15-May-2023

ବଲାଙ୍ଗୀର,  ପଦ୍ମଶ୍ରୀ ବିଦ୍ୟାବାଚସ୍ପତି ଡଃ ଶ୍ରୀନିବାସ ଉଦ୍‌ଗାତାଙ୍କୁ ଓଡ଼ିଶା ସାହିତ୍ୟ ଏକାଡେମୀର ମର୍ଯ୍ୟାଦାଜନକ ଅତିବଡି ଜଗନ୍ନାଥ ଦାସ ସମ୍ମାନ ପଦାନ କରିବା ପରେ ଶ୍ରୀ ଉଦ୍‌ଗାତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଜ୍ଞାପନ କରାଯାଉଛି । ଏହି କ୍ରମରେ ଆଜି  ଆଜି ସ୍ଥାନୀୟ ଟାଉନ ବାଳିକା ବିଦ୍ୟାଳୟ ଠାରେ ଡ. ଶ୍ରୀ ଉଦ୍‌ଗାତାଙ୍କୁ ନାଗରିକ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଏହି ଅବସରରେ କବି ତଥା ସାମ୍ବାଦିକ ସନ୍ଦୀପ କୁମାର କୁଅଁରଙ୍କ ସଂଯୋଜନାରେ ତଥା ସାମ୍ବାଦିକ ବୀରେନ୍ଦ୍ର ଝାଙ୍କରଙ୍କ ସଭାପତିତ୍ୱରେ ଅନୁଷ୍ଠିତ ନାଗରିକ ସମ୍ବର୍ଦ୍ଧନା ଉତ୍ସବରେ  ବଲାଙ୍ଗୀରର ବହୁ ସାହିତ୍ୟ ଓ ସାମାଜିକ ଅନୁଷ୍ଠାନ ତଥା ବ୍ୟକ୍ତିବିଶେଷଙ୍କ ତରଫରୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ସଭା ପ୍ରାରମ୍ଭରେ ନଟ୍ୟଭୂଷଣ ଜଗଦାନନ୍ଦ ଛୁରିଆ ନିଜ ବକ୍ତବ୍ୟରେ ପଦ୍ମଶ୍ରୀ ଶ୍ରୀନିବାସ ଉଦ୍‌ଗତାଙ୍କ ସଂଘର୍ଷମୟ ସାରସ୍ୱତ ଜୀବନ ଯାତ୍ରା ଓ ସାହିତ୍ୟ ସାଧାନ ବିଷୟରେ ଆଲୋକପାତ କରିଥିଲେ ।  ଅନ୍ୟ ମାନଙ୍କ ମଧ୍ୟରେ ବଲାଙ୍ଗୀର ନାଗରିକ କମିଟି, ଜିଲ୍ଲା ସାମ୍ବାଦିକ ସଂଘ, ବିଙ୍ଗ୍ ହ୍ୟୁମେନ ଫାଉଣ୍ଡେସନ, ପୁଇଁନ୍ତଳା ସମ୍ବାଦ ସାହିତ୍ୟ ଘର, ପଲ୍ଲୀ ଆଲୋକ ପାଠାଗାର, ନାଟ୍ୟଗ୍ରାମ ଅନୁଷ୍ଠାନ,  ସାହିତ୍ୟ ଅନୁଷ୍ଠାନ ରଚନା, ତହଁକ କୁଟୁମ୍‌, ପୂଜ୍ୟ ପୂଜା ସେବା ସଂସଦ, ଆଦ୍ୟଶକ୍ତି ନାରୀ ସଂଗଠନ ସାପ୍ତାହିକ  ଜନସମ୍ବାଦ ଆଦି ଅନୁଷ୍ଠାନ ତରଫରୁ ଡ. ଉଦ୍‌ଗାତାଙ୍କୁ ନାଗରିକ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ।

ନାଗରିକ କମିଟିର ସଂପାଦକ ମନୋରଂଜନ ସାହୁ, ସାହିତ୍ୟିକ ଭାଗିରଥୀ ମିଶ୍ର, ଡ. ପ୍ରହଲ୍ଲାଦ ଶତପଥୀ ପ୍ରମୁଖ ଡ. ଶ୍ରୀନିବାସ ଉଦ୍‌ଗାତାଙ୍କ ଲମ୍ବା ସାହିତ୍ୟ ଜୀବବନର ବିଭିନ୍ନ ଦିଗ ଉପରେ ଆଲୋକପାତକରିଥିଲେ । ସଭା ଶେଷ ରେ ବ୍ୟାସଦେବ ନନ୍ଦ ଧନ୍ଯବାଦ ଅର୍ପଣ କରିଥିଲେ l
ପଦ୍ମଶ୍ରୀ ଶ୍ରୀନିବାସ ଉଦ୍‌ଗାତାଙ୍କ ତାଙ୍କର ଜୀବନବ୍ୟାପୀ ସାହିତ୍ୟ ସାଧନା ପାଇଁ ଓଡ଼ିଶା ସାହିତ୍ୟ ଏକାଡେମୀର ସର୍ବୋଚ୍ଚ ସମ୍ମାନ ଅତିବଡି ଜଗନ୍ନାଥ ଦାସ ସମ୍ମାନ ମିଳିଛି । ସୂଚନାଯୋଗ୍ୟ ଯେ ଏଜାବତ ସାହିତ୍ୟ ଭଣ୍ଡାରକୁ ଶ୍ରୀନିବାସ ଉଦ୍‌ଗାତ ଭେଟି ଦେଇଛନ୍ତି ମୋଟ ୩୨୪ ଖଣ୍ଡ କାଳଜୟୀ ପୁସ୍ତକ । ଏହି ପରିଣତ ବୟସରେ ମଧ୍ୟ ତାଙ୍କର ଲେଖନୀ ମୂନ ଥମି ନାହିଁ । ଭାଷା ସାହିତ୍ୟ ପ୍ରତି ସମର୍ପିତ ଶ୍ରୀନିବାସ ଉଦଗାତା ଙ୍କୁ ଏବେ ଅତିବଡି ଜଗନ୍ନାଥ ଦାସ ପୁରସ୍କାର ମିଳିବା ବିଷୟ  ନା ଯେ କେବଳ ବଲାଙ୍ଗୀର ବରଂ  ସମଗ୍ର ଓଡ଼ିଶା ପାଇ ଗର୍ବ ଓ ଗୌରବର ବିଷୟ । 'ପ୍ରେରଣା'ପରିବାର ତରଫରୁ ପଦ୍ମଶ୍ରୀ ଶ୍ରୀନିବାସ ଉଦ୍‌ଗାତାଙ୍କ ଏକ ନିରାମୟ ଓ ସୁସ୍ଥ ଜୀବନ କାମନା କରାଯାଉଛି ।