15-May-2023

ଲୋଇସିଂହା, (ବିନୋଦ କୁମାର ଦୀପ) ନିଖିଳ ଓଡିଶା ଏମଡିଏମ ପାଚିକା ସହାୟିକା ସଂଘ ପକ୍ଷରୁ ଲୋଇସିଂହା ବ୍ଲକ ଶିକ୍ଷା ଅଧିକାରୀ ଙ୍କ ଜରିଆରେ ଓଡିଶା ଶିକ୍ଷାମନ୍ତ୍ରୀ ଙ୍କୁ ବିଭିନ୍ନ ସମସ୍ୟାକୁ ନେଇ ବିଇଓ ଙ୍କ ଅନୁପସ୍ଥିତି ରେ ଏବିଇଓ ଟଙ୍କଧର ଭୋଇ ଙ୍କୁ 16 ଦଫା ଦାବୀପତ୍ର ପ୍ରଦାନ l ପାଚିକା ସହାୟିକା ସଂଘ ଜିଲ୍ଲା ସଭାପତି ପାଣ୍ଡଵ ଭୋଇ ଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି l ପାଚିକା ସହାୟିକା ଙ୍କ ମୁଖ୍ୟ ଦାବୀହେଲା 2009 ଡିସେମ୍ବର ରୁ 2012 ମାର୍ଚ୍ଚ ପର୍ଯ୍ୟନ୍ତ କାମ କରିଥିବା ସମସ୍ତ ପାଚିକା ସହାୟିକା ଙ୍କ ନିର୍ଭୁଲ ତାଲିକା ପ୍ରସ୍ତୁତ କରି ମୃତକଙ୍କ ଉତ୍ତରାଧିକାରୀଙ୍କୁ ଓ ଅବସର ପ୍ରାପ୍ତ ପାଚିକାଙ୍କୁ ବିଦ୍ୟାଳୟ ରୁ ବାଦ ପଡ଼ିଥିବା ସମସ୍ତ ପାଚିକାଙ୍କୁ 28 ମାସର ବର୍ଦ୍ଧିତ ବକେୟା ପାରିଶ୍ରମିକ ଅବିଳମ୍ବେ ପ୍ରଦାନ କରାଯାଉ l କେନ୍ଦ୍ର ସରକାରଙ୍କ ଘୋଷଣା ଅନୁଯାୟୀ 2009 ଡିସେମ୍ବର ଠାରୁ 2017 ଡିସେମ୍ବର ପର୍ଯ୍ୟନ୍ତ ରାଜ୍ୟ ସରକାରଙ୍କ 40% ଭାଗ ବକେୟା ପାରିଶ୍ରମିକ ପ୍ରଦାନ କରାଯାଉ l ପାଚିକା ମାନଙ୍କୁ ସରକାରୀ ମାନ୍ୟତା ଓ ମାସିକ ସର୍ବନିମ୍ନ 26 ହଜାର ଟଙ୍କା ପ୍ରଦାନ କରାଯାଉ l

ସ୍କୁଲ ବନ୍ଦ, ସ୍କୁଲ ମିଶ୍ରଣ ଫଳରେ ବାଦ ପଡ଼ିଥିବା ସମସ୍ତ ପାଚିକାଙ୍କୁ ଅନ୍ୟତ୍ର ନିଶ୍ଚିତ ନିଯୁକ୍ତି ଦିଆଯାଉ l ପିଲାସଂଖ୍ୟା କମ ପାଇଁ ବନ୍ଦ ହୋଇଥିବା 966 ଓ 14379 ପ୍ରାଥମିକ ବିଦ୍ୟାଳୟକୁ ତୁରନ୍ତ ଖୋଲାଯାଇ ପାଚିକା ମାନଙ୍କୁ ନିଯୁକ୍ତି ଦିଆଯାଉ l ପାଚିକାମାନଙ୍କୁ 10 ମାସ ପରିବର୍ତ୍ତେ 12 ମାସ ର ପାରିଶ୍ରମିକ ପ୍ରଦାନ କରିବା ସହିତ 2022 ମଇ, ଜୁନ ମାସରେ କାମ କରିବା ସମସ୍ତ ପାଚିକାଙ୍କୁ ପାରିଶ୍ରମିକ ପ୍ରଦାନ କରାଯାଉ l ଅବସରକାଳୀନ ବୟସ ସୀମା 62 କୁ ବୃଦ୍ଧି କରିବା ସହିତ 60 ବର୍ଷ ପରେ ବାଦ ପଡ଼ିଥିବା ପାଚିକାଙ୍କୁ ଅଵସର କାଳୀନ ଭତ୍ତା ପ୍ରଦାନ କରାଯାଉ l ପାଚିକା ମାନଙ୍କର 4 ବର୍ଷ ର ବକେୟା ଶାଢ଼ୀ ପ୍ରଦାନ ସହିତ ବର୍ଷକୁ ୨ ହଲ ଶାଢ଼ୀ ପ୍ରଦାନ, ସାମାଜିକ ନିରାପତ୍ତା, ବୀମାଭୁକ୍ତ କରାଯାଉ l ବିଭିନ୍ନ ସ୍କୁଲରେ  ନୂତନ ଭାବେ ନିଯୁକ୍ତି ପାଉଥିବା ପାଚିକାଙ୍କୁ ନିଯୁକ୍ତି ଦିନଠାରୁ ପାରିଶ୍ରମିକ ପ୍ରଦାନ କରାଯାଉ l ଏହି ଦାବିପତ୍ର ସମୟରେ ଉପସ୍ଥିତ ସମ୍ପାଦକ ଶ୍ରୀମତୀ ମାଧବ କାଲତା, ଶ୍ରମିକ ନେତା ଶ୍ରୀ ଗୋପାଳ ଭୋଇ, ସହ ଲୋଇସିଂହା ର ସମସ୍ତ ପାଚିକା ସହାୟିକା ଉପସ୍ଥିତ ଥିଲେ l