28-Oct-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ସରସ୍ବତୀ  ଶିଶୁ ବିଦ୍ୟା ମନ୍ଦିର ପରିସରରେ  ତୁଷୁରାରେ ଶିକ୍ଷା ବିକାଶ ସମିତି ଓଡିଶା, ଦକ୍ଷିଣ ପଶ୍ଚିମ ସମ୍ଭାଗ ଆନୁକୂଲ୍ୟରେ ଶାରୀରିକ ଓ ଟାଲି କାର୍ଯ୍ୟାଶାଳା ଅନୁଷ୍ଠିତ ହୋଇଯାଇଛି l ଏହି କର୍ମଶାଳାରେ  ବୌଦ୍ଧ, ସୁବର୍ଣ୍ଣପୁର, ବଲାଙ୍ଗୀର, ଓ ନୂଆପଡା ଜିଲ୍ଲାରୁ ସମୁଦାୟ ୨୦୮ ଜଣ ପ୍ରଶିକ୍ଷାର୍ଥୀ ଅଂଶଗ୍ରହଣ କରି ଥିଲେ । ପ୍ରଶିକ୍ଷକ ଭାବରେ  ୧୫ ଜଣ ପ୍ରଧାନ ଆଚାର୍ଯ୍ୟ ଯୋଗଦେଇ ଥିବା ବେଳେ ପର୍ଯ୍ୟବକ୍ଷକ ଭାବରେ ଜୁରିଆ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ପରମାନନ୍ଦ ଖମାରି, ଶାରୀରିକ ପ୍ରଶିକ୍ଷକ ସୁଶୀଲ କୁମାର ଦାସ,  ଟାଲି ପ୍ରଶିକ୍ଷକ ଲଷ୍ମୀନାରାୟଣ ମିଶ୍ର ପ୍ରଶିକ୍ଷଣ ଦେଇଥିଲେ । ଏହି କାର୍ଯ୍ୟାଶାଳl ସମ୍ଭାଗ ସଂଯୋଜକ  ରଞ୍ଜନ କୁମାର ପ୍ରଧାନଙ୍କ ପ୍ରତ୍ୟକ୍ଷ ତ୍ବତ୍ୱାବଧାନରେ  ସହ ସମ୍ଭାଗ ସଂଯୋଜକ ପ୍ରକାଶ ଚନ୍ଦ୍ର ମହାନ୍ତି, ସୁବର୍ଣ୍ଣପୁର ବିଭାଗ ନିରୀକ୍ଷକ ଜୟକିଶୋର ପଣ୍ଡା,

ନୂଆପଡା ବିଭାଗ ନିରୀକ୍ଷକ ଯୁବରାଜ ମାର୍ଗଦର୍ଶନ କରିଥିଲେ l ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି  ମାମି ଦାସ, ଉପାଧ୍ୟାକ୍ଷା ତୁଷୁରା ବିଜ୍ଞାପିତ ଅଞ୍ଚଳ ପରିଷଦ, ସମ୍ମାନିତ ଅତିଥି ଭାବେ କ୍ଷେତ୍ର ଓ ପ୍ରାନ୍ତ ଶାରୀରିକ ଶିକ୍ଷା ସଂଯୋଜକ ଶ୍ରୀଯୁକ୍ତ ବଳରାମ ସାହୁ,  ବେଲାର ସିଂ ଭୋଇ, ସଭାପତି ଦକ୍ଷିଣ ପଶ୍ଚିମ ସମ୍ଭାଗ,  ପ୍ରଧାନ ଆଚାର୍ଯ୍ୟ ସୁଶୀଲ କୁମାର ଦାସ ଅତିଥି ପରିଚୟ କରିଥିଲେ । ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ଅଜୟ କୁମାର ଜୟଶ୍ୱାଳ, ଅଧ୍ୟକ୍ଷ ତୁଷୁରା ବିଜ୍ଞାପିତ ଅଞ୍ଚଳ ପରିଷଦ ଯୋଗଦେଇ ଶାରୀରିକ ଶିକ୍ଷା ଓ କମ୍ପୁଟର ଶିକ୍ଷାର ଆବଶ୍ୟକତା ବିଷୟରେ ଆଲୋକପାତ କରିଥିଲେ । ଉଦଯାପନୀ ଉତ୍ସବରେ ବିଦ୍ୟାଳୟ ପରିଚାଳନା ସମିତି ସମ୍ପାଦକ ଶ୍ରୀଯୁକ୍ତ ବେଣୁଧର ମନହିରା ଧନ୍ୟବାଦ ଅର୍ପଣ କରିଥିବା ବେଳେ ପ୍ରଥମଦିନ ସନ୍ଧ୍ୟା ବନ୍ଦନରେ ବିଦ୍ୟାଳୟ ପରିଚାଳନା ସମିତି ସଭାପତି ଦିନଦୟାଲ କେଡ଼ିଆ ଅତିଥି ମାନଙ୍କୁ ସମ୍ମାନିତ କରିଥିଲେ ।ବିଦ୍ୟାଳୟର ସମସ୍ତ ଗୁରୁଜୀ, ଗୁରୁମା, ସେବକ, ସେବିକା ସହଯୋଗ କରିଥିଲେ l