27-Dec-2022

ବଲାଙ୍ଗିର(ପ୍ରେରଣା ଖବର)ଆଦିବାସୀଙ୍କ ପରଂପରା, ବିଶ୍ୱାସ ର ଏହି ସୁଲିଆ ପୀଠ କେବଳ ଆଦିବାସୀଙ୍କ ପୀଠ ହୋଇ ରହିନାହିଁ । ଏହି ପୀଠର ମାହାତ୍ମ୍ୟ ଯୋଗୁଁ ଆଜି ହଜାର ହଜାର ସଂଖ୍ୟାରେ ଅଣ ଆଦିବାସୀମାନେ ମଧ୍ୟ ଏଠାରେ ଏକତ୍ରିତ ହୋଇ ସୁଲିଆ ବାପା ଙ୍କ ପ୍ରତି ତାଙ୍କ ଆସ୍ଥା ଓ ବିଶ୍ୱାସ ଦେଖାଉଛନ୍ତି । ଏହି ଯାତ୍ରା ସହ କିଛି ବର୍ଷ ପୂର୍ବରୁ ସୁଲିଆ ମହୋତ୍ସବ ମଧ୍ୟ ଏଠାରେ ପାଳନ ହେଉଛି । ଏହାର ମାଧ୍ୟମରେ ଏଠାରେ ବିପୁଳ ଜନ ସମାଗମ ହେଉଛି । ଏଠିକାର ଆଦିବାସୀମାନେ ଏଠିକାର ଜଙ୍ଗଲ, ଜଳାଶୟ ଓ ପଶୁପକ୍ଷୀଙ୍କୁ ସୁରକ୍ଷା ଦେଉଛନ୍ତି । ମହୋତ୍ସବ ମାଧ୍ୟମରେ ଲୋକେ ଏକତ୍ରିତ ହୋଇ ଏ ଅଂଚଳର ଏକତା, ଶାନ୍ତି, ମୈତ୍ରି କୁ ଆହୁରି ସୁଦୃଢ

କରୁଛନ୍ତି । ଫଳରେ ଏ ଅଂଚଳ ଆଗାମୀ ଦିନରେ ବିକାଶ ଦିଗକୁ ନିଶ୍ଚିତ ଭାବରେ ଆଗେଇବ ବୋଲି ଆଜି ମାନ୍ୟବର ବଲାଙ୍ଗିର ବିଧାୟକ ନରସିଂହ ମିଶ୍ର ଖଇରଗୁରା ର ପବିତ୍ର ସୁଲିଆ ପୀଠ ରେ ସୁଲିଆ ବାବାଙ୍କ ଦର୍ଶନ କରି ନିଜ ପ୍ରତିକ୍ରିୟାରେ ଗଣମାଧ୍ୟମ ପ୍ରତିନିଧିମାନଙ୍କୁ କହିଛନ୍ତି । ସେ ଆହୁରି ମଧ୍ୟ କହିଛନ୍ତି କିଛି ବର୍ଷ ପୂର୍ବରୁ ରାଜ୍ୟର ଉଚ୍ଚତମ ନ୍ୟାୟାଳୟ ବନ୍ଦ ସପକ୍ଷରେ ନିର୍ଦ୍ଦେଶନାମା ଦେଇଥିଲେ । କିନ୍ତୁ ପରବର୍ତ୍ତି ସମୟରେ ଦେଶର ସର୍ବୋଚ୍ଚ ନ୍ୟାୟାଳୟ ହଜାର ହଜାର ବର୍ଷ ପୂର୍ବରୁ ଆଦିବାସୀଙ୍କ ଦ୍ୱାରା ଚାଲିଥିବା ବଳି ପରଂପରାକୁ କୌଣସି ବି ଆଇନ ବଳରେ ବନ୍ଦ କରାଯାଇ ପାରିବନାହିଁ ବୋଲି ରାୟ ଦେଇଥିଲେ । କାରଣ ଆଜି ବି ଆଦିବାସୀ ତଥା ଅଣ ଆଦିବାସୀଙ୍କ

ଆସ୍ଥା ଓ ଦୃଢ ବିଶ୍ୱାସ ଯୋଗୁଁ ଏହି ପୀଠକୁ ନିଜର ମାନସିକ ପୁରଣ ପାଇଁ ଲକ୍ଷ ଲକ୍ଷ ଲୋକ ଦର୍ଶନ ପାଇଁ ଆସିଥାନ୍ତି । ଆଜି ସୁଲିଆ ପୀଠରେ ପ୍ରାତଃ ସମୟରୁ ହଜାର ହଜାର ସଂଖ୍ୟାରେ ଲୋକେ ଆସି ନିଜର ମାନସିକ ପୂରଣ ପାଇଁ ପଶୁ ବଳି ଦେଇଛନ୍ତି । ତା ସହ ଏଠାରେ ମହୋତ୍ସବ ମାଧ୍ୟମରେ ରାବଣ ଦରବାର ଏବଂ ମନୋରଂଜନ ପାଇଁ ମୀନାବଜାର ଯୋଗୁଁ ସକାଳୁ ରାତି ପର୍ଯ୍ୟନ୍ତ ପ୍ରବଳ ଜନସମାଗମ ହେଉଛି । ଏହି ଅଂଚଳରେ ଥିବା ଜଳାଶୟ ର ସୌନ୍ଦର୍ଯିକରଣ ସାଙ୍ଗକୁ ପର୍ଯ୍ୟଟକମାନେ ଯେମିତି ବର୍ଷତମାନ ଆକର୍ଷିତ ହୋଇ ମନୋରଂଜନ ପାଇଁ ଏଠାକୁ ଆସିବେ ତାର ବ୍ୟବସ୍ଥା କରାଯିବ ବୋଲି ବିଧାୟକ ଶ୍ରୀ ମିଶ୍ର କହିଛନ୍ତି ।