06-Nov-2025

ବରୀ (ରଞ୍ଜିତ ମହାନ୍ତି): ସ୍ବର୍ଣ୍ଣ ପଦକ ହାସଲ କରିଥିବା ସଞ୍ଜୟ ଜେନା।ଓଡ଼ିଶା ସାଇକ୍ଲ ଆସୋସିଏଶନ ଦ୍ବାରା ସୁନ୍ଦରଗଡ଼ଠାରେ ଅନୁଷ୍ଠିତ ରାଜ୍ୟସ୍ତରୀୟ ରୋଡ୍ ସାଇଙ୍କୁ ପ୍ରତିଯୋଗିତାରେ ବରୀ ବ୍ଲକ ଅଧୀନ ଗୋପବନ୍ଧୁ କଲେଜର ଯୁକ୍ତ ୩ ବିଜ୍ଞାନର ଦ୍ବିତୀୟ ବର୍ଷ ଛାତ୍ର ସଞ୍ଜୟ ଜେନା ସଫଳତା ହାସଲ କରିଛନ୍ତି। ସେ ଏଲିଟ କାଟେଗୋରୀର ମାସ ଟାଇମ ଟ୍ରାଏଲ୍ସରେ ପ୍ରଥମ ସ୍ଥାନ ଅଧିକାର କରି ସ୍ୱର୍ଣ୍ଣ ପଦକ ଏବଂ ବ୍ୟକ୍ତିଗତ ଟାଇମ ଟ୍ରାଏଲ୍ସରେ ତୃତୀୟ ସ୍ଥାନ ଅଧିକାର କରି ବ୍ରୋଞ୍ଜ ପଦକ ହାସଲ କରିଛନ୍ତି | ଏହାଦ୍ବାରା ସେ ଜାତୀୟସ୍ତରରେ ହେବାକୁ ଥିବା ସାଇଙ୍କୁ ଚାମ୍ପିୟନଶିପ ପାଇଁ ଓଡ଼ିଶା ତରଫରୁ ମନୋନୀତ ହୋଇଛନ୍ତି  ଜାତୀୟ
ପ୍ରତିଯୋଗିତା ଆସନ୍ତା ଡିସେମ୍ବର ପ୍ରଥମ ସପ୍ତାହରେ ସମ୍ବଲପୁରଠାରେ ଅନୁଷ୍ଠିତ ହେବ । ସଞ୍ଜୟ ହେଉଛନ୍ତି ୪ ସନାତନ ଜେନା ଏବଂ ଗୀତାଞ୍ଜଳି ଜେନାଙ୍କ ଏକମାତ୍ର ପୁତ୍ର । ସେ ଅଲିଆବାଦସ୍ଥିତ ସୋର୍ଟ ଆଣ୍ଡ ଆଡ୍‌ଭେଞ୍ଚର କ୍ଲବରେ କୋଚ ତରୁଣ ଦାସ ଏବଂ ବୁଦ୍ଧିଆ ସାରଙ୍କଠାରୁ ଟ୍ରେନିଂ ନେଉଥିଲେ। ତାଙ୍କର ଇଚ୍ଛା ଶକ୍ତି ଓ ଆଗ୍ରହ ଦେଖ୍  କୋଚ ତରୁଣଙ୍କ ସହଯୋଗରେ ସେ ରାଉରକେଲାକୁ  ଯାଇ ୩ମାସ ହେଲା କୋଚ ପର୍ଶୁରାମ ଚୌଧୁରୀଙ୍କଠାରୁ ଟ୍ରେନିଂ ନେଇଥିଲେ। ସେ ତାଙ୍କର ଏହି ସଫଳତା ପାଇଁ  ବାପାମା'ଙ୍କ ଆଶୀର୍ବାଦ ଏବଂ କୋଚ୍‌ଙ୍କ ମାର୍ଗଦର୍ଶନକୁ ଶ୍ରେୟ ଦେଇଛନ୍ତି । ସଞ୍ଜୟ ଆଗାମୀ ଦିନରେ ଆହୁରି ଭଲ ପ୍ରଦର୍ଶନ କରି ଜିଲା ଏବଂ ରାଜ୍ୟ ପାଇଁ ଗୌରବ ଆଣିବାକୁ ଆଶା ରଖୁଥ‌ିବା ପ୍ରକାଶ କରିଛନ୍ତି