03-Jul-2021

ସଇଁତଳା(ପ୍ରେରଣା ଖବର)- ସଇଁନ୍ତଲା ବ୍ଲକ ଅନ୍ତର୍ଗତ ତାଲବାହାଲ ପଞ୍ଚାୟତର ସାଲେଦମକ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ୭୨ତମ ବନୋମହୋତ୍ସବ ପାଳିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ରବିନ୍ଦ୍ର ରାଉତଙ୍କ ତତ୍ତ୍ୱାବଧାନ କାର୍ଯ୍ୟକ୍ରମରେ ସମାଜସେବୀ ଶିକ୍ଷକ ରାମ ନାରାୟଣ ଦାଶ, ଚଟୁଅଙ୍କା ସ୍କୁଲର ପ୍ରକୃତି ବନ୍ଧୁ ଶିକ୍ଷକ ତଥା ଜୁନିୟର ରେଡକ୍ରସ କାଉନ୍ସେଲର ବିରଞ୍ôଚ ନାରାୟଣ ଦାଶ, ଡେଙ୍ଗ ବିଦ୍ୟାଳୟର  ଶିକ୍ଷକ ଆଦିତ୍ୟ ରଣା, ରେଡକ୍ରସ କର୍ମର୍ୀ  ଚନ୍ଦ୍ର ଶେଖର ସେଠ, ହିମାଂଶୁ ବିଶ୍ୱାଳ ଯୋଗଦାନ କରିଥିଲେ ।

କୋଭିଡ ଭଳି ମହାମାରୀ ସମୟରେ ଅମ୍ଲଜାନର ମହତ୍ୱ ଏବଂ ବୃକ୍ଷରୋପଣ ଦ୍ୱାରା ଏହାକୁ କିପରି ପ୍ରତିହିତ କରାଯିବ ଅତିଥିମାନେ ମତ ପ୍ରକାଶ କରିଥିଲେ । ଏହି ଅବସରରେ ବିଦ୍ୟାଳୟ ପରିସରରେ ଅଁଳା, ପିଜୁଳି, ଲେମ୍ବୁ, କରଞ୍ଜ, ଚାଖୁଣ୍ଡା, ଔଷଧ ବୃକ୍ଷ ତଥା ଚାରା ରୋପଣ କରାଯାଇଥିଲା । କୋଭିଡ ନିୟମକୁ ମାନି ହୋଇଥିବା କାର୍ଯ୍ୟକ୍ରମରେ ବିଦ୍ୟାଳୟ ଶିକ୍ଷକ କରୁଣାକର ସାହୁ, ସ୍ୱାଗତ କୁମାର ନାଏକ, ସୁଶାନ୍ତ କୁମାର ସାହୁ ତଥା ଅନ୍ୟାନ୍ୟ ଶିକ୍ଷକ ସହଯୋଗ କରି୍‌ଥିଲେ ।