27-Oct-2025

ନୟାଗଡ(ପ୍ରେରଣା ଖବର): ରାଜ୍ୟ ସାମ୍ବାଦିକ (ଏସୟୁଜେ)ର ନୟାଗଡ ଜିଲ୍ଲା ଶାଖାର ଏକ ସାଧାରଣ ବୈଠକ ନିକଟସ୍ଥ ଓମ୍‌ ହୋଟେଲ ବାଲୁଗାଁ ପରିସରରେ ରବିବାର ଅନୁଷ୍ଠିତ ହୋଇ ଯାଇଛି। ଏହି ବୈଠକରେ ରାଜ୍ୟ ସାମ୍ବାଦିକ ସଂଘ ସଭାପତି କୈଳାସ ଚନ୍ଦ୍ର ନାୟକ, ରାଜ୍ୟ କାର୍ଯ୍ୟକାରୀ ସଭାପତି କୀର୍ତ୍ତି ଚନ୍ଦ୍ର ସାହୁ ଯୋଗଦେଇଥିଲେ। ଉକ୍ତ ବୈଠକରେ ସୁବାଷ ଚନ୍ଦ୍ର ମହାପାତ୍ର ଅଧ୍ୟକ୍ଷତା କରିଥିଲେ। ସଂଯୋଜକ ଭାବେ ପ୍ରଭାସିନୀ ନନ୍ଦ, ସହ ସଂଯୋଜକ ରବୀନ୍ଦ୍ର ରାଉତ ପ୍ରମୁଖ ଉପସ୍ଥିତ ଥିଲେ। ଖୋର୍ଦ୍ଧା, ପୁରୀ, ଗଞ୍ଜାମ, ବୌଦ୍ଧ, ଅନୁଗୁଳ, କଟକ, ଢେଙ୍କାନାଳ ଜିଲ୍ଲା ସଭାପତି ଓ ସମ୍ପାଦକ ଯୋଗଦେଇଥିଲେ। ନୟାଗଡ ଜିଲ୍ଲାରେ ବିଭିନ୍ନ ସାମ୍ବାଦିକ ସଂଗଠନ ଥିବାବେଳେ ଆଜି ରାଜ୍ୟ ସାମ୍ବାଦିକ ସଂଘ ନୟାଗଡ ଶାଖାର ବୈଠକ ପ୍ରଥମ କରି ଅନୁଷ୍ଠିତ ହୋଇଥିଲା। ବୈଠକରେ ରାଜ୍ୟ ସଂଘର

ମୁଖ୍ୟ କାର୍ଯ୍ୟନିର୍ବାହୀ ଶଶୀଭୂଷଣ ଷଡଙ୍ଗୀ, କୋଷାଧ୍ୟକ୍ଷ କୁନା ଜେନା, ଜାତୀୟ ପରିଷଦ ସଦସ୍ୟ ମଧୁପ ରଂଜନ ନନ୍ଦ, ଅନୁଗୁଳ ଜିଲ୍ଲା ସଭାପତି ବିରଜା ଶଙ୍କର ମିଶ୍ର, ସମ୍ପାଦକ ବନମାଳୀ ନାୟକ, ଖୋର୍ଦ୍ଧା ଜିଲ୍ଲା ସଭାପତି ଉମାକାନ୍ତ ସାମନ୍ତରାୟ, ସମ୍ପାଦକ ସୂର୍ଯ୍ୟନାରାୟଣ ମହାନ୍ତି, କଟକ ଜିଲ୍ଲା ସଭାପତି ଶିଶିର କୁମାର ଦାଶ, ବୌଦ୍ଧ ଜିଲ୍ଲା ସଭାପତି ନରେନ୍ଦ୍ର କୁମାର ସାହୁ, ସାଧାରଣ ସମ୍ପାଦକ ଦୁର୍ଯ୍ୟୋଧନ ବିଶି, ପୁରୀ ଜିଲ୍ଲା ସଭାପତି କେଦାରନାଥ ସାହୁ, ସାଧାରଣ ସମ୍ପାଦକ ପ୍ରଦୀପ ନାୟକ, ରାଜ୍ୟ କାର୍ଯ୍ୟନିର୍ବାହୀ ସଦସ୍ୟ ସୂର୍ଯ୍ୟ ତ୍ରିପାଠୀ, ସୌଭାଗ୍ୟ ମହାରଣା, ସଂଜୟ କୁମାର ସିଂ, ରଂଜନ କୁମାର ସାହୁ, ବିଜୟ ବେହେରା, ଆକାଶ ଦାଶ ପ୍ରମୁଖ ଯୋଗଦେଇଥିଲେ। ସଂଗଠନ କିଭଳି ସୁଦୃଢ଼ ହେବ ଏହା ଉପରେ ଆଲୋକପାତ କରିବା ସହିତ ୭୦ବର୍ଷରୁ ଊର୍ଦ୍ଧ୍ୱ ସାମ୍ବାଦିକଙ୍କୁ ପେନସନ, ବ୍ଲକସ୍ତରୀୟ ବରିଷ୍ଠ ସାମ୍ବାଦିକଙ୍କୁ ଆକ୍ରାଡିସେନ ଏବଂ ଅନ୍ୟାନ୍ୟ ସାମ୍ବାଦିକଙ୍କ ସୁରକ୍ଷା ଉପରେ ଗୁରୁତ୍ୱାରୋପ କରିଥିଲେ। ନୟାଗଡ ଜିଲ୍ଲା ଶାଖା ପାଇଁ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଥିଲା। ସଭାପତି ଭାବେ ସୁବାଷ ଚନ୍ଦ୍ର ମହାପାତ୍ର, ସମ୍ପାଦକ ଭାବେ ପ୍ରଭାସିନୀ ନନ୍ଦ, କାର୍ଯ୍ୟକାରୀ ସଭାପତି ରାମକୃଷ୍ଣ ପରିଡା, ଉପସଭାପତି ରଂଜନ ମହାପାତ୍ର, କମଳ ଲୋଚନା ଦଳାଇ, ସଂଗଠନ ସମ୍ପାଦକ ଭାବେ ଭବାନୀ ଶଙ୍କର ମହାନ୍ତି, କୋଷାଧ୍ୟକ୍ଷ ଭାବେ ଭିକାରୀ ଦାସ, ଅଧ୍ୟକ୍ଷ ସ୍ବତନ୍ତ୍ର ଟ୍ରିବୁନାଲ ସୁକାନ୍ତ କୁମାର ପଟ୍ଟନାୟକ, ଆଇନ ପରାମର୍ଶଦାତା ଜୟେନ୍ଦ୍ର ବେହେରା, ସହ ସମ୍ପାଦକ ଭାବେ ରଂଜନ କୁମାର ଦାସ, କନକଲତା ପ୍ରଧାନ ନିର୍ବାଚିତ ହୋଇଥିବାବେଳେ କାର୍ଯ୍ୟନିର୍ବାହୀ ସଭ୍ୟ ଭାବେ ଏମ.ଆଉରଙ୍ଗଜେବ, ରବୀନ୍ଦ୍ର ରାଉତ, ବିକ୍ରମ ସ୍ବାଇଁ, ପ୍ରମୋଦ କୁମାର ନନ୍ଦ, ପ୍ରଭାତ ବରାଡ, ଫକୀର ମହାରଣା, ବ୍ରଜବନ୍ଧୁ ଦେହୁରୀ ପ୍ରମୁଖ ସର୍ବସମ୍ମତିକ୍ରମେ ନିର୍ବାଚିତ ହୋଇଥିଲେ। ଏହି ସାଧାରଣ ବୈଠକରେ ପାଖାପାଖି ଦେଢ଼ଶହରୁ ଅଧିକ ସାମ୍ବାଦିକ ଯୋଗଦେଇ ଜିଲ୍ଲାର ସଂଗଠନକୁ ସୁଦୃଢ଼ କରିବା ପାଇଁ ସମସ୍ତେ ସଂକଳ୍ପବଦ୍ଧ ହୋଇଥିଲେ। ଶେଷରେ ସହ ସଂଯୋଜକ ରବୀନ୍ଦ୍ର କୁମାର ରାଉତ ଧନ୍ୟବାଦ ଦେଇଥିଲେ।