23-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ଚିତ୍ରୋତ୍ପଳା ମହାନଦୀ ର ଐତିହାସିକ ସୋନପୁର ର ରାଜବାଟି  ସଂଲଗ୍ନ  ଶ୍ରୀ ଗୋପାଲ୍ଜୀ ମନ୍ଦିର ର ନବୀ କରଣ କରି ରାଜ୍ୟ ତଥା ଦେଶ ବିଦେଶର ପର୍ଯ୍ୟଟକ ମାନଙ୍କୁ ଆକୃଷ୍ଟ କରିବା ପାଇଁ ଭରପୁର ଭିତ୍ତିଭୂମି ଥିବା ବିଷୟ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ ଏହି ସର୍ବ ପୁରାତନ ମନ୍ଦିର ପରିଦର୍ଶନ ସମୟରେ ନିଜେ ଅନୁଭଵ କରିଥିଲେ l ଏଥି ପାଇଁ ଯୁଦ୍ଧ କାଳୀନ ଭିତ୍ତିରେ ଏ ପ୍ରାଚୀନ ମନ୍ଦିର ର ନବୀକରଣ କାର୍ଯ୍ଯ ହାତକୁ ନେବା ପାଇଁ  ପୌର ପ୍ରଶାସନ, ବୁଦ୍ଧିଜୀବୀ , ସାମ୍ୱାଦିକ , ମନ୍ଦିର ପରିଚାଳନା କମିଟି ପକ୍ଷରୁ  ଜିଲ୍ଲାପାଳ ଙ୍କୁ ଦାବୀ କରାଯାଇଛି l ଏଠି ବିଦେଶୀ ପକ୍ଷୀ ଙ୍କ କଳ କଳ ରାବ  ସହ ବନ୍ୟା ସମୟର ମହାନଦୀ ,ତେଲ ନଦୀ ଓ କର୍ପୁର ନଦୀ ତ୍ରିବେଣୀ ସଙ୍ଗମ ର କୂତ୍ରିମ ଦୃଶ୍ୟ ଚିଲିକା ହ୍ରଦ ଭଳି ଦୃଶ୍ୟମାନ ହେଉଥିବା ଅବଗତ ଓ ଅନୁଭବ କରି ଥିଲେ l କାରଣ ଏହି ପ୍ରକାର ପ୍ରାକୃତିକ ଦୃଶ୍ୟ କୁ ଉପଭୋଗ କରିବା ପାଇଁ ସମଗ୍ର ଓଡ଼ିଶାରେ ଏହା ଏକ ସ୍ବତନ୍ତ୍ର ସ୍ଥାନ ଓ  ବିରଳ ବୋଲି ଜିଲ୍ଲାପାଳ ମତ ପ୍ରକାଶ କରିଥିଲେ l  ଏ ମହାନଦୀ ର ପ୍ରାକୃତିକ ଦୃଶ୍ୟ ଓ ପୁରୁଣା ରାଜ ବାଟି କୁ ଦେଖି ନିଜେ ବିଭୋର ହୋଇ ଫଟୋ ଉତ୍ତୋଳନ କରି ଥିଲେ l ଶୀତ ଓ ଗ୍ରୀଷ୍ମ ଋତୁରେ ବିଦେଶୀ ପକ୍ଷୀ ଙ୍କ ପାଇଁ ଫଟୋ ଉତ୍ତୋଳନ ଲାଗି ମହାନଦୀରେ ପରିବେଶ ପ୍ରେମୀ ଓ ପର୍ଯ୍ୟଟକ ଙ୍କ ଭିଡ଼ ଲାଗି ଥାଏ l

ମହା ନଦୀ ମଧ୍ୟ ଭାଗରେ ଥିବା ପ୍ରତ୍ୟକ୍ଷ ଦେବୀ ମା ଲଙ୍କେଶ୍ବରୀ ଙ୍କ ଦର୍ଶନ ଓ ନଦୀର ବିଭିନ୍ନ ସ୍ପଟ ରେ ପିକନିକ୍ ପାଇଁ ପ୍ରତ୍ୟହ ଦୂର ଦୁରାନ୍ତର ହଜାର ହଜାର ଲୋକ ଙ୍କ ଭିଡ଼ ଲାଗି ଥାଏ l ଜିଲ୍ଳା ପ୍ରଶାସନ ଓ ରାଜ୍ୟ ପ୍ରଶାସନ ର ମିଳିତ ଉଦ୍ୟମ ରେ ଏଠାରେ ଯଦି ଏକ ଭବ୍ୟ ପ୍ରକଳ୍ପ ନିର୍ମାଣ ହେବ ତାହେଲେ ଏ ମନ୍ଦିର , ରାଜବାଟି ଅଞ୍ଚଳ ରାଜ୍ୟ ର ଏକ ଖୁବ ଆକର୍ଷଣୀୟ ପର୍ଯ୍ୟଟନ କେନ୍ଦ୍ର ଭାବେ ସ୍ଥାନ ପାଇବ , ପର୍ଯ୍ୟଟକ ଙ୍କ ଭିଡ଼ ହେବ ବୋଲି ବୁଦ୍ଧିଜୀବୀ ପ୍ରକାଶ କରିଛନ୍ତି l  ଜିଲ୍ଲା ପ୍ରଶାସନ ମାଧ୍ୟମରେ ରାଜ୍ୟ ସରକାର ଙ୍କ ଠାରେ ପ୍ରସ୍ତାବ ରଖିବାକୁ ଅନୁରୋଧ କରିଥିଲେ l  ଏବଂ ଦୀର୍ଘ ୩୨ ବର୍ଷ ଧରି ସି ବି ଆଇ ମାଲଖାନା ରେ  ଜବତ ହୋଇ ରହିଥିବା, ଅପୂଜା ଥିବା ଶ୍ରୀ ଗୋପାଲ ଜୀ ମନ୍ଦିର ର ୧୨ ଗୋଟି ପ୍ରାଚୀନ ମୂର୍ତ୍ତି କୁ ଫେରାଇ ଆଣିବା କୁ ଉପସ୍ଥିତ ବୁଦ୍ଧିଜୀବୀ ମିଡିଆ ଜିଲ୍ଲାପାଳ ଙ୍କୁ ଅନୁରୋଧ କରିଥିଲେ l