25-Dec-2022

ବୌଦ୍ଧ(ଦୁର୍ଯ୍ଯୋଧନ ବିଶି) :: ରାଷ୍ଟ୍ରୀୟ ସ୍ଵୟଂସେବକ ସଂଘର  ବଲାଙ୍ଗୀର, ସୋନପୁର ଓ ବୌଦ୍ଧ ଜିଲ୍ଲା କୁ ନେଇ ଗଠିତ ବଲାଙ୍ଗୀର ବିଭାଗ ର ପ୍ରାଥମିକ ଶିକ୍ଷା ବର୍ଗ ଉଦଘାଟିତ ହୋଇଯାଇଛି । ବୌଦ୍ଧ ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ଆରମ୍ଭ ହୋଇଥିବା ପ୍ରଶିକ୍ଷଣ ବର୍ଗରେ ଚାରିଟି ଜିଲ୍ଲାରୁ ସତୁରି ପ୍ରଶିକ୍ଷାର୍ଥିଙ୍କୁ ଦଶ ଜଣ ପ୍ରଶିକ୍ଷକ ବ୍ୟକ୍ତି ନିର୍ମାଣ ପାଇଁ ବିଭିନ୍ନ ବିଷୟରେ ଯଥା ସୂର୍ଯ୍ୟ ନମସ୍କାର,ଆସନ, ପ୍ରାଣାୟାମ, ଦଣ୍ଡଅଭ୍ୟାସ,

ନିୟୁଦ୍ଧ,ଖେଳ ସମତା ସହ ବୌଦ୍ଧିକ କାର୍ଯ୍ୟକ୍ରମରେ ଗୀତ, ସୁଭାସିତ,ଦଳଗତ ଆଲୋଚନା, ସ୍ଵୟଂସେବକ ର ଗୁଣାବଳି ଓ ସାଂପ୍ରତିକ ପରିସ୍ଥିତିରେ ସଙ୍ଘର ଭୂମିକା ସମ୍ପର୍କରେ ଆଲୋଚନା ସହ ଜୀବନ ଜୀଇଁ ବାର କୌଶଳ ସମ୍ବନ୍ଧରେ ପ୍ରଶିକ୍ଷଣ ପ୍ରଦାନ କରାଯାଉଛି। ଜିଲ୍ଲା କାର୍ଯ୍ୟବାହ ଇନ୍ଦୁଭୂଷଣ ମହାକୁଡ ମୁଖ୍ୟ ଶିକ୍ଷକ ଦାୟିତ୍ଵ ତୁଲାଇଲାବେଳେ ସଞ୍ଜୟ କୁମାର ତନ୍ତୀ କାର୍ଯ୍ୟବାହ ଦାୟିତ୍ଵ ନେଇ ବର୍ଗ ପରିଚାଳନା କରୁଛନ୍ତି । ବର୍ଗର ସଫଳତା ଦୃଷ୍ଟିରୁ ସୂର୍ଯ୍ୟକାନ୍ତ ଦଳବେହେରା, ପଦ୍ମଚରଣ ମେହେର, ଶିବରମଣ ସାହୁ, ବିଜୟ କୁମାର ସାହୁ, ନିରଞ୍ଜନ ମେହେର, ରଘୁନାଥ ଷଡ଼ଙ୍ଗୀ, ନବୀନ କୁମାର ସାହୁ, ଦିଲ୍ଲୀପ କୁମାର ସାହୁ,ପ୍ରଧାନ ଆଚାର୍ଯ୍ୟ ଧରଣୀ ଧର ପରିଡ଼ା ଓ ବିଭାଗ ପ୍ରଚାରକ ପ୍ରଣବ କୁମାର ନାୟକ,ସକ୍ରିୟ ଅଂଶଗ୍ରହଣ କରିଛନ୍ତି।ପ୍ରକାଶ ଥାଉକି ଏହି ପ୍ରଶିକ୍ଷଣ ବର୍ଗ ଡିସେମ୍ବର ୩୦ତାରିଖ ରେ ଉଦଯାପିତ ହେବ।