22-Mar-2023

ବଲାଙ୍ଗୀର(ପ୍ରେରଣା ଖବର )- ଟିଟିଲାଗଡ଼ ମୁଖ୍ୟ ରାସ୍ତା ସ୍ଥିତ ମେଗା ନର୍ସରୀ ଠାରେ ବିଶ୍ଵ ବନ ଦିବସ ପାଳିତ ହୋଇଯାଇଛି ।ଏହି କାର୍ଯ୍ୟକ୍ରମରେ ଅତିଥି ଭାବରେ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା, ଏସପି ନୀତିନ କୁଶଳ କର ଯୋଗ ଦେଇଥିଲେ । କାର୍ଯ୍ୟକ୍ରମ ର ପ୍ରଥମାର୍ଦ୍ଧେ ତିନୋଟି ପଞ୍ଚାୟତ ର ଲୋକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହା ପରେ ପରେ   ବନବିଭାଗ ତରଫରୁ ବିଶିଷ୍ଟ ପାରମ୍ପରିକ ଜ୍ଞାନ ସନ୍ଧାନ ଏବଂ ପ୍ରଲେଖନ ହେତୁ ଏକ ଦିବସୀୟ କର୍ମଶାଳା ଅନୁଷ୍ଠିତ ହୋଇଯାଇଛି  । ଡି ଏଫ୍ ଓ ନୀତିଶ କୁମାର ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମ ରେ ଆୟୁର୍ବେଦ ଓ ପାରମ୍ପରିକ ଚିକିତ୍ସା ସମ୍ବନ୍ଧୀୟ ଆଲୋଚନା କରାଯାଇଥିଲା । ଉପସ୍ଥିତ ଅତିଥି ମାନେ ଏ ସମ୍ପର୍କରେ ମତ ରଖିଥିଲେ । ସେହିଭଳି ବିଭିନ୍ନ ସ୍ଥାନ ରୁ ଆସିଥିବା ଜନସାଧାରଣ ଆୟୁର୍ବେଦ ଚିକିତ୍ସା ଦ୍ବାରା ନିରୋଗ ହୋଇଥିବାର ତାଙ୍କର ଅଭିଜ୍ଞତା ବଖାନିଥିଲେ । ସେହିଭଳି ବୈଦ୍ୟ ମାନେ ମଧ୍ୟ ଆୟୁର୍ବେଦ ସମ୍ପର୍କରେ ନିଜସ୍ଵ ବଖାଣି ଥିଲେ ।  ଏହି ଅବସରରେ ଭଲ କାମ କରିଥିବା ବ୍ୟକ୍ତି ମାନଙ୍କୁ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମ ରେ ବନବିଭାଗ ବିଭିନ୍ନ ଅଧିକାରୀ ତଥା ଜନସାଧାରଣ ଉପସ୍ଥିତ ଥିଲେ ।