30-Dec-2022

ଦେଓଗାଁ(ପ୍ରେରଣା  ଖବର) ପର୍ଯ୍ୟଟନସ୍ଥଳୀ ଘୋଷିତ ଦେଓଗାଁ ବ୍ଲକ୍ ମକୁନ୍ଦପୁର ପଞ୍ଚାୟତ ଓ ବଲାଙ୍ଗୀର ଡିଭିଜନର ବଲାଙ୍ଗୀର ରେଞ୍ଜ ଅନ୍ତର୍ଗତ ଭୀମଡୁଙ୍ଗୁରିକୁ ବଣଭୋଜି କରିବା ସହ ବୁଲିବାକୁ ଆସୁଥିବା ପର୍ଯ୍ୟଟକଙ୍କ ଠାରୁ ସଫେଇ କରିବା ଆଳରେ ବେଆଇନ ଭାବରେ ଚାନ୍ଦା ଆଦାୟ କରାଯାଉଥିବା ଦେଖାଯାଇଛି ।

କେତେକ ଗ୍ରାମୀଣ ଯୁବକ ଭୀମଡୁଙ୍ଗୁରି ବନସୁରକ୍ଷା ସମିତିର ପରିଚୟ ଦେଇ ଗୋଟିଏ ଖାତା ଓ କଲମ ଧରି ବଣଭୋଜି କରୁଥିବା ପରିବାର ବା ଦଳଠାରୁ ୧୦୦ ଟଙ୍କା ଲେଖାଏଁ ମାଗୁଛନ୍ତି । ଆଜି ଅପରାହ୍ନରେ ସେମାନେ ବୁଲି ବୁଲି ଚାନ୍ଦା ମାଗୁଥିବା ଓ ପଚାରିବାରୁ ଆଜିଠାରୁ ଆମେ ଏହା ଆରମ୍ଭ କରିଛୁଁ ଓ ଏଥିପାଇଁ ରସିଦ୍ ଛପାଯାଇନାହିଁ , ପରେ ଛପାଯିବ ଇତ୍ୟାଦି କହି , ଏହି ପର୍ଯ୍ୟଟନ କ୍ଷେତ୍ରଟିର ଶ୍ରେୟ ନେଇଥିବା ବିଧାୟକ ନରସିଂହ ମିଶ୍ର ' ଏହା ଜାଣନ୍ତି କି ? ' ବୋଲି ତାଙ୍କ ନାଁ' ଧରିବାରୁ ' ଦେଲେ ଦିଅ , ନଦେଲେ ନାଇଁ ' କହି ଚାଲିଯାଇଥିଲେ । 

ଅନ୍ୟ ପକ୍ଷରେ ରାସ୍ତାପାର୍ଶ୍ବରେ ଥିବା ଏହି ଭୀମଡୁଙ୍ଗୁରି ପାହାଡର ବଢେନ୍ ଜଙ୍ଗଲରୁ ବେଆଇନ ଗଛକଟା ପ୍ରତି ଉକ୍ତ ବନ ସୁରକ୍ଷା ସମିତିର କୌଣସି ଦୃଷ୍ଟି ନଥିବା ଦେଖାଯାଇଛି  । ପ୍ରଦତ୍ତ ଫଟୋରେ ଏହା ଜଳ ଜଳ ହେଇ ଦିଶୁଛି । ତେବେ ନୂଆବର୍ଷ ଆସୁଥିବାରୁ ଏଠାରେ ଶତାଧିକ ସଂଖ୍ୟାରେ ପର୍ଯ୍ଯଟକ ଓ ବଣଭୋଜି କରିବାକୁ ଲୋକେ ସପରିବାର ଆସୁଥିବାରୁ ସ୍ଥାନୀୟ ଗ୍ରାମର ବନ ସୁରକ୍ଷା ସମିତି ନାଁ'  ଏଭଳି ବେଆଇନ ଚାନ୍ଦାଆଦାୟ କେଉଁ ପାଣ୍ଠିରେ ଜମା କରାଯାଉଛି , ବଲାଙ୍ଗୀର ବନବିଭାଗ , ପର୍ଯ୍ୟଟନ ବିଭାଗ ଓ ପ୍ରଶାସନର ଦୃଷ୍ଟିଆକର୍ଷଣ କରାଯାଉଛି ।