02-Oct-2020

ଖପ୍ରାଖୋଲ ତା ୨.୧୦(Gorekhnath Bariha) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ଚଙ୍ଗରିଆ ପଞ୍ଚାୟତ ରେଙ୍ଗାଲଜୁରୀ ଗ୍ରାମ ର ଜୟ ତରୁଣ ଯୁବକ ସଂଘ ପକ୍ଷରୁ ଗାନ୍ଧୀ ଓ ଶାସ୍ତ୍ରୀଜୀ ଙ୍କ ଜୟନ୍ତୀ ପାଳିତ ହୋଇଯାଇଛି। ଗାନ୍ଧୀ ଓ ଶାସ୍ତ୍ରୀ ଜୀ ଙ୍କ ଫୋଟୋ ଚିତ୍ର ରେ ପୂଜାର୍ଚ୍ଚନା ସହ ପୁଷ୍ପମାଲ୍ୟ ଅର୍ପଣ କରାଯାଇଥିଲା । ଏହି ଅବସରରେ ଗ୍ରାମ ର ରାସ୍ତା , ସ୍କୁଲ ବସ୍ ଷ୍ଟାଣ୍ଡ , ନଳକୂପ , ଗାଧୁଆ ତୁଠ ,ଆଦି ସ୍ଥାନ ଗୁଡିକରେ ପଡ଼ି ଥିବା ଅଲିଆ ଆବର୍ଜନା ,ଘାସ ,ମଇଲା ସଫାକରି ବା ସହ ପ୍ଲାଷ୍ଟିକ ବର୍ଜନ ଓ ବ୍ୟବହାର ନ କରି ବା , ପ୍ଲାଷ୍ଟିକ ମାଟି ପାଇଁ କ୍ଷତିକାରକ , ପ୍ଲାଷ୍ଟିକ କୁ ଆମେ କରିବା ଦୂର ନାରା ଦେଇ ଓ ପ୍ଲେକ୍ କାର୍ଡ ଧରି ଲୋକ ଙ୍କୁ ସଚେତନ କରିଥିଲେ । ଏହି କାର୍ଯ୍ୟକ୍ରମ କୁ ନେହେରୁ ଯୁବ କେନ୍ଦ୍ର ବଲାଙ୍ଗୀର ସ୍ବେଚ୍ଛାସେବୀ ସନ୍ତୋଷ ଘିଭେଲା  ଯୋଗ ଦେଇ ଗାନ୍ଧୀଙ୍କ ସ୍ବରାଜ ସ୍ବପ୍ନ ସାକାର କରିବା ସହ ତାଙ୍କର ଜୀବନି ଉପରେ ଆଲୋଚନା କରିଥିଲେ । ନେହେରୁ ଯୁବ କେନ୍ଦ୍ର ବଲାଙ୍ଗୀର ଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିବା ବିଭିନ୍ନ କାର୍ଯ୍ୟକ୍ରମ କୁ ସହଯୋଗ କରୁଥିବା ନେହେରୁ ଯୁବ କେନ୍ଦ୍ର ର ଜିଲ୍ଲା ୟୁଥ୍ କୋଡିନେଟର ଏ. ଭି ନରସିଂହା ଏବଂ ବିପିନ ବିହାରୀ ଜେନା ଙ୍କୁ ଯୁବକ ସଂଘ ପକ୍ଷରୁ ଧନ୍ୟବାଦ ଅର୍ପଣ କରାଯାଇଥିଲା ।। ଜୟତରୁଣ ଯୁବକ ସଂଘ ର ସଂପାଦକ ଜଗନ୍ନାଥ ବରିହା, ସଭାପତି ଘାସିରାମ ମଲ୍ଲିକ ,ସୁଦାମ ପୁଟେଲ ,ଅମନ ପୁଟେଲ , ବସୁଦେବ ବରିହା ,ବାବୁଲୁ ପରାଭୁଏ ,ଅମିର ବରିହା , ଅନିରୁଦ୍ଧ ବରିହା , ପିଣ୍ଟୁ ବରିହା , ଶୁଶାନ୍ତ ରାଉତ ,ଜନକ ବରିହା , ନିମାଇଁ ଚରଣ ଷ୍ଟାଣ୍ଡ , ବିପିନ ଆଲୋକ  ମଲିକ ,ନବଦୀପ ମଲିକ ,ବରିହା ,କୁରେଶ୍ଵରବରିହା ଙ୍କ ସମେତ ଅନ୍ୟ ମାନେ ଉପସ୍ଥିତ ଥିଲେ। ଖପ୍ରାଖୋଲ ବ୍ଳକ ର ଚିଟିକାମାଳ ,ଲୁହାସିହା ବ୍ୟତିତ  ବିଭିନ୍ନ ସରକାରୀ ବେସରକାରୀ ଅଫିସ୍ ସ୍କୁଲ କଲେଜ ପଞ୍ଚାୟତ କାର୍ଯ୍ୟାଳୟ କ୍ଳବ ଅଙ୍ଗନବାଡ଼ି କେନ୍ଦ୍ର ଗୁଡ଼ିକ ରେ ମଧ୍ୟ ଗାନ୍ଧୀ ଓ ଶାସ୍ତ୍ରୀ ଜୀ ଙ୍କ ଜୟନ୍ତୀ ପାଳିତ ହୋଇଯାଇଛି ।