29-Dec-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ସଭାଗୃହରେ ପଂଚାୟତ ସମିତି ବୈଠକ ବ୍ଲକ ଅଧ୍ୟକ୍ଷ ଯତୀନ୍ଦ୍ର କୁମାର ପଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ବିଡ଼ିଓ ଆକାଶ ରଞ୍ଜନ ସାହୁ ସ୍ୱାଗତ ଅଭିଭାଷଣ ପ୍ରଦାନ କରିଥିବା ବେଳେ କାର୍ଯ୍ୟକ୍ରମକୁ ପରିଚାଳନା କରିଥିଲେ ଜିପିଓ କିଶୋର ଚନ୍ଦ୍ର ମାନସିଂହ l ଉକ୍ତ କାର୍ଯ୍ୟକ୍ରମରେ ବ୍ଲକର ଉନ୍ନୟନ ମୂଳକ କାର୍ଯ୍ୟ ଉପରେ ସଭ୍ୟା ସଭ୍ୟ ମାନେ ଆଲୋଚନା କରିଥିଲେ l ବ୍ଲକର ଉନ୍ନତି ପାଇଁ ବାଲି ପଥର ମୋରମ ଆବଶ୍ୟକ, ହେଲେ ବର୍ଷକୁ ପ୍ରାୟ ଲକ୍ଷ ଲକ୍ଷ ଟଙ୍କା ତହସିଲ କାର୍ଯ୍ୟାଳୟ ରୟାଲଟି କାଟୁଛି l ରୟାଲଟି ଦେଉଥିଲେ ସୁଦ୍ଧା ଟ୍ରାକ୍ଟର ଗୁଡିକୁ ଧରି ଚାଲାଣ କଟାଯିବାରୁ ସଭ୍ୟାସଭ୍ୟ ଅସନ୍ତୋଷ ପ୍ରକାଶ କରି

ବିଡ଼ିଓଙ୍କୁ ଜଣାଇଛନ୍ତି l ଯୋଗାଣ ଅଧିକାରୀ ସୋମ୍ୟ ମହାନନ୍ଦ ପ୍ରକାଶ କରିଛନ୍ତି ଯେ ବ୍ଲକରେ ପିଡ଼ିଏସ ସହ ବିଭିନ୍ନ ଯୋଜନା ମାଧ୍ୟମରେ 85 ହଜାରରୁ ଅଧିକାଂଶ ଲୋକ ଉପକୃତ ହୋଇଛନ୍ତି l ଏହାସହ ସ୍କୁଲ ମାନଙ୍କରେ ଶିକ୍ଷକ ଅଭାବ ଯୋଗୁଁ ପାଠ ଉପରେ ପ୍ରଭାବ, ଖେଳ ଶିକ୍ଷକ ଅଭାବ ଯୋଗୁଁ କେତେକ ପଂଚାୟତରେ ଖେଳ ପ୍ରତିଯୋଗିତା ହୋଇନାହିଁ l ବ୍ଲକ ସ୍ତରୀୟ ଖେଳ ପ୍ରତିଯୋଗିତା ପାଇଁ ଜିପିଓ ଶ୍ରୀ ମାନସିଂହ କାର୍ଯ୍ୟରତ ଖେଳ ଶିକ୍ଷକଙ୍କୁ ଯୋଗାଯୋଗ କରିଥିଲେ ସୁଦ୍ଧା ଫଳପ୍ରଦ ହୋଇପାରି ନାହିଁ l ଉକ୍ତ ବୈଠକରେ ସଭ୍ୟାସଭ୍ୟଙ୍କ ସମେତ ଉପସ୍ଥିତ ଥିଲେ ଲୋଇସିଂହା ବ୍ଲକର ସମସ୍ତ ସରପଞ୍ଚ, ଜେ.ଇ, କେତେକ ବିଭାଗର ଅଧିକାରୀ ମାନ l