19-Dec-2022

ବଲାଙ୍ଗୀର: ସ୍ଥାନୀୟ ଜେଏସ୍‌ଏମ୍ କଲେଜ ଠାରେ ଅନୁଷ୍ଠିତ ବଲାଙ୍ଗୀର ନାଗରିକ କମିଟିର କାର୍ଯ୍ୟକାରିଣୀ କମିଟି ବୈଠକରେ ଓ ସଭାପତି ବେଲାର ସିଂହ ଭୋଇଙ୍କ ସଭାପତିତ୍ୱରେ ବିଭିନ୍ନ ପ୍ରସ୍ତାବ ଗ୍ରହଣ କରାଯାଇଥିଲା । ପୂର୍ବରୁ ବଲାଙ୍ଗୀରର ରେଳ ସମ୍ବନ୍ଧୀୟ ବିଭିନ୍ନ ସମସ୍ୟାକୁ ନେଇ ମାନ୍ୟବର ରାଜ୍ୟସଭା ସାଂସଦ ନିରଂଜନ ବିଶି ଙ୍କ ଠାରେ ସିଧାସଳଖ ଆଲୋଚନା ହେବା ସହ ଲିଖିତ ଦାବିପତ୍ର ପ୍ରଦାନ କରାଯାଇଥିଲା । ତେଣୁ ଶ୍ରୀ ବିଶି ମାଟିର ଉପଯୁକ୍ତ ସନ୍ତାନର କର୍ତ୍ତବ୍ୟ କରି କେନ୍ଦ୍ର ରେଳ ବିଭାଗ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ସାକ୍ଷାତ କରି ନାଗରିକ କମିଟିର ଦାବି ସହ ଜିଲ୍ଲାର ଅନ୍ୟାନ୍ୟ ଦାବି ଲିଖିତ ଆକାରରେ ପ୍ରଦାନ କରିଥିବାରୁ ବଲାଙ୍ଗୀର ନାଗରିକ କମିଟି ଧନ୍ୟବାଦ ଜ୍ଞାପନ କରିଥିବା ବୈଠକରେ ପ୍ରସ୍ତାବ ଗ୍ରହଣ କରାଯାଇଥିଲା । ସେହିପରି ଲୋୟର ସୁକତେଲର ଅଗ୍ରଗତି, ପୌର ସଂସ୍ଥା ର ବିଭିନ୍ନ ସମସ୍ୟା ଉପରେ ଆଲୋଚନା ହୋଇଥିଲା । ସାଧାରଣ ସଂପାଦକ ମନୋରଂଜନ ସାହୁ ସଭା ପ୍ରାରମ୍ଭରେ ଆଲୋଚନାର ବିଷୟବସ୍ତୁ ଆଗତ କରିଥିଲେ । ଆଲୋଚନାରେ  ପଙ୍କଜିନୀ ପଣ୍ଡା, ଜୟରାମ ମିଶ୍ର, ଗୋପଭୂଷଣ ନାଥ, ମନୋରଂଜନ ପୁରୋହିତ, ଧର୍ମବ୍ରତ ରଥ, ଗୋପବନ୍ଧୁ ପୁରୋହିତ, ଦିବାକର ହୋତା, ପର୍ଶୁରାମ ନାୟକ,ବ୍ରଜରାଜ ପୁରୋହିତ ପ୍ରମୁଖ ଅଂଶଗ୍ରହଣ କରିଥିବା ବେଳେ ସହସଂପାଦକ ଡ. ଚକ୍ରପାଣି ଦାଶ ଧନ୍ୟବାଦ ଜ୍ଞାପନ କରିଥିଲେ ।