26-Oct-2025

ବଲାଙ୍ଗୀର(ପ୍ରେରଣା ଖବର) ଆଜି ସଂଧ୍ୟାରେ ବଲାଙ୍ଗୀର ଟାଉନ ବାଳିକା ଉଚ୍ଚ ବିଦ୍ୟାଳୟ ତାର ଡାଇମଣ୍ଡ ଜୁବୁଲି ପାଳନ କରିବାକୁ ଯାଉଛି। ଶରତ ପାଣିଗ୍ରାହୀ ଫାଉଣ୍ଡେସନ ଓ ଟାଉନ ବାଳିକା ଉଚ୍ଚବିଦ୍ୟାଳୟର ମିଳିତ ଆନୁକୂଲ୍ୟରେ ଆୟୋଜିତ ଏହି ଉତ୍ସବ ଅବସରରେ ଆଜି ସକାଳ ୧ଠଟା ସମୟରେ ସ୍କୁଲ ପରିସରରେ ଏକ ମାଗଣା ସ୍ୱାସ୍ଥ୍ୟ ପରୀକ୍ଷା ଶିବିର ଓ ମାଗଣା ଔଷଧ ବଂଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଡାଇବେଡିସ, ବଡ୍ଲପ୍ରେସର ଆଖି, କାନ ଜନିତ ବିଭିନ୍ନ ରୋଗର ପରୀକ୍ଷା କରାଯାଇ ରୋଗୀ ମାନଙ୍କୁ ଔଷଧ ପ୍ରଦାନ

କରାଯାଇଥିଲା । ଏଥିରେ ପ୍ରାୟ ୨ଠଠଜଣ ପୁରୁଷ ଓ ମହିଳା ଯୋଗ ଦେଇ ନିଜର ସ୍ୱାସ୍ଥ୍ୟ ପରୀକ୍ଷା କରିଥିଲେ । ଏହି ଶିବିରକୁ ସଫଳ କରିବାରେ ସ୍କୁଲର ସମସ୍ତ ଶିକ୍ଷକ,ଶିକ୍ଷୟିତ୍ରୀ ସହଯୋଗ କରିଥିଲେ । ଏଥିରେ ଅନ୍ୟ ମାନଙ୍କ ମଧ୍ୟରେ ଦେଓଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ମେଡିକାଲ ଅଫିସର ଡ. ଚିତ୍ତରଂଜନ ମିଶ୍ର, ବଲାଙ୍ଗୀର ଭୀମ ଭୋଇ ମେଡିକାଲ କଲେଜର ଏମ୍‌ଡି ଡ. ଦେବାଶିଷ ରଥ, ଡ. ଏନ୍‌.ଟି ମିଂଜ, ବୁର୍ଲା ଭୀମସା ର ଡ. ସ୍ମିତା ପଣ୍ଡା, ଡ. ଡ. ଟି.କେ ପାଲିତ, ଡ. ସୌରଭ 

ତ୍ରିପାଠୀଙ୍କ ସମେତ ଅନ୍ୟାନ୍ୟ ମେଡିକାଲ ଷ୍ଟାଫ୍ ଯୋଗ ଦେଇ ଲୋକ ମାନଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ । ଏହି ସ୍ୱାସ୍ଥ୍ୟ ଶିବିରରେ ଜେ.ବି ଫାର୍ମାର ମେଡିକାଲ ରିପ୍ରରେଜେଣ୍ଟିଭ ପଦ୍ମନିଧି ପଟେଲ, ମାଇକ୍ରୋ ଲ୍ୟାବ୍ ର ଅନୀଲ କୁମାର ନାୟକ, ଏମ୍‌ଏମ୍‌ସି ଫାର୍ମାର ଶୁଭମ ନାୟକ ଓ ପ୍ରୀତମ୍ ଫାର୍ମାର ସଲୋମାନ ସୁନା ପ୍ରମୁଖ ବିଶେଷ ସହଯୋଗ କରିଥିଲେ । ସ୍କୁଲର ପ୍ରଧାନ ଶିକ୍ଷକ ନରେନ୍ଦ୍ର ନାଥ ମିଶ୍ରଙ୍କ ତତ୍ତ୍ୱାବଧାନରେ ଏହି ସ୍ୱାସ୍ଥ୍ୟ ଶିବିର ପରିଚାଳିତ ହୋଇଥିଲା ।