24-Dec-2022

ବଲାଙ୍ଗୀର(ସନ୍ତୋଷ କୁମାର ଠାକୁର) ତା୨୪-୧୨-୨୨ - ବଲାଙ୍ଗିର ଆଇନ ମହା ବିଦ୍ୟାଳୟର ଦାରିଙ୍ଗବାଡିରେ ବଣଭୋଜି । ଛାତ୍ରଛାତ୍ରୀ, ଅଧ୍ୟାପକ ଓ କର୍ମଚାରୀ ଅଂଶଗ୍ରହଣ କରିଥିଲେ । ଜଙ୍ଗଲରୁ ଆରମ୍ଭ ହୋଇଥିଲା ମଣିଷ ଜୀବନ । ବଣ ପାହାଡର ପ୍ରାକୃତିକ ସୌନ୍ଦର୍ଯ୍ୟର ଆକର୍ଷଣ ଆଜି ମଧ୍ୟ ରହିଛି । ଜୀବନ ଜଞ୍ଜାଳରେ ଚକଟି ହେଉଥିବା ମଣିଷ ମନକୁ ହାଲୁକା କରିବାରେ ଯଥେଷ୍ଟ ସହୋଯୋଗ ହୋଇଥାଏ ବଣଣୋଜି । ସବୁଜ ସୁନ୍ଦର ପରିବେଶରେ ଖାଇବା, ବୁଲିବା ଇତ୍ୟାଦି ସ୍ମୃତି ସାଇତିବା ସମସ୍ତଙ୍କ ଇଚ୍ଛା  । ଗୋଷ୍ଠୀରେ ଭୋଜି ଆନନ୍ଦକୁ ଆହୁରୁ ଗୁଣିତ କରିଥାଏ । ଏଣୁ ଇଂରାଜୀ ବର୍ଷ ଶେଷ ଭାଗରୁ ଆରମ୍ଭ ହୋଇଯାଏ ବଣଭୋଜି ଋତୁ । ଏଭଳି ଏକ କାର୍ଯ୍ୟକ୍ରମ ନେଇ ଭୋରରୁ ବଲାଙ୍ଗିର ଆଇନ ମହାବିଦ୍ୟାଳୟର ଅଧ୍ୟକ୍ଷ, ଅଧ୍ୟାପକ, କର୍ମଚାରୀ ତଥା ଛାତ୍ରଛାତ୍ରୀଙ୍କ ଯାତ୍ରା ଆରମ୍ଭ ହୋଇଥିଲା ଦାରିଙ୍ଗବାଡିକୁ । ସମସ୍ତେ ଏକାଠି ଯାତ୍ରାରୁ ଫେରିବା ଯାଏ ଖୁବ୍ ମଜା କରିଥିଲେ । ପ୍ରତି ମୁହୂର୍ତ୍ତ ସ୍ମରଣୀୟ ଥିଲା ବୋଲି ଅଧ୍ୟକ୍ଷ ସଞ୍ଜିବ କୁମାର ପ୍ରଧାନ ଓ ଅନ୍ୟମାନେ କହିଛନ୍ତି । କେବଳ ଖାଇବା, ପିଇବ ଓ ବୁଲିବା ନୁହେଁ ଅଧ୍ୟକ୍ଷ ଓ ଛାତ୍ରଛାତ୍ରୀମାନଙ୍କ ମଧ୍ୟରେ ସମ୍ପର୍କ ଓ ଆତ୍ମିୟତା ମଜବ୍‌ୁତ୍ ହେଲା । ଯାହା ପରୋକ୍ଷରେ ଶିକ୍ଷାନୁଷ୍ଠାନ ସହ ସମସ୍ତଙ୍କ ପାଇଁ ଶୁଭଙ୍କର । ବଣଭୋଜିରରେ ନିଶ୍ଚିତ ସ୍ୱତନ୍ତ୍ରତା ରହିଛି ବୋଲି ସହକାରୀ ଅଧ୍ୟାପକ ଚଣ୍ଡି ପ୍ରସାଦ ଖମାରୀ ମତ ପ୍ରକାଶ କରି କାର୍ଯ୍ୟକ୍ରମ ଆୟୋଜକଙ୍କୁ ସାଧୁବାଦ୍ ଜ୍ଞାପନ କରିଛନ୍ତି ।