ଭାବେ ଯୁବ ଆଇନଜୀବୀ ଠଣସୁନ୍ଦର ଭେସେରା,ସମ୍ମାନିତ ଅତିଥି ଭାବେ ପୂର୍ବତନ କ୍ରିକେଟ ତାରକା ରଞ୍ଜନ ବଢେଇ,ଯୁବ ବ୍ୟବସାୟୀ ଅନିଲ କୁମାର ମାହାର,ମେଘେଲା ହାଇସ୍କୁଲ ଖେଳ ଶିକ୍ଷକ ସୁଶାନ୍ତ ବାଘ ପ୍ରମୁଖ ଯୋଗଦେଇ ବିଜେତା/ଉପ ବିଜେତା ତଥା ମ୍ୟାନ ଅଫ ଦି ମ୍ୟାଚ ସୁନିଲ ଭୋଇ,ବେଷ୍ଟ ବ୍ୟାଟ୍ସମ୍ୟାନ ଆଶିଷ ଜଗଦଲା, ବେଷ୍ଟ ବୋଲର ଜୟରାମ କୁମ୍ବାର ପ୍ରମୁଖଙ୍କ ପୁରସ୍କାର ପ୍ରଦାନ କରାଯାଇଥିଲା ।ଗୁରୁବାର

ତ୍ରିରଙ୍ଗା ୟୁଥ କ୍ଲବ ବନାମ କମ୍ରେଡ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ସେମାନଙ୍କୁ ପୁରସ୍କାର ପ୍ରଦାନ ପାଇଁ ଅତିଥି ଭାବରେ ଫୁଲମୁଠୀ ଗୋକୁଳାଷ୍ଟମୀ ଲୀଲା ଯାତ୍ରା କମିଟୀ ସଭାପତି ଆନନ୍ଦ ହୋତା,ବିନିକା ଗୋକୁଳାଷ୍ଟମୀ ଲୀଲା ଯାତ୍ରା କମିଟୀ ସଭାପତି ସୀତାରାମ ଦାସ,ପୂର୍ବତନ ଖେଳାଳୀ ସତ୍ୟ ନାରାୟଣ ବାରଖୁଣ୍ଟିଆ, ସମୀର ରଞ୍ଜନ ପଣ୍ଡା ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ ।