16-May-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଚଳିତ ବର୍ଷ ଓଡିଶା ଲୋକସେବା ଆୟୋଗ ଦ୍ୱାରା ପରିଚାଳିତ ଓଡିଶା ଏଜୁକେସନ ସର୍ଭିସ (ଓଇଏସ୍) ପରୀକ୍ଷାରେ ବଲାଙ୍ଗୀର ଜିଲ୍ଲା ଆଗଳପୁର ଅନ୍ତର୍ଗତ ରେଙ୍ଗାଲି ଗ୍ରାମର ଶ୍ରୀଯୁକ୍ତ ଘନଶ୍ୟାମ ମେହେରଙ୍କ ପୁତ୍ର ଶ୍ରୀଯୁକ୍ତ ରୁଷିଆ ମେହେର ସଫଳତାର ସହିତ ଉତ୍ତୀର୍ଣ୍ଣ ହୋଇଛନ୍ତି l ସେ ପୂର୍ବରୁ ଆଗଲପୁର ଉଚ୍ଚ ବିଦ୍ୟାଳୟରେ ଶିକ୍ଷକ ଥିଲେ ଓ ବର୍ତ୍ତମାନ ଓଡିଶା ଆଦର୍ଶ ବିଦ୍ୟାଳୟ,ଏମ୍.ଗଣ୍ଡପାଲି ବିଜେପୁରରେ ସାମାଜିକ ବିଜ୍ଞାନ ଶିକ୍ଷକ ରୂପେ କାର୍ଯ୍ୟରତ l ତାଙ୍କର ଏହି ସଫଳତା ପାଇଁ ଗ୍ରାମବାସୀ,ଅଭିଭାବକ ଓ ଶିକ୍ଷକ ମହଲରୁ ପ୍ରଶଂସାର ସୁଅ ଛୁଟୁଛି । ଏହି ଖବର ପାଇ ରେଙ୍ଗାଲି ଗ୍ରାମ ତଥା ଆଖାପାଖି ଅଂଚଳରେ ଖୁସିର ଲହରୀ ଖେଳି ଉଠିଛି l ଶିକ୍ଷକତାରୁ କିପରି ଶିକ୍ଷା ସେବା ପର୍ଯ୍ୟନ୍ତ ସୁଦୂର ପଥ କଠିନ ପରିଶ୍ରମ ବଳରେ ଅତିକ୍ରମ କରିଛନ୍ତି, ତାହା ଯୁବ ପିଢ଼ି ପାଇଁ ବର୍ତମାନ ପ୍ରେରଣାର ଉତ୍ସ l ତାଙ୍କର ଏହି ସଫଳତା ପାଇଁ ପିତାମାତା,ପତ୍ନୀ,ଭାଇଭଉଣୀ,ତାଙ୍କୁ ଶିକ୍ଷାଦାନ କରିଥିବା ଶିକ୍ଷକବୃନ୍ଦ, ଗ୍ରାମର ସାଙ୍ଗସାଥି,ଓଡ଼ିଶା ଆଦର୍ଶ ବିଦ୍ୟାଳୟର ସମସ୍ତ ସହକର୍ମୀ ଓ ଶୁଭଚିନ୍ତକ ମାନଙ୍କୁ ଶ୍ରେୟ ଦେଇଛନ୍ତି l