30-Dec-2022

ଗୁଡ଼ଭେଲା(ପଞ୍ଚାନନ ନାଏକ) - ତୁଷୁରା-କଲାହାଣ୍ଡି ରାସ୍ତାର ଡାହିମାଳ ପାଖରେ ବେଆଇନ ଭାବେ ଚାଲାଣ ହୋଉଥିବା ୪୦୭ ଗାଡି ନମ୍ବର ଓଆର ୦୩ ବି ୫୯୭୯ ରୁ  ୪୦ପାକିଟ ଧାନ ସହ ଗାଡି ଓ କପସିଲା ଗ୍ରାମରୁ ୪୧୨ପାକିଟ(୧୬୦,୬୫ କୁଇଣ୍ଟାଲ) ଧାନ ସହ ଏକ ଟ୍ରାକ୍ଟର ନମ୍ବର ଓଡି ୦୩ ଜି ୦୭୬୨ ଜବତ କରିଯାଇଛି। ପ୍ରାପ୍ତ ସୂଚନ ଅନୁଯାଇ ତୁଷୁରା ତହସିଲଦାର ରବିନ୍ଦ୍ର କୁମାର ପଟେଲଙ୍କ ତତ୍ତ୍ବାବଧାନରେ ବ୍ଳକ ଯୋଗାଣ ବିଭାଗ ପକ୍ଷରୁ ଡାହିମାଳ ଠାରେ ଉକ୍ତ ଗାଡିକୁ ଅଟକାଇ ଯାଞ୍ଚ କରାଯାଇଥିଲା । ଧାନ ବେଆଇନ ଭାବେ ଚାଲାଣ ହେଉଥିବା ଜଣାପଡିବା ପରେ ଗାଡି ଡ୍ରାଇଭର ସର୍ଦ୍ଧାକର ମାଝୀ ଧାନ କପସିଳା ଗ୍ରାମର ଦୁର୍ଯ୍ୟୋଧନ ବେହେରାଙ୍କ ବୋଳି କହିଥିଲା।  ଏହାପରେ କପସିଳା ଗ୍ରାମରେ ଥିବା ବେହେରାଙ୍କ ଧାନ ଗୋଦାମରେ ଚଢାଉ ହୋଇଥିଲା । ଉକ୍ତ ଗୋଦାମରୁ ୪୧୨ ପାକିଟ ବେଆଇନ ଧାନ ଗଚ୍ଛିତ ହୋଇଥିବା ସହ ଏକ ଟ୍ରାକ୍ଟରରେ ଧାନ ବୋଝେଇ ଥିଲା। ଉକ୍ତ ଧାନ ଓ ଟ୍ରାକ୍ଟରକୁ ସମଲେଶ୍ବରୀ ପେଡି ପୋସେସିଙ୍ଗ ମିଳରେ ଜିମା ଦିଆଯାଇଛି। ଏବଂ ଡାହିମାଳରେ ଜବତ ଧାନ ଓ ଗାଡିକୁ ଗଜାନନ ରାଇସ ମିଳକୁ ଜିମା ଦିଆଯାଇଛି। ଏହି ଚଢାଉରେ ତୁଷୁରା ଥାନାଧିକାରୀ ସଞ୍ଜୀବ ପ୍ରଧାନ, ବ୍ଳକ ଯୋଗାଣ ଅଧିକାରୀ ପ୍ରଶାନ୍ତ ପ୍ରଧାନ ଓ ରାଜସ୍ୱ ନିରୀକ୍ଷକ ନବୀନ ରାଉତ ଆଦି ସାମିଲ ଥିଲେ।