03-Jul-2021

ବରଗଡ଼, ସୋନପୁର(ମନୋରଞ୍ଜନ ତ୍ରିପାଠୀ) : ଗତ ଜୁଲାଇ ୧ ଗୁରୁବାର ଦିନ ବରଗଡ ଜ଼ିଲ୍ଲାର ନୂତନ ଜ଼ିଲ୍ଲାପାଳ ଭାବେ ଶ୍ରୀମତୀ ମନୀଷା ବାନାର୍ଜୀ ଯୋଗ ଦେଇ  ଏହା  କୃଷି ପ୍ରଧାନ ଜ଼ିଲ୍ଲା ହୋଇଥିବାରୁ ପ୍ରଥମେ ଚାଷୀଙ୍କ ଅମଳ ଧାନ ବିକ୍ରିର  ସୁ ବ୍ୟବସ୍ଥା ଉପରେ ଗୁରୁତ୍ୱ ଦେବି ବୋଲି ମତ ରଖିଥିଲେ l   ଶିକ୍ଷା ଓ  ସ୍ୱାସ୍ଥ୍ୟ ଭିତ୍ତିଭୂମିର  ବିକାଶ ସହିତ ଜ଼ିଲ୍ଲାର କୋଭିଡ  ଚିକିତ୍ସାରେ ଯେମିତି ଆଦୌ  ଅବହେଳା  ନ ହେବ  ଓ  କୋଭିଡରେ ମାତା ପିତାଙ୍କୁ ହରାଇ ଥିବା ଜ଼ିଲ୍ଲାର ଅନାଥ ପିଲା ମାନଙ୍କର  ଶିକ୍ଷା, ସ୍ୱାସ୍ଥ୍ୟର ଯତ୍ନ  ଓ  ଥଇଥାନ  ସହିତ ତାଙ୍କ ଅଭିଭାବକ  କେୟାର ଟେକରଙ୍କୁ ମାସିକ  ଆର୍ଥିକ ସହାୟତା  ଓ  ସମସ୍ତ  ସରକାରୀ ସୁବିଧା ଯୋଗାଇ ଦେବାକୁ ସରକାର ଓ  ଜ଼ିଲ୍ଲା ପ୍ରଶାସନ ପକ୍ଷରୁ  ଦ୍ରୁତ ପ୍ରୟାସ କରିବୁ ବୋଲି ଗଣମାଧ୍ୟମକୁ ସୂଚନା ଦେଇଥିଲେ l ସେ ଆହୁରି ମଧ୍ୟ କହିଥିଲେ ଯେ, ଏବେ ଯେହେତୁ କୋଭିଡର ତୃତୀୟ ଲହରର  ଆଶଙ୍କା  ସୃଷ୍ଟି ହୋଇଛି, ସେଥି ପ୍ରତି ସମସ୍ତେ ସଜାଗ ହେବାକୁ  ଶ୍ରୀମତୀ ବାନାର୍ଜୀ ପରାମର୍ଶ ଦେଇଥିଲେ l କୋଭିଡ ମୁକାବିଲାରେ ତଥା  ଜ଼ିଲ୍ଲାର ସାମଗ୍ରିକ ବିକାଶରେ ଜ଼ିଲ୍ଲାବାସୀଙ୍କ  ସମ୍ପୂର୍ଣ ସହଯୋଗ ଜରୁରୀ  ଅଟେ ବୋଲି ବରଗଡ଼ ଜିଲ୍ଲାର ନୂତନ ଜିଲ୍ଲାପାଳ କହିଛନ୍ତି l ବର୍ତମାନ କୋଭିଡ କାରଣ ପାଇଁ  ଫୋନ ଓ ଇମେଲ ମାଧ୍ୟମରେ  ବରଗଡ ଜ଼ିଲ୍ଲାରେ ଜ଼ିଲ୍ଲାପାଳଙ୍କ  ଅଭିଯୋଗ ଶୁଣାଣି  କାର୍ଯ୍ୟକ୍ରମ ଚାଲୁ ରହିବ ବୋଲି ମିଡ଼ିଆ ଆଗରେ ଶ୍ରୀମତୀ ବାନାର୍ଜୀ ପ୍ରକାଶ କରିଛନ୍ତି  l