12-Mar-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ର ଇଷ୍ଟଦେବୀ ମା ସୁରେଶ୍ଵରୀ ମନ୍ଦିର ପରିସରରେ ଶୋଭା ବର୍ଦ୍ଧନ କରୁଥିବା ବାମ୍ଫି( ପୋଖରୀ) ଅବସ୍ଥା ବର୍ତ୍ତମାନ ଶୋଚନୀୟ ହୋଇପଡ଼ିଛି। ମନ୍ଦିର ପାଖ ହୁଡାରେଥିବା ଏକ ଗଛ ପବନରେ ମାଡି ବସି ବିରାଟ ବୃକ୍ଷର କାଠ ଗଣ୍ଡି ଟି ଉକ୍ତ ପୋଖରୀରେ ପଡ଼ିରହିଛି। ଆସ୍ତେ ଆସ୍ତେ ଜଳସ୍ତର ଖସି ବର୍ତ୍ତମାନ ମାତ୍ର ୨ରୁ ୩ ଫୁଟ୍ ପାଣି ରହି ଅଛି। ସେଠାରେ ପ୍ରତ୍ୟହ ଶହ ଶହ ଭକ୍ତ ପର୍ଯ୍ୟଟକ ଛୋଟ ଛୋଟ ପିଲା ଙ୍କ ପାଇଁ ମନୋରଞ୍ଜନ ବୃଦ୍ଧି କରୁଥିବା ହଜାର ହଜାର ମାଛ ବଂଶ ବର୍ତ୍ତମାନ ବିପଦପୂର୍ଣ୍ଣ ଅବସ୍ଥାରେ ପଡିଛନ୍ତି। ଏନେଇ ମନ୍ଦିରକୁ ଆସୁଥିