05-Dec-2025

ଡାବୁଗାଁ (ପ୍ରିୟଦର୍ଶିନୀ ପାତ୍ର)
ଆସନ୍ତା ୬ ରୁ ୧୧ ତାରିଖ ମଧ୍ୟରେ ଜଗତସିଂହପୁର ରେ
ଅନୁଷ୍ଠିତ ହେବାକୁ ଥିବା ରାଜ୍ୟ ସ୍ତରୀୟ ୧୭ ବର୍ଷରୁ କମ୍ ବାଳିକା କ୍ରିକେଟ ପ୍ରତିଯୋଗିତା ରେ ନବରଙ୍ଗପୁର  ଜ଼ିଲ୍ଲା
 କ୍ରିକେଟ ଟିମ୍ ରେ ଡାବୁଗାଁ ସରକାରୀ (ଏସଏସଡି) ବାଳିକା ଉଚ୍ଚ ବିଦ୍ୟାଳୟରୁ ୬ ଜଣ ଛାତ୍ରୀ ମନୋନୀତ ହୋଇଛନ୍ତି । ଏହାଡାବୁଗାଁ ସରକାରୀ (ଏସଏସଡି) ବାଳିକା ଉଚ୍ଚ ବିଦ୍ୟାଳୟ ପାଇଁ ଗର୍ବ  । ଗତ ୩ ତାରିଖ ରେ ଜ଼ିଲ୍ଲା ସ୍ତରୀୟ କ୍ରିକେଟ ପ୍ରତିଯୋଗିତା ପାପଡାହାଣ୍ଡି ସ୍ଥିତ ଲାଲବହାଦୂର୍ ହାଇସ୍କୁଲ ଠାରେ ଅନୁଷ୍ଠିତ ହୋଇଥିଲା । ଜ଼ିଲ୍ଲାର ସବୁ ବ୍ଲକର ଛାତ୍ରୀ/ଛାତ୍ର ଯୋଗ ଦେଇଥିଲେ । ୧୭ ବର୍ଷ ରୁ କମ୍ ବାଳିକା ଓ ବାଳକ ଚୟନ କରାଯାଇଥିଲା । ପ୍ରଥମ ଥର ଡ଼ିଉଜ୍ ବଲ୍ କ୍ରିକେଟ୍ ପ୍ରତିଯୋଗିତାରେ ଡାବୁଗାଁ ସରକାରୀ (ଏସଏସଡି) ବାଳିକା ଉଚ୍ଚ ବିଦ୍ୟାଳୟ ର ୭ ଜଣ ଛାତ୍ରୀ 
ଅଂଶ ଗ୍ରହଣ କରିଥିଲେ । ସେଥିମଧ୍ୟରୁ ୬ ଜଣ ରାଜ୍ୟ ସ୍ତରୀୟ ପାଇଁ ଚୟନ ହୋଇଛନ୍ତି । ଆସନ୍ତା ୬ ରୁ ୧୧ ତାରିଖ ମଧ୍ୟରେ ଜଗତ୍ସିଂହପୁର ଜ଼ିଲ୍ଲାରେ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହେବ। ଏହି ବିଦ୍ୟାଳୟକୁ ନୂତନ ଭାବେ ଆସିଥିବା କ୍ରୀଡା ଶିକ୍ଷକ ଶ୍ରୀ ମନୋଜ କୁମାର ବାଘ  ଛାତ୍ର ଛାତ୍ରୀ ମାନଙ୍କୁ ଭଲ କୋଚିଂ ଦେଇଥିଲେ ।  ୬ ଜଣ ଛାତ୍ରୀ ହେଉଛନ୍ତି  ଅଞ୍ଜନା ପୂଜାରୀ,  ଗଙ୍ଗାବାଲି ମେହେରା, ଯଶୋଦା ମାଝୀ,  ଗାୟତ୍ରୀ ଭତ୍ରା,  ବନ୍ଦିତା ଭତ୍ରା ଓ  ଉର୍ମିଳା ଭତ୍ରା । ସେହିପରି ରାଜ୍ୟସ୍ତରୀୟ ଫୁଟବଲରେ ମଧ୍ୟ ଜଣେ ଛାତ୍ରୀ ସୁନାମଣି ସାନ୍ତା ବର୍ତ୍ତମାନ କଳାହାଣ୍ଡି   ଜ଼ିଲ୍ଲାକୁ ଖେଳିବା ପାଇଁ ଯାଇଛନ୍ତି ।  ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସଂଯୁକ୍ତା ଦାସ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି । ପ୍ରଥମ କରି ଛାତ୍ରୀମାନେ ରାଜ୍ୟସ୍ତରୀୟ କ୍ରିକେଟ ଖେଳରେ  ଭାଗ ନେଇଥିବାରୁ ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ, ଶିକ୍ଷକ, କର୍ମଚାରୀ ମାନେ ଛାତ୍ରୀ ମାନଙ୍କୁ ଶୁଭେଚ୍ଛା ଜଣାଇବା ସହିତ ପିଲାମାନଙ୍କର ସଫଳତା କାମନା କରିଛନ୍ତି।