20-Mar-2023

ତୁରେକେଲା(ଆନନ୍ଦ ମୋଟେ ): ସରକାରଙ୍କ ମାଳ ମାଳ ଯୋଜନା । ଜନ୍ମ ରୁ ମୁୃତ୍ୟ ପର୍ଯ୍ୟନ୍ତ ଯୋଜନା ହିଁ ଯୋଜନା । ହେଲେ ପ୍ରଶାସନିକ ଅଧିକାରିଙ୍କ ଯୋଗୁ ଏହି ସବୁ ଯୋଜନାରୁ ଯୋଗ୍ୟ ହିତାଧିକାରି ବାଦ ପଡୁଛନ୍ତି । ତୁରେକେଲା ବ୍ଲକ ବଡବାଙ୍କି ପଂଚାୟତ ଚାରପାନି ଗାଁର ଗୋରା ରଣା (୬୨) । ବୃଦ୍ଧା ଗୋରା ରଣାଙ୍କ ପରିବାର ଅସହାୟରେ ଦିନ କାଟୁଛନ୍ତି । ଦୁଇ ପୁଅ ଜନ୍ମରୁ ଦିବ୍ୟାଙ୍ଗ । ଜଣକ ନାଁ ଲୋକନାଥ ଏବଂ ହୃଦେଶନ ।  ଯେହେତୁ ସେମାନେ ଜନ୍ମରୁ ଦିବ୍ୟାଙ୍ଗ ତେଣୁ ପ୍ରଶାସନ ସେମାନଙ୍କୁ ଭତ୍ତା ଦେଉଥିଲା । ହେଲେ ଗତ ୮ ମାସରୁ ଅଧିକ ହେବ ସେମାନଙ୍କୁ ଭତ୍ତା ମୁଲୁନଥିବା ବୃଦ୍ଧା ଗୋରା ରଣା ଅଭିଯୋଗ କରୁଛନ୍ତି । ବୃଦ୍ଧା ଗୋରାଙ୍କ ଜଣେ ପୁଅ ହୃଦେଶନଙ୍କ କିଛ ଦିନ ଆଗରୁ ମୃତ୍ୟୁ ହୋଇଛି । ଏବେ ବୃଦ୍ଧା ରୋଗା ଏବଂ ତାଙ୍କ ସ୍ତ୍ରୀ ଓ ପୁଅକୁ ନେଇ ସଂସାର ଚଲୁଛିା ହେଲେ ବୃଦ୍ଧା ଜଣେ ଗରିବ ଶ୍ରେଣିର ହୋଇଥିବା ବେଳେ ତାଙ୍କୁ ବିଭିନ୍ନ ଯୋଜନାରେ ସାମିଲ କରାଯାଇନାହିଁ । ଆବସା ଯୋଜନାରୁ ବଂଚିତ ହେଉତିବ ବେଳେ ପୁଅ ଦିବ୍ୟାଙ୍ଗ ଭତ୍ତା ରୁ ଏବଂ ବଂଚିତ । ସରକାର ସାହର୍ଯ୍ୟ ମିଲିଲେ ଖୁସିରେ ପରିବାର ଚଲନ୍ତା ବୋଲି ବୃଦ୍ଧା ଗୋରା ରଣା କହିଥାନ୍ତି । ତେବେ ଏନେଇ ଆମେ ବ୍ଲକ ମଂଗଳ ଅଧିକାରି ହେମାନନ୍ଦ ବିଶ୍ୱାଲଙ୍କୁ ପଚାରିବାରୁ କଣ ହେଉଛି ମୁଁ ଏ ବିଷୟରେ ଅବଗତ ନାହିଁ ଯଦି କୌଣସି ଅସୁବିଧା ଯୋଗୁ ଭତ୍ତା ମିଲୁନାହିଁ ତେବେ ତାର ସମାଧାନ କରାଯିବ ବୋଲି କହିଥିଲେ ।