29-Dec-2022

ପାଟଣାଗଡ଼ (ପୂର୍ଣା ଶଶି ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ଓ ସଇଁତଳା ବ୍ଳକ ର ମଧ୍ୟ ସ୍ଥଳୀ ରେ ଅବସ୍ଥାପିତ ଓସ୍ତାଲି ଡ଼୍ୟାମ ରେ ପାର୍କ ନିର୍ମାଣ ପାଇଁ ଆଜି ବିଡ଼ିଓ ଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି।ସୂଚନା ଅନୁସାରେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ଧୁମାଭଟା ପଞ୍ଚାୟତ ର ଜଳିଆ ଗାଆଁ ରେ ଥିବା ଓସ୍ତାଲି ଡ଼୍ୟାମ ଏକ ମନୋରମ ସ୍ଥାନ। ଏଠାକୁ ଦୂର ଦୂରଦୂରାନ୍ତରୁ ଲୋକେ ବଣଭୋଜି କରିବାକୁ ଆସୁଛନ୍ତି। କିନ୍ତୁ ପ୍ରଶାସନିକ ଅଧିକାରୀ ଓ ରାଜନେତା ମାନଙ୍କ ଅବହେଳା ଯୋଗୁଁ ଓସ୍ତାଲି ଡ଼୍ୟାମ ର ବିକାଶ ହୋଇପାରୁନାହିଁ।ଗତ କିଛି ଦିନ ହେଲା ଏହାର ବିକାଶ ପାଇଁ ଅଞ୍ଚଳବାସୀ ଅନେକ ଆନ୍ଦୋଳନ ମଧ୍ୟ କରିଥିଲେ।କିଛି ମାତ୍ରାରେ ବିକାଶ ହେବାକୁ ଯାଉଥିବା ବେଳେ ସେଠାରେ ପର୍ଯ୍ୟଟକ ମାନଙ୍କ ପାଇଁ ଏକ ପାର୍କ ନିର୍ମାଣ କରିବାକୁ ଦାବି ହେଉଛି। ଯାହା ଫଳରେ କି ପର୍ଯ୍ୟଟକ ମାନେ ସୌନ୍ଦର୍ଯ୍ୟ ତାର ଉପଭୋଗ କରିପାରିବେ। ଏଥି ନିମନ୍ତେ ଆଜି ବେଲପଡା ବିଡ଼ିଓ ଭିକ୍ଟୋର ସୋରେଙ୍ଗ କୁ କୋଶଳ ସଂଗ୍ରାମୀ ମାନେ ଏକ ଦାବିପତ୍ର ପ୍ରଦାନ କରିଛନ୍ତି। ଏହି ଦାବିପତ୍ର ପ୍ରଦାନ ସମୟରେ ଧୁମାଭଟା ସରପଞ୍ଚ ବନମାଳୀ ନାଏକ, ଅଚ୍ୟୁତ ସିପୁନ ଖମାରୀ, ଜନାର୍ଦ୍ଦନ ସିଂ, କୃଷ୍ଣ ଚନ୍ଦ୍ର ରାଉତ, ଚନ୍ଦ୍ରକାନ୍ତି ସେଠ, କୃତିବାସ ବୁଡେକ, ଗିରିଧାରୀ ସାହୁ ପ୍ରମୁଖ ଉପସ୍ଥିତ ଥିଲେ।