05-Dec-2025

ସମ୍ବଲପୁର:(ସଂଜୀବ ପାଣିଗ୍ରାହୀ) 

ଆଜି ସମ୍ବଳପୁର ରୁ ରାଜ୍ୟ ସରକାର (ପର୍ଯ୍ୟଟନ ବିଭାଗ), ରେଳବାଇ ବିଭାଗ ଏବଂ ଜିଲ୍ଲା ପ୍ରଶାସନ ର ମିଳିତ ସହୋଯୋଗରେ, 'ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା' ଅଧୀନରେ ୭୭୫ ଜଣ ତୀର୍ଥଯାତ୍ରୀଙ୍କୁ ନେଇ ସମ୍ବଲପୁର ରେଳଷ୍ଟେସନ ଠାରୁ ରାମେଶ୍ଵରମ-ମଦୁରାଇ ପବିତ୍ର ତୀର୍ଥସ୍ଥାନ ଅଭିମୁଖେ ଏକ ବରିଷ୍ଠ ନାଗରିକ ତୀର୍ଥଯାତ୍ରା ଟ୍ରେନ୍‌ ଯାତ୍ରା ଆରମ୍ଭ କରିଛି।  ଏହି ଅବସରରେ ମାନ୍ୟବର ବିଧାୟକ ସମ୍ବଲପୁର- ଶ୍ରୀ ଜୟନାରାୟଣ ମିଶ୍ର, ସମ୍ବଲପୁର ସାଂସଦଙ୍କ ପ୍ରତିନିଧି ତଥା ରେଙ୍ଗାଲିର ପୂର୍ବତନ ବିଧାୟକ   ଶ୍ରୀ ନାଉରି ନାୟକ, ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ କୁମୁଦୀନି ନାୟକ,  ଉତ୍ତରାଞ୍ଚଳ ଆଇଜି ଶ୍ରୀ ହିମାଂଶୁ ଲାଲ(ଭା.ପୋ.ସେ),  ସମ୍ବଲପୁର ଜିଲ୍ଲାପାଳ ଶ୍ରୀ ସିଦ୍ଧେଶ୍ଵର ବଳିରାମ ବୋନ୍ଦର(ଭ୍ରା.ପ୍ର.ସେ), ଆରକ୍ଷୀ ଅଧିକ୍ଷକ ଶ୍ରୀ ମୁକେଶ ଭାମୂ (ଭା.ପୋ.ସେ), ସମ୍ବଲପୁର, ସମ୍ବଲପୁର ମହାନଗର ନିଗମ ର ଆୟୁକ୍ତ ଶ୍ରୀ ରେହାନ କ୍ଷତ୍ରି (ଭ୍ରା.ପ୍ର.ସେ), ଡ଼ିସିଏମ(railway) ଗରିମା ତିଵାରୀ, Additional Divisional Railway  Manager(ADRM) ଶ୍ରୀ ମଞ୍ଜୀତ ସିଂହ ସନସନୱାଲ, ପ୍ରମୁଖ ଉପସ୍ଥିତ ରହି ଟ୍ରେନ କୁ ପତାକା ଦେଖାଇ ଶୁଭାରମ୍ଭ କରିଛନ୍ତି। 

ମାନ୍ୟବର ବିଧାୟକ ସମ୍ବଲପୁର- ଶ୍ରୀ ଜୟନାରାୟଣ ମିଶ୍ର ଓଡିଶା ସରକାର ଙ୍କ ପ୍ରଚେଷ୍ଟା ରୁ ବରିଷ୍ଠ ନାଗରିକ ମାନେ ଆଜି ଚାରିଧାମ ରୁ ଗୋଟିଏ ଧାମ ପରିଦର୍ଶନ କରିବାର ସୌଭାଗ୍ୟ ପାଇଛନ୍ତି ବୋଲି ପ୍ରକାଶ କରିଥିଲେ। 

