29-Dec-2022

ବଲାଙ୍ଗିର (ପୁର୍ଣ୍ଣ ଶଶୀ ଶେଖର ରାଓ) ସର୍ବଭାରତୀୟ ସ୍ତରରେ ହେମାଳ ସଂଘ ର ଗୋଟିଏ ନିୟମ ଅଛି ଯେ ଯେଉଁ ସ୍ଥାନର ହେମାଳ ସେହି ସ୍ଥାନରେ ହେମାଲି କାମ କରିଥାନ୍ତି। ସେହି ଅଞ୍ଚଳର ଧାର୍ଯ୍ୟ ଦର ହିସାବରେ ତାଙ୍କୁ କୁଇଣ୍ଟାଲ ପିଛା ପାଉଣା ଦିଆଯାଇଥାଏ। କିନ୍ତୁ ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଳକ ଭାଲୁ ମୁଣ୍ଡା ଧାନ ମଣ୍ଡି ଠାରେ ତାର ଓଲଟା ଦେଖିବାକୁ ମିଳିଛି । ସୂଚନା ଅନୁସାରେ ୧୦ ବର୍ଷ ହେଲା ଏହି ମଣ୍ଡିରେ ଗାଁ ର କୁଲି ଖରା, ବର୍ଷା,ଶୀତକୁ ଖାତିରି ନକରି ନିଜର ପେଟପାଟଣା ପାଇଁ କାମ କରି ଆସୁଥିବା ବେଳେ ଚଳିତ ବର୍ଷ ଏହି ମଣ୍ଡିରେ କଣ୍ଟାବାଞ୍ଜି ଅଞ୍ଚଳର ତିନୋଟି ମିଲକୁ ଧାନ ନେବା ପାଇଁ ସୁଯୋଗ ମିଳିଛି। ତନ୍ମଧ୍ୟରୁ ଲିଲୁ ରାମ ରାଇସ ମିଲ ମାଲିକ ନିଜର ହେମାଳ ନେଇ ଧାନ ଲୋଡିଂ କରୁଥିବା ବେଳେ ଭାଲୁ ମୁଣ୍ଡା ର ହେମାଳ ମାନଙ୍କ ମନରେ ଅସନ୍ତୋଷ ଦେଖାଦେଇଛି।ହେମାଳ ମାନଙ୍କ କହିବା ଅନୁଯାୟୀ କୁଇଣ୍ଟାଲ ପ୍ରତି ୪:୫୦ ଟଙ୍କା ଦର ଥିବାବେଳେ ସେମାନଙ୍କୁ ସେତିକି ଦେଇପାରିବି ନାହିଁ କହି ନିଜ ହେମାଳ ପଠାଇ ଧାନ ଲୋଡିଂ କରୁଛନ୍ତି ଲିଲୁ ରାମ ରାଇସ ମିଲ ମାଲିକ। କିନ୍ତୁ ଆଉ ଦୁଇଟି ରାଇସ ମିଲ ମାଲିକ ସେହି ଦରରେ ପାଉଣା ଦେଉଛନ୍ତି ହେଲେ ଲିଲୁ ରାମ ରାଇସ ମିଲ ମାଲିକ କାହିଁକି ଦେଇପାରୁ ନାହାନ୍ତି କି ତାଙ୍କ ସହ ଆଲୋଚନା ନକରି ନିଜର ହେମାଳ ନେଇ ଧାନ ଲୋଡିଂ କରୁଛନ୍ତି। ଯଦି ଅନ୍ୟ ସ୍ଥାନର ହେମାଳ ମାନଙ୍କୁ ନେଇ କାମ କରାଇ ପାରିବେ ତାହେଲେ ସେମାନେ କଣ୍ଟାବାଞ୍ଜି ଆସି ହେମାଳ କାମ କରି ପାରିବେ ତ; ସେତେବେଳେ କଣ୍ଟାବାଞ୍ଜି ହେମାଳ ସଂଘ ସେମାନଙ୍କୁ ଅବରୋଧ କରିବେ ନାହିଁ ତ; ସେହି ଜଣକ ପାଇଁ ଆଜି ହେମାଳ ମାନେ କାମ ନକଲେ ଆଉ ଦୁଇଟି ରାଇସ ମିଲ ର ଅବସ୍ଥା କଣ ହେବ। ସେଥିପାଇଁ ଆଜି ସମ୍ପାଦକ ପାଖକୁ ଆସି ସେହି ଗାଁ ର ଦଶ ଜଣ ହେମାଳ ଅଭିଯୋଗ କରିଥିଲେ।

ଯଦି ମିଲର୍ସ ମାନେ ବାହାରୁ ହେମାଲ ଆଣିବେ ଓ ଆମ୍ଭର ପେଟରେ ଲାତ ମାରିବେ ତାହାହେଲେ ଆମେ ଏଠାରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ କରିବୁ  
ବୋଲି ଚେତାବନୀ ଦେଇଛନ୍ତି ।