21-Mar-2025

ବ୍ରହ୍ମପୁର ରେଳବାଇ ଥାନା ଅଧୀନସ୍ଥ ରାମନଗର ରେଳ ଧାରଣାରୁ ରାହୁଲ ଗୌଡ ନାମକ ଜଣେ ଯୁବକ ର ଶବ ଉଦ୍ଧାର କରି ରେଳବାଇ ପୋଲିସ ୨୧/୨୫ ଅନୁଯାୟୀ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡଡାକ୍ତରଖାନା କୁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି। ମୃତ ରାହୁଲ କୌଣସି ଚଳନ୍ତା ରେଳରୁ ଖସି ପଡିଥିବା ଆଶଙ୍କା କରା  ଯାଉଛି। ତା'ର ପକେଟ୍ ରୁ ଗୋଟିଏ ପ୍ଲାଟଫର୍ମ ଟିକଟ ଓ ମୋବାଇଲ ଫୋନ ସଂଗ୍ରହ କରି ତା'ର ପରିଚୟ ପାଇ ଘର ଲୋକଙ୍କୁ ଖବର ଜଣାଇଥିଲେ ଓ ପୋଲସରା ଥାନା ଅର୍ନ୍ତଗତ ଗୋଛାପଡା ଗ୍ରାମର ରାହୁଲ ର ବାପା ଭୁବୁନୀ ଗୌଡ଼ ଆସି ପୁଅ ର ଶବକୁ ଚିହ୍ନଟ କରିଥିଲେ।ଗତ ଦୁଇଦିନ ହେଲା ରାହୁଲ ଘରେ ଅଶାନ୍ତି ଯୋଗୁଁ ବାହାରକୁ ଯାଇ ଆଉ ଘରକୁ ଫେରି ନ ଥିଲା।ଘର ଲୋକେ ବହୁ ଖୋଜାଖୋଜି ପରେ ମଧ୍ୟ ତା'ର ସନ୍ଧାନ ପାଇନଥିଲେ।

(କୈଳାଶ ଚନ୍ଦ୍ର ଚୌଧୁରୀଙ୍କ ରିପୋର୍ଟ)