27-Dec-2022

ବିନିକା(ହିମାଂଶୁ ଶେଖର ପୁଟେଲ)ତୁଳସୀ ଗଛ ଉପାଡି ଫିଙ୍ଗି ଦେଇଥିବା ଜଣେ ମାନସିକ ଯୁବକକୁ ହତ୍ୟା କରିଥିବା ଅଭିଯୋଗରେ ବିନିକା ପୋଲିସ ଜଣକୁ ଗିରଫ କରି ଆଜି ବିନିକା କୋଟକୁ ଚାଲାଣ କରିଥିଲା ସେଠାରେ ତାର ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ସୋନପୁର ଜେଲ ହାଜତକୁ ଯାଇଥିବା ଜଣାପଡିଛି ।ଘଟଣାରୁ ପ୍ରକାଶ ଯେ ବିନିକା ଏନଏସି ଅନ୍ତର୍ଗତ ଗୁଲାପଡା ଗ୍ରାମର ବାପ ଛେଉଣ୍ଡ ମାନସିକ ବିକୃତ ଯୁବକ ପ୍ରକାଶ ସେବକ ସେହି ଗ୍ରାମର ଜଣଙ୍କର ତୁଳସୀ ଗଛକୁ ଉପାଡି ଫିଙ୍ଗି ଦେଇଥିଲା ଗ୍ରାମର ପଣ୍ଡୁ ବେହେରା ଏହା ଜାଣି ରବିବାର ତା ଘରକୁ ଯାଇ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହ ଜୀବନରୁ ମାରି ଦେବି ବୋଲି ଧମକ ଦେଇଥିଲା ଠିକ ସେହି ଦିନରେ ପ୍ରକାଶ ନିକଟସ୍ଥ ନଦୀକୁ ଗାଧୋଇବାକୁ ଯାଇଥିବା ବେଳେ ପଣ୍ଡୁ ତାକୁ ଇଟା,ପଥରରେ ତା ମୁହଁ,ମୁଣ୍ଡକୁ ଆଘାତ କରି ରକ୍ତ ଜୁଡୁ ଜୁଡୁ ଅବସ୍ଥାରେ ସ୍କୁଟିରେ ବସାଇ ଘରକୁ ଆଣି କଚାଡି ଦେବାରୁ ସେ ଚେତାଶୂନ୍ୟ ହୋଇ ପଡ଼ିଥିଲା ଫଳରେ ପରିବାର ଓ ଆଖପାଖ ଲୋକେ ତୁରନ୍ତ ବିନିକା ଡାକ୍ତରଖାନାରେ ଭର୍ତ୍ତି କରିଥିଲେ । ଅବସ୍ଥା ସଙ୍କଟାପନ୍ନ ଥିବାରୁ ବୁର୍ଲା ସ୍ଥାନାନ୍ତରିତ ହୋଇଥିଲା ହେଲେ ସୋମବାର ତାର ମୃତ୍ୟୁ ଘଟିଥିଲା । ମୃତ ପ୍ରକାଶର ମାଁ ସନ୍ଧ୍ୟାସନି ସେବକ(୬୦)ବିନିକା ଥାନାରେ ପୁଅକୁ ମାରି ଦିଆଯାଇଛି ବୋଲି ଲିଖିତ ଅଭିଯୋଗ କରିବା ପରେ ପୋଲିସ ଥାନା କେଶ ନଂ ୨୮୮/୨୨ ତାରିଖ ୨୫/୧୨ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ ।ବଲାଙ୍ଗିର ସାଇଣ୍ଟିଫିକ ଟିମ ମଧ୍ୟ ଆସି ତଦନ୍ତ କରି ଫେରିଥିଲେ ।ପୋଲିସ ଅଭିଯୁକ୍ତ ପଣ୍ଡୁ କୁ ଗିରଫ କରି ଟିକିନିକି ପଚରାଉଚୁରା କରିବା ପରେ ଆଜି ମଙ୍ଗଳବାର ବିନିକା କୋଟ କୁ ଚାଲାଣ କରିଥିଲା ସେଠାରେ ବେଲ ନାମଞ୍ଜୁର ହେବାରୁ ଅଭିଯୁକ୍ତକୁ ସୋନପୁର ଜେଲ ହାଜତକୁ ପଠାଇ ଦିଆଯାଇଛି