24-Dec-2022

ସୁବଳୟା:  ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା  ଗ୍ରାମରେ ଜଗନ୍ନାଥ ସେନାର ସଦସ୍ୟଙ୍କ ଦ୍ୱାରା ଦ୍ଵିତୀୟ ବର୍ଷ ପାଇଁ ରକ୍ତଦାନ ଶିବିର ର ଆୟୋଜନ ହୋଇଛି l ଆରମ୍ଭରୁ ଜଗନ୍ନାଥ ସେନାର ସଦସ୍ୟ ଏବଂ ସୁବର୍ଣ୍ଣପୁର ଜୁନିଅର ରେଡ଼କ୍ରସର କର୍ମକର୍ତାଙ୍କ ଦ୍ୱାରା ମିଳିତ ଭାବରେ ଏକ ସଚେତନ ରାଲି ଅନୁଷ୍ଠିତ ହୋଇଥିଲା l ସ୍ଥାନୀୟ ଜଗନ୍ନାଥ ମନ୍ଦିର ପରିସରରୁ ରାଲି ବାହାରି ଦୈନିକ ବଜାର ଦେଇ ସମୁଦାୟ ସୁବଳୟା ଗ୍ରାମ ପରିକ୍ରମା କରିଥିଲା ଓ ଗ୍ରାମବାସୀଙ୍କୁ

ରକ୍ତଦାନ କରିବା ପାଇଁ ଅନୁରୋଧ କରିଥିଲେ l ସୁବଳୟା ସରପଞ୍ଚ ପ୍ରମୋଦ କୁମାର ମହାପାତ୍ର ଶିବିରକୁ ଉଦଘାଟନ କରିଥିବା ବେଳେ, ସମିତି ସଭ୍ୟା ଲିଲି ମେହେର,ବୀରମହାରାଜପୁରର ପୂର୍ବତନ ବ୍ଲକ ଅଧ୍ୟକ୍ଷ ରଂଜିତ ରଥ, ସମାଜସେବୀ ନନ୍ଦିକିଶୋର ମିଶ୍ର, ଅଶୋକ ପୁରୋହିତ,   ଡା. ବିଶ୍ଵନାଥ ରଥ, ଜୁନିଅର ରେଡ଼କ୍ରସ ଅଫିସର ରବିଚନ୍ଦ୍ର ପଶlୟତ, ରାଜ୍ୟ ପୁରସ୍କାର ପ୍ରାପ୍ତ ସମାଜସେବୀ ତଥା ରାମନାରାୟଣ ଦାଶ ପ୍ରମୁଖ ରକ୍ତଦାନ ପାଇଁ ଲୋକଙ୍କୁ ପ୍ରବାର୍ତ୍ତାଇଥିଲେ  l ସୁବଳ ହାଇସ୍କୁଲର ଜୁନିଅର ରେଡ଼କ୍ରସର  ପରାମର୍ଶଦାତା ଚନ୍ଦ୍ରମଣି ବାଘଙ୍କ ସଂଯୋଜନା କାର୍ଯ୍ୟକ୍ରମରେ ଉଦଘାଟନି ସଭାରେ ସନ୍ତୋଷ ପୁଜାହାରୀ ମଞ୍ଚ ପରିଚାଳନା

କରିଥିବା ବେଳେ କ୍ଳବ ସଭାପତି ପ୍ରମୋଦ ପୋଢ଼ଅତିଥି ମାନଙ୍କୁ ସ୍ୱାଗତ  କରିଥିବା ବେଳେ, କ୍ଲବ ସମ୍ପାଦକ ଚନ୍ଦନ ସାହୁ ଧନ୍ୟବାଦ ଦେଇଥିଲେ l ରେଡ଼କ୍ରସ କର୍ମୀ ଚନ୍ଦ୍ରଶେଖର ମହାପାତ୍ର, ଗୋପେଶ ପଣ୍ଡା, ହୃଷିକେଶ ଚାନ୍ଦ, ରଞ୍ଜିତ ପଧାନ, ଉପେନ୍ଦ୍ର ସାହୁ  ପ୍ରମୁଖ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ l  ଶିବିରରେ  ମହିଳା ଓ ଯୁବପିଢ଼ିଙ୍କ ଯୋଗଦାନ ବଳରେ ସମୁଦାୟ ୭୭ ୟୁନିଟ ରକ୍ତ ସଂଗୃହିତ ହୋଇଥିଲା l ସୋନପୁର ରକ୍ତଭଣ୍ଡାର କର୍ମଚାରୀ ସୁବାଷ ଚନ୍ଦ୍ର ପଣ୍ଡା, ଜଗତ ଦରୱଆନ, ଯୁଧିଷ୍ଠିର ନାୟକ ପ୍ରମୁଖ ରକ୍ତ ସଂଗ୍ରହ କରିଥିଲେ ।

ଜଗନ୍ନାଥ ସେନାର ମୁଖ୍ୟ ପ୍ରମୋଦ ପୋଢ଼,  ସନ୍ତୋଷ ପୁଜାହାରୀ, ଚନ୍ଦନ ସାହୁ, କିଶୋର ମେହେର, ନୀଳାମ୍ବର ପାଣ୍ଡେ, ମଣ୍ଟୁ ପାତ୍ର, ନାରାୟଣ ଅଗ୍ରୱାଲ, ପ୍ରମୋଦ ରଣା, ପିଙ୍କୁ ପୁଜାହାରୀ, ଦିଲ୍ଲୀପ ମେହେର, ନାରାୟଣ ମେହେର, ଲଳିତ ମେହେର, ଦୟାନିଧି ମେହେର, ନୟନ ସାହୁ, ସମ୍ପଦ ପୁଝରୀ ପ୍ରମୁଖ ଉପସ୍ଥିତ ରହି ବିଶେଷ ସହଯୋଗ କରିଥିଲେ ।