03-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ଠାରେ ଅନୁଷ୍ଟିତ କଲାସୀ ଯାତ୍ରା ପରିପ୍ରେକ୍ଷୀରେ ୩ଦିନ ଧରି ଚାଲିଥିବା ମାଁ ଚରଦେଇ ଆଞ୍ଚଳିକ ଲୋକ ମହୋତ୍ସବ ରବିବାର ରାତିରେ ଉଦଯାପିତ ହୋଇଯାଇଛି ହୋଇଛି। ମହୋତ୍ସବ କମିଟି ସଭାପତି ଅଶୋକ ପୃଷ୍ଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ବିନୋଦ ପାତ୍ର,ସମ୍ମାନିତ ଅତିଥି ଭାବେ ବିନିକା ଦୁର୍ଗା ମନ୍ଦିର କମିଟି ସଭାପତି ସନ୍ତୋଷ ପଣ୍ଡା,ଜିଲ୍ଲା କିସାନ ସେଲ ସଭାପତି ସଂଗ୍ରାମ କେଶରୀ ନାୟକ,ପ୍ରଦେଶ ଯୁବ କଂଗ୍ରେସ କାର୍ଯ୍ୟକାରୀ ସଭାପତି ଗଣେଶ ସାହୁ,ବରିଷ୍ଟ କଂଗ୍ରେସ ନେତା ନରେନ୍ଦ୍ର ସାହୁ, ସାମାଜିକ କର୍ମୀ ଘାସିରାମ ପଣ୍ଡା,ବ୍ଲକ ବିଜେଡି ସଭାପତି ଦ୍ବାରିକାନାଥ ସାହୁ, ଶଙ୍କରା ସେବା ସମବାୟ ସଭାପତି ଧରମରାଜ ପଣ୍ଡା,ସରପଞ୍ଚ ବୃନ୍ଦାବତୀ ନାୟକ ପ୍ରମୁଖ ଯୋଗଦେଇଥିଲେ ।ଅତିଥି ମାନେ ବାବା କପିଳେଶ୍ୱର ଓ ମାଁ ଚରଦେଇଙ୍କ ଐତିହାସିକ କିମ୍ବଦନ୍ତୀ ଉପରେ ସୂଚନା ଦେବା ସହ ଅଞ୍ଚଳର କଳା,ସଂସ୍କୃତି,ପରମ୍ପରା ଉପରେ ବକ୍ତବ୍ୟ ରଖିଥିଲେ । ଏହି ଅବସରରେ ୟୁନିସେଫ ପରାମର୍ଶଦାତା ଘାସିରାମ ପଣ୍ଡା,ଟେରାକୋଟା ରେ ଖ୍ୟାତି ଅର୍ଜନ କରିଥିବା ମୁକୁନ୍ଦ ରଣା,ଓଡ଼ିଶା ପ୍ରଶାସନିକ ସେବା ପରୀକ୍ଷାରେ କୃତୀଛାତ୍ରୀ ସୁଶ୍ରୀ ସ୍ମୁତିରେଖା ଭୋଇଙ୍କୁ ଚର୍ଦେଇ ସମ୍ମାନରେ ସମ୍ମାନିତ କରାଯାଇଥିଲା।ପରେ ଉଦଘୋଷକ ଶିକ୍ଷକ ହିମାଂଶୁ ଭୂଷଣ ପଣ୍ଡା,ଦେବରଞ୍ଜନ ପଣ୍ଡା ଓ ବଲାଙ୍ଗିର ଉଦଘୋଷିକା ସସ୍ମିତା ପରମଗୁରୁଙ୍କ ସଂଯୋଜନାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ପେଣ୍ଡାଲରେ କଣ୍ଠଶିଳ୍ପୀ ପୀତବାସ ଶତପଥୀ,ଶାନ୍ତନୁ ମୁନ୍ନା, ଶ୍ରିତୀ ଦାସ ବେବିରାଣୀ,ଟୁଇଙ୍କିଲ ମହାପାତ୍ରଙ୍କ ସୁମଧୁର ସଙ୍ଗୀତ ଓ ଲୋକଗୀତ ପରିବେଷଣ,ଶଙ୍କର ବେହେରା ଓ ତାଙ୍କ ସାଥି,କଳାହାଣ୍ଡିର ପ୍ରତିଭା ଅନୁଷ୍ଠାନ ଏବଂ ସାଂସ୍କୃତିକ ସଂସଦ ସଂସାମୁରା ତରଫରୁ ଲୋକଗୀତ ପରିବେଷଣ ଦର୍ଶକଙ୍କୁ ରାତି ତମାମ ବାନ୍ଧି ରଖିଥିଲା ଏହି ମହୋତ୍ସବର ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେଇ ନିଜର ପ୍ରତିଭାକୁ ପ୍ରଦର୍ଶନ କରିଥିବା କଳାକାର ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା।ଅନୁଷ୍ଟିତ ଏହି ମହୋତ୍ସବ ପରିଚାଳନାରେ କମିଟିର ସମସ୍ତ ସଦସ୍ୟ ସକ୍ରିୟ ଭାବେ ସହଯୋଗ କରିଥିଲେ।