27-Dec-2022

କର୍ଲାମୁଣ୍ଡା: (ପ୍ରଦିପ କୁମାର ସାହୁ)   
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ର ରିଷିଡା ଅଞ୍ଚଳରେ ଖବରକାଗଜ ର ବିତରକ(ହକର )ଥିବା ଗୟାଧର ନାଏକ ଙ୍କ ମଙ୍ଗଳବାର ଅକାଳ ବିୟୋଗ ହୋଇଯାଇଛି l ମୃତ୍ୟୁବେଳକୁ ତାଙ୍କୁ ମାତ୍ର ୪୬ବର୍ଷ ହେଉଥିଲା l ସେ ଜଣେ ଲୋକପ୍ରିୟ ଯୁବକ ଥିଲେ l ଗ୍ରାମର ପ୍ରତ୍ୟେକ ସଭାସମିତି ର ନୋଟିସ ବୁଲାଇବା, ନିମନ୍ତ୍ରଣ କାର୍ଡ ବାଣ୍ଟିବା, ଲୋକଙ୍କୁ ବିଭିନ୍ନ ଖବର ଦେବା କାର୍ଯ୍ୟରେ ସେ ଆଗ ଖୋଜା ପଡୁଥିଲେ l ରିଷିଡା ଗାନ୍ଧୀନଗର ପଡା ର କବିରାଜ ନାଏକ ଙ୍କ ଏକମାତ୍ର ପୁତ୍ର ଗୟାଧର ଙ୍କର ମଧ୍ୟ ଗୋଟିଏ ୧୨ ବର୍ଷର ଝିଅ ଟିଏ ଅଛି l ପୃତ୍ରକୁ ଅକାଳରେ ହରାଇ ବୃଦ୍ଧ ବାପା, ମା ଶୋକରେ ବୁଡ଼ିଯାଇଥିବା ବେଳେ ତାଙ୍କ ବିଧବା ପତ୍ନୀ ଓ ଝିଅ ବି ବାହୁନି ବାହୁନି କାନ୍ଦୁଛନ୍ତି l ତାଙ୍କ ଶବଧାରରେ ପ୍ରେସ କ୍ଲବ ସଭାପତି ନରୋତ୍ତମ ସେଲମା, ବରିଷ୍ଠ ଖବରଦାତା କମ୍ବୁପାଣି ସାହୁ, ସତ୍ୟନାରାୟଣ କୁମାର, ସହପାଠୀ ତଥା ରିଞ୍ଜା ହାଇସ୍କୁଲ ଶିକ୍ଷକ ବେଲାର ପୁଟେଲ ଙ୍କ ସହ ବହୁଲୋକ ସାମିଲ ହୋଇଥିଲେ l ତାଙ୍କ ବିୟୋଗରେ ପ୍ରେସ କ୍ଲବ ସମ୍ପାଦକ ପ୍ରଦୀପ ସାହୁ, ସାମ୍ବାଦିକ ଭଜଶ୍ୟାମ ସାହୁ, ଯୁବରାଜ ସାହୁ, ସୁଶାନ୍ତ ରଣା, ସୌମ୍ୟରଞ୍ଜନ ତ୍ରିପାଠୀ, ରିଷିଡା ସରପଞ୍ଚ ସେବତୀ ରଣା, ସମିତି ସଭ୍ୟ ସିନୁ ବେହେରା, ପୂର୍ବତନ ସରପଞ୍ଚ ନାରାୟଣ ରଣା, ଗ୍ରାମ କମିଟି ସଭାପତି ନନ୍ଦକିଶୋର ରଣା, ଅନ୍ତର୍ଯ୍ୟାମୀ ସାହୁ, ଅଶୋକ କୁମାର ତ୍ରିପାଠୀ, ସହଦେଵ ସାହୁ, ଲଗ୍ନ ରଣା ପ୍ରମୁଖ ଗଭୀର ଶୋକପ୍ରକାଶ କରି ଅମର ଆତ୍ମାର ସଦଗତି କାମନା କରିଛନ୍ତି l ସେ ଜଣେ ସ୍ୱୀକୃତିପ୍ରାପ୍ତ ହକର ହୋଇଥିବାରୁ ସରକାରୀ ସହାୟତା ଯୋଗାଇଦେବାକୁ ପ୍ରେସ କ୍ଲବ ପକ୍ଷରୁ ନିବେଦନ କରାଯାଇଛି l