16-May-2023

ବୀରମହାରାଜପୁର, (ବିନୋଦ ପାଣ୍ଡେ) : ଓଡ଼ିଶାର ଅନ୍ୟତମ ଅଗ୍ରଣୀ ସାହିତ୍ୟ ଅନୁଷ୍ଠାନ ମାଟିଲଗ୍ନା ସାହିତ୍ୟ ସଂସଦ ଆନୁକୁଲ୍ୟରେ ଗୁଗୁଲମିଟ୍ ମାଧ୍ୟମରେ ଏକ ଆଧ୍ୟାତ୍ମିକ ଆଲୋଚନା ଚକ୍ର ଆଜି ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି । ଶ୍ରୀମଦ୍ ଭଗବତ ଗୀତାରେ ଜୀବନ ଦର୍ଶନ ଶୀର୍ଷକ ଉପରେ ହୋଇଥିବା ଆଲୋଚନା ଚକ୍ରରେ ସଭାପତିତ୍ବ କରିଥିଲେ ଅନୁଷ୍ଠାନର ପ୍ରତିଷ୍ଠାତା  କିଶୋର ଚନ୍ଦ୍ର ପ୍ରଧାନ ।  ସାଧାରଣ ସମ୍ପାଦକ  ଶୁଭ୍ରାଂଶୁ ଶେଖର ପାଢ଼ୀ ମଞ୍ଚ ପରିଚାଳନା କରିବା ସହିତ ଗୀତା ସମ୍ପର୍କରେ ପ୍ରାକ୍ କଥନ ରଖିଥିବା ବେଳେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରର  ସାମ୍ବାଦିକ  ଯୁଗଳ କିଶୋର ମିଶ୍ର, କଳାହାଣ୍ଡିର ବରିଷ୍ଠ କବି  ଭୁବନେଶ୍ୱର ପୁରୋହିତ, ଭଦ୍ରକ ଜିଲ୍ଲା ବାସୁଦେବପୁରର ଶିକ୍ଷୟତ୍ରୀ ସରସ୍ଵତୀ ବାରିକ୍ ଏବଂ ଭୁବନେଶ୍ବରର ବରିଷ୍ଠ କବି  ବଦ୍ରି ନାରାୟଣ ମହାନ୍ତି ପ୍ରମୁଖ ପ୍ରସଙ୍ଗ ଭିତ୍ତିକ ଆଲୋଚନା କରିଥିଲେ । ଅନ୍ୟ ମାନଙ୍କ ମଧ୍ୟରେ  କୃଷ୍ଣଚନ୍ଦ୍ର ପାଢ଼ୀ, ଦ୍ଵିତୀକୃଷ୍ଣ ପଣ୍ଡା, ଯମୁନା ଦାଶ, ହୀରାବତୀ ସାହୁ, ମଧୁସ୍ମିତା ମିଶ୍ର, ନୀଳକାନ୍ତି ପଟ୍ଟନାୟକ, ନୁରାବତି ସାହୁ, ସରିତା ମହାନ୍ତି, ସବିତା ହୋତା , ସାଗରିକା ପଣ୍ଡା, ସ୍ନେହ ମିଶ୍ର, କିଶୋର ଚନ୍ଦ୍ର ତ୍ରିପାଠୀ, ନାରାୟଣ ଦଣ୍ଡସେନା , ନିରୁପମା ଶତପଥୀ, ସୁରେଶ ଚନ୍ଦ୍ର ପାଢ଼ୀ ପ୍ରମୁଖ ପ୍ରଶ୍ନୋତ୍ତର କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ । ପୁଷ୍ପାଞ୍ଜଳୀ ଦେବୀ ସ୍ଵାଗତ ସଙ୍ଗୀତ ପରିବେଷଣ କରିଥିବା ବେଳେ  ଭଗବାନ ସିଂ ମାଝୀ ଓ ବିନୟ କୁମାର ଦଣ୍ଡସେନା ପ୍ରଶ୍ନୋତ୍ତର ପରିଚାଳନା କରିଥିଲେ । ମାଟିଲଗ୍ନାର ଉପଦେଷ୍ଟା  ନରସିଂହ ପ୍ରସାଦ ନାୟକ ଧନ୍ୟବାଦ ଅର୍ପଣ କରିଥିବା ବେଳେ ମୁଖ୍ୟ ଉପଦେଷ୍ଟା ନୁରାବତୀ ସାହୁ ସଭା ସାଙ୍ଗ ଘୋଷଣା କରିଥିଲେ ।