ସମ୍ବଲପୁର ଜିଲ୍ଲାପାଳ ଶ୍ରୀ ସିଦ୍ଧେଶ୍ଵର ବଳିରାମ ବୋନ୍ଦର(ଭ୍ରା.ପ୍ର.ସେ), ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା ଅଧୀନରେ ରାମେଶ୍ଵରମ-ମଦୁରାଇ ପବିତ୍ର ତୀର୍ଥସ୍ଥାନ ଅଭିମୁଖେ ୨୦୨୫ ଆର୍ଥିକ ବର୍ଷ ଏହା ଦ୍ଵିତୀୟ ଯାତ୍ରା ବୋଲି ସୂଚନା ଦେଇ ସମସ୍ତଙ୍କର ସଫଳ ଏବଂ ମଙ୍ଗଳ ଯାତ୍ରା ପାଇଁ ପ୍ରାର୍ଥନା କରିଥିଲେ। ସମ୍ବଲପୁର, ସୁବର୍ଣ୍ଣପୁର, ଦେଓଗଡ଼, ଅନୁଗୁଳ, ଝାରସୁଗୁଡ଼ା,  ସୁନ୍ଦରଗଡ଼, ବଲାଙ୍ଗିର, ବରଗଡ, ରୁ ସମୁଦାୟ  ୭୭୫ ଜଣ ତୀର୍ଥଯାତ୍ରୀଙ୍କ ସହିତ ୨୫ ଜଣ ଏସ୍କର୍ଟ୍‌ ଅଧିକାରୀ ଏହି ଯାତ୍ରାରେ ଯାଉଛନ୍ତି ବୋଲି ଜିଲ୍ଲାପାଳ ପ୍ରକାଶ କରିଥିଲେ।

ସୂଚନା ଅନୁଯାୟୀ ଏହି ଯୋଜନା ମାଧ୍ୟମରେ ସମ୍ବଲପୁର ରେଳଷ୍ଟେସନ ଠାରୁ ରାମେଶ୍ଵରମ-ମଦୁରାଇ ପବିତ୍ର ତୀର୍ଥସ୍ଥାନ ଅଭିମୁଖେ ଅଭିମୁଖେ ବରିଷ୍ଠ ନାଗରିକ ତୀର୍ଥଯାତ୍ରା ଟ୍ରେନ୍‌ର ସମ୍ବଲପୁର ଜିଲ୍ଲାରୁ ୮୯, ସୁବର୍ଣ୍ଣପୁର-୫୨, ଦେଓଗଡ଼-୨୭, ଅନୁଗୁଳ- ୧୦୯ ଜଣ,ଝାରସୁଗୁଡ଼ା-୫୦, ସୁନ୍ଦରଗଡ଼-୧୮୦, ବଲାଙ୍ଗିର-୧୪୧, ବରଗଡ-୧୨୭ ଅଦ୍ୟାବଧି ୭୭୫ ଜଣ ଯାତ୍ରୀ ବରିଷ୍ଠ ନାଗରିକ, ରାମେଶ୍ଵରମ ଓ ମଦୁରାଇ ଭଳି ତୀର୍ଥସ୍ଥାନ ଭ୍ରମଣର ସୁଯୋଗ ପାଇଛନ୍ତି । IRCTC ଦ୍ଵାରା ଯାତ୍ରା ସମୟରେ ଯାତ୍ରୀମାନଙ୍କ ପାଇଁ ଖାଦ୍ଯ, ପାନୀୟ, ଯିବା ଆସିବା ଏବଂ ଆଶ୍ରୟସ୍ଥଳୀ ର ବ୍ୟବସ୍ଥା କରାଯାଇଛି ଏହା ସହିତ ସ୍ୱାସ୍ଥ୍ୟ ଜନିତ ସମସ୍ଯା ନିମନ୍ତେ ଏକ ଡାକ୍ତରି ଟିମ ଏବଂ ୨୫ ଜଣ ଏସ୍କର୍ଟ୍‌ ଅଧିକାରୀ ମଧ୍ୟ ରହିଛନ୍ତି ।