31-Dec-2022

ସମ୍ବଲପୁର(ସଂଜୀବ ପାଣିଗ୍ରାହୀ)
ସମ୍ବଲପୁରୀ ସଂସ୍କୃତି ର ପରିଚୟ ଗୁରୁ ସତ୍ଯ ନାରାୟଣ ବହିଦାରଂକ ଶ୍ରାଦ୍ଧ ଦିବସରେ ଆଜି ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ସାକ୍ଷୀ ପଡା ଠାରେ  ଶ୍ରଦ୍ଧାଞ୍ଜଳି ଅର୍ପଣ କରାଯାଇ ଥିଲା। ଗୁରୁ ସତ୍ଯ ନାରାୟଣ ବହିଦାର ଅବିଭକ୍ତ ବଲାଙ୍ଗିର ଜିଲ୍ଲାର ସୋନପୁରରେ ଜନ୍ମ ଗ୍ରହଣ କରିଥିଲେ। ତେବେ ତାଙ୍କ ଜୀବନର ଅଧିକାଂଶ ସମୟ ସମ୍ବଲପୁର ରେ କଟିଥିଲା। ସମ୍ବଲପୁରୀ ଭାଷାର ସ୍ବତନ୍ତ୍ରତା ଏବଂ ପ୍ରଚାର ପାଇଁ ସାରା ଜୀବନ ଲଢେଇ କରିଥିଲେ।  ଲୋକଙ୍କୁ ସମ୍ବଲପୁରୀ ରେ ଲେଖିବା ସହ ସମ୍ବଲପୁରୀ ସଂସ୍କୃତି କୁ ଆପଣେଇବାକୁ ସେ ଉତ୍ସାହିତ କରିଥିଲେ। ତାଙ୍କର ପ୍ରେରଣା ରେ ବହୁ ଲେଖକ ସମ୍ବଲପୁରୀରେ କଲମ ଚାଲନା କରିଥିଲେ। ଏହାସହ ସମ୍ବଲପୁରୀ କଲାକାର ମାନଂକୁ ମଧ୍ଯ ସେ ଉତ୍ସାହିତ କରିଥିଲେ। ତାଙ୍କ ଭାଷାରେ ସମ୍ବଲପୁରୀ କେବଳ ଭାଷା କି ଗୀତନାଚ ବା କପଡା ନୁହଁ ବରଂ ସମ୍ବଲପୁରୀ ଏକ ସ୍ବତନ୍ତ୍ର ସଂସ୍କୃତି। ସେଥିପାଇଁ ତାଙ୍କର ଅବଦାନ କୁ ମନେ ପକାଇ ତାଙ୍କର ଜନ୍ମ ଦିନକୁ 2013 ଠାରୁ ସମ୍ବଲପୁରୀ ଦିନ ଭାବରେ ପାଲନ କରାଯାଇ ଚାରିଆଡ଼େ ବେଶ ଆଦ୍ରୁତ ହୋଇପାରିଛି।  ଗୁରୁ ସତ୍ଯ ନାରାୟଣ ବହିଦାର ଜୀବନ ତମାମ ସମ୍ବଲପୁରୀ ସଂସ୍କୃତି ର ପ୍ରଚାର କରିଥିବା ବେଲେ ତାଙ୍କର ସ୍ମୁତି ର ସୁରକ୍ଷା ପାଇଁ ଗୁରୁ ସତ୍ଯ ନାରାୟଣ ସ୍ମୁତି ଉଦ୍ୟାନ ରେ ପ୍ରଶାସନ ପକ୍ଷରୁ ପଦକ୍ଷେପ ଆରମ୍ଭ ହୋଇଛି।ତେବେ କାମକୁ ତ୍ବରାନ୍ବିତ କରିବାକୁ ବୈଠକରେ ମତ ପୋଷଣ ହେଇଥିଲା। ପଶ୍ଚିମାଞ୍ଚଲ ଏକତା ମଂଚ ପକ୍ଷରୁ ଆବାହକ ଭବାନୀଶ ଭୋଇଙ୍କ ସଭାପତିତ୍ବରେ ଅନୁଷ୍ଠିତ ଶ୍ରଦ୍ଧାଞ୍ଜଳି ସଭାରେ  ଲକ୍ଷ୍ମୀ ନାରାୟଣ ପଣ୍ଡା, ଭକ୍ତ ପ୍ରସାଦ ପଣ୍ଡା , ରାଜେଶ ସ୍ବାଇଁ, ସୁଦାମ ମେହେର, କାନ୍ତି ମେହେର, ମୁଖ୍ଯ ସଂଯୋଜକ ମାନସ ରଂଜନ ବକ୍ସୀ, ସାନ୍ତାନୁ ପାଢୀପ୍ରମୁଖ ସାମିଲ ହୋଇଥିଲେ। ଶେଷରେ ଭାଷା ସାହିତ୍ୟ ସଂଯୋଜିକା ପଂକଜିନୀ ମେହେର  ଧନ୍ଯବାଦ ଅର୍ପଣ କରିଥିଲେ।