21-Mar-2023

ବୀରମହାରାଜପୁର/ ସୁବଳୟା (ବିନୋଦ ପାଣ୍ଡେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ମହାନଦୀ କୂଳରେ ଅବସ୍ଥିତ ପ୍ରସିଦ୍ଧ ଶୈବପୀଠ ବାବା ଗୋଧନେଶ୍ଵରଙ୍କ ଚୈତ୍ର ଦଣ୍ଡ ବିମ୍ବିତ ରାତିରେ ଉଠିଛି। ରୀତିନୀତି ଅନୁସାରେ ପୂଜାର୍ଚ୍ଚନା କରିବା ପରେ ୧୩ ଭୁକ୍ତାଙ୍କୁ ନେଇ ଦଣ୍ଡ ଉଠାଯାଇଥିଲା। ପ୍ରଥମ ଦିନ ଏହି ଦଣ୍ଡ ନିଜ ଗାଁ ରେ ଦଣ୍ଡ ଓ ରାତିରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଛନ୍ତି। ଏହା ପର ଦିନ ଠାରୁ ଏହି ଦଣ୍ଡ ବିଭିନ୍ନ ଗ୍ରାମ ବୁଲି ମହାବିଷୁବ ସଂକ୍ରାନ୍ତି ବା ମେରୁ ଯାତ୍ରାରେ ଏହା ଉଦଯାପିତ ହେବ। ଏହି ଦଣ୍ଡ ଯାତ୍ରାରେ ଷୋଳ ସୁଆଙ୍ଗ ପରିବେଷଣ କରାଯାଉଛି। ଯାହାକି ସମାଜରେ ଏକ ଶିକ୍ଷଣୀୟ କଥା ବସ୍ତୁ ରହିଛି। ଏହି ଶୈବପୀଠ ଠାରୁ ଦଣ୍ଡ ନୃତ୍ୟ ପ୍ରାଚୀନ କାଳରୁ ଆରମ୍ଭ ହୋଇଥିବା ଐତିହାସିକ ମାନେ ମତ ଦିଅନ୍ତି। ସାଧାରଣତଃ ତିନୋଟି ଭାଗରେ ଏହି ନୃତ୍ୟ ହୋଇଥାଏ। ଅପରାହ୍ନରେ ଧୁଳି ଦଣ୍ଡ, ସନ୍ଧ୍ୟାରେ ପାଣି ଦଣ୍ଡ ଓ ରାତିରେ ସୁଆଙ୍ଗ ଦଣ୍ଡ ଏପରି ତିନୋଟି ଭାଗରେ ଦଣ୍ଡୁଆମାନେ ନିଜ ଶରୀରରୁ କଷ୍ଟ ଦେଇ ଜୀବ ଜଗତର ମଙ୍ଗଳ ପାଇଁ ପ୍ରଭୁ ମହାଦେବ ଙ୍କୁ ଆରାଧନା କରିଥାନ୍ତି। ପୁରପଲ୍ଲୀରେ ଏହି ଦଣ୍ଡ ନୃତ୍ୟକୁ ଅତ୍ୟନ୍ତ ଭକ୍ତି ସହକାରେ ଲୋକମାନେ ପାଳନ କରିଥାନ୍ତି। ପାଶ୍ଚାତ୍ୟ ସଭ୍ୟତାର ନୃତ୍ୟ ଗୀତ ଆଗରେ ମୋଉଲି ପଡିନି ଏହି ଦଣ୍ଡ ନୃତ୍ୟ ପ୍ରତି ଲୋକଙ୍କ ଆଗ୍ରହ। ଅତ୍ୟନ୍ତ କାଷ୍ଟା ଓ ଶ୍ରଦ୍ଧାର ସହ ଗ୍ରାମ ଗୁଡିକରେ ଏହି ଦଣ୍ଡ ନୃତ୍ୟ କରାଯାଇଥାଏ।ସେହିପରି ଖଣ୍ଡହତା ପଞ୍ଚାୟତ ଅନ୍ତର୍ଗତ ସୁନାରୀବେଣି ସ୍ଥିତ ବାବା ସପ୍ନଶ୍ଵର ମହାଦେବଙ୍କ  ଚୈତ୍ର ଦଣ୍ଡ ମଧ୍ୟ ରୀତିନୀତି ଅନୁସାରେ ପୂଜାର୍ଚ୍ଚନା କରି ଉଠାଯାଇଛି।