15-May-2023

ବଲାଙ୍ଗିର (ଦେବାଶିଷ ବହିଦାର ): ବଲାଙ୍ଗିର ଜିଲ୍ଲା ସଦର ବ୍ଲକ ଚୁଡlପାଲି ଠାରେ ଆଜି ସକାଳେ ଭାରତୀୟ ଜନତା ପାର୍ଟି ତରଫରୁ ପଞ୍ଚାୟତସ୍ତରୀୟ କର୍ମକର୍ତ୍ତା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ଅତିଥି ଭାବେ ବଲାଙ୍ଗିର ସାଂସଦ ସଙ୍ଗୀତା କୁମାରୀ ସିଂଦେଓ ଯୋଗଦେଇ କର୍ମୀ ମାନଙ୍କୁ ଉତ୍ସାହିତ କରି ଥିଲେ l  ତୃଣମୂଳସ୍ତରରେ

ବିଜେପି କୁ ସୁଦୃଢ କରି ସମସ୍ତେ କାମ କରିବାକୁ ସାଂସଦ ଶ୍ରୀମତୀ ସିଂଦେଓ ଆହ୍ଵାନ ଦେଇଥିଲେ l ଏହି ଅବସରରେ ବିଜେପି ର 'ମୋ ବୁଥ୍ କାର୍ଯ୍ୟକ୍ରମ' କୁ ତ୍ୱରାନ୍ୱିତ କରିବା ପାଇଁ କର୍ମୀ ମାନଙ୍କୁ ଅନୁରୋଧ କରାଯାଇଥିଲା l   ପ୍ରତ୍ୟେକ ବୁଥ୍ ରୁ  ୩୦ ଜଣ ସଭ୍ଯଙ୍କୁ ନେଇ ବୁଥ୍ କମିଟି ଗଠନ ପାଇଁ ନିର୍ଦ୍ଦେଶ ଦିଆଯାଇଛି l ଏହି ସମ୍ମିଳନୀରେ ବିଜେପି ପ୍ରଭାରୀ ଶିବଦତ୍ତ ମିଶ୍ର, ବଲାଙ୍ଗିର ସାଂସଦଙ୍କ ନୋମିନୀ ପିତାମ୍ବର ଖମାରୀ, ମଣ୍ଡଳ ସଭାପତି ନରେଶ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ l