21-Mar-2025

ଯାଜପୁର ଜିଲା ବରୀ ବ୍ଲକର ୩ ପଞ୍ଚାୟତ ଅଞ୍ଚଳରେ ଗୁରୁବାର ପୂର୍ବାହ୍ନରେ ଘରକୁ ଘର ବୁଲି ବିକ୍ରି ହୋଇଥ‌ିବା ଦହିବରା ଖାଇ ୧୬୩ ଜଣ ଅସୁସ୍ଥ ହୋଇ ପଡିଛନ୍ତି। ଏଥିରେ ଚନ୍ଦନପୁର ପଞ୍ଚାୟତର ଚନ୍ଦନପୁର ଓ ଜଗନ୍ନାଥପୁର, ସାହୁପଡା ପଞ୍ଚାୟତର ହଳଦୀବସନ୍ତ ଓ ସାହୁପଡା ଏବଂ ଧାରପୁର ପଞ୍ଚାୟତର ଧାରପୁର ଗ୍ରାମବାସୀ ରହିଛନ୍ତି। ଅସୁସ୍ଥ ବ୍ୟକ୍ତିମାନଙ୍କୁ ବରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଅପରାହ୍ନରେ ଭର୍ଭି କରାଯାଇଥିଲା। ଦହିବରା ବିକାଳି ଓଲିପୁର ଅଞ୍ଚଳର ରମେଶ ଚନ୍ଦ୍ର ନାଥ(୩୫)ଙ୍କୁ ପୋଲିସ ଅଟକ ରଖ୍ ପଚରାଉଚୁରା କରୁଛି । ଏହାସହ ସମସ୍ତ ରୋଗୀଙ୍କ ସ୍ବାସ୍ଥ୍ୟବସ୍ଥା ସ୍ବାଭାବିକ ଥିବା ଡାକ୍ତର ସବ୍ୟସାଚୀ ଦାସ ପ୍ରକାଶ କରିଛନ୍ତି I ରମେଶ ପ୍ରତିଦିନ ଦହିବରା ଘରକୁ ଘର ବୁଲି ବିକ୍ରି କରିଥାନ୍ତି। ଗୁରୁବାର ସକାଳେ ଦହିବରା ଖାଇବା ପରେ ଲୋକମାନେ ପେଟରେ ଯନ୍ତ୍ରଣା ଅନୁଭବ କରିବା ସହିତ ଝାଡ଼ାବାନ୍ତିରେ ଜଣକ ପରେ ଜଣେ ଆକ୍ରାନ୍ତ ହୋଇଥିଲେ। ସେମାନଙ୍କୁ ପରିବାର ଲୋକେ ବରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ତେବେ ବରୀ ସ୍ବାସ୍ଥ୍ୟକେନ୍ଦ୍ରରେ ଆବଶ୍ୟକ ବେଡ୍ ଅଭାବରୁ ଶତାକ ରୋଗୀ ତଳେ ଗଡ଼ୁଥିବା ଦେଖ‌ିବାକୁ ମିଳିଥିଲା। ବରୀ ବିଧାୟକ ବିଶ୍ବରଞ୍ଜନ ମଲିକ, ବିଜେଡି ବ୍ଲକ ସଭାପତି କେଦାର ଚନ୍ଦ୍ର ସାମଲ ମଲ, ଅଲିପୁର ସରପଞ୍ଚ ପଞ୍ଚ ମଧୁସ୍ମିତା ବେହେରା, ବ୍ଲକ ଅଧ୍ୟକ୍ଷ ଅଶୋକ କୁମାର ଗେହ୍ମୀ, ଉପାଧ୍ଯକ୍ଷା ଅର୍ଜନା ମଲିକ, ଜିଲା ପରିଷଦ ସଭ୍ଯ ଦିଳ ଦିଲୀପ ମହାନ୍ତି, ଅ ଅଶୋକ କୁମାର ସାମଲ ଓ ସନ୍ତୋଷ ସାମଲ ପ୍ରମୁଖ ପହଞ୍ଚି ରୋଗୀ ମାନଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ।

(ରଞ୍ଜିତ ମହାନ୍ତିଙ୍କ ରିପୋର୍ଟ)