01-Nov-2025

ବିନିକା(ହିମାଂଶୁ ଶେଖର ପୁଟେଲ)ପବିତ୍ର କାର୍ତ୍ତିକ ମାସ ଦଶମୀ ତିଥିରେ ଏ ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ଠାରେ ଅନୁଷ୍ଟିତ ହେଉଥିବା ଦଶମୀ ଯାତ୍ରା ଅବସରରେ ଚଳିତ ବର୍ଷ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ଭିଡ଼ ଜମିଥିଲା । ଭୋରରୁ ବାବା କପିଳେଶ୍ୱର ଓ ମାଁ ଚର୍ଦେଇ ଙ୍କୁ ରୀତିନୀତି ଅନୁଯାୟୀ ପୂଜା କରାଯାଇଥିଲା। ଘଣ୍ଟ, ଶଙ୍ଖ ହୁଳହୁଳି ଓ ଜୟ ଜୟ ଧ୍ୱନି ରେ ମନ୍ଦିର ପରିସର ପ୍ରକମ୍ପିତ ହୋଇଥିବା ବେଳେ ପ୍ରଭୁଙ୍କ ଦର୍ଶନ ପାଇଁ ଶ୍ରଦ୍ଧାଳୁ ଧାଡ଼ି ବାନ୍ଧି ରହିଥିଲେ ।ଅପରାହ୍ନରେ ମାଁ ଚରଦେଇଙ୍କୁ ଗମ୍ଭୀରା ଭିତରୁ ବାହାର କରାଯାଇ ଛତର ସହ ବରୁଆଙ୍କ ନୃତ୍ୟ ଓ ଢୋଲ,ନିଶାଣର ତାଲେ ଚାଲେ ଏକ ବିରାଟ ଶୋଭାଯାତ୍ରାରେ ନିକଟ କଲାସି କୁଠୀ ନିଆଯାଇଥିଲା ।ଉପସ୍ଥିତ ଶ୍ରଦ୍ଧାଳୁ ଦର୍ଶନ କରିବାର ସୁଯୋଗ ନେଇଥିଲେ ।ସେହିପରି ଅନ୍ୟ ପକ୍ଷରେ କରତଙ୍ଗ, ବାଉଁଶୁନି,ନନ୍ଦନମାଲ, କୌଡ଼ିଆମୁଣ୍ଡା,ସେଲେଡି,ତୁଲୁଣ୍ଡୁ ପାଲି,ବଳରଙ୍ଗା ପ୍ରଭୃତି ଗ୍ରାମରୁ ବରୁଆ ମାନେ ନିଜ ଛତ୍ର ସହ ନାଚି ନାଚି ପୀଠକୁ ଆସି ବାବା କପିଳେଶ୍ୱରଙ୍କୁ ବର ମାଗି ନିଜ ଗନ୍ତବ୍ୟ ସ୍ଥଳକୁ ପ୍ରତ୍ୟାବର୍ତ୍ତନ କରିଥିଲେ ।ବରୁଆ ମାନଙ୍କ ନୃତ୍ୟ ଓ ଦେବାଦେବୀଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ନାହିଁ ନଥିବା ଭିଡ ପରିଲକ୍ଷିତ ହୋଇଥିଲା।ଅନୁଷ୍ଟିତ ଏହି ଯାତ୍ରା ପରିଚାଳନାରେ ମନ୍ଦିର ଟ୍ରଷ୍ଟ ବୋର୍ଡ କମିଟି ସଦସ୍ୟ, ସେବାୟତ,ପଞ୍ଚାୟତ ପ୍ରତିନିଧି,ଗ୍ରାମବାସୀ ପ୍ରମୁଖ ସହଯୋଗ କରିଥିଲେ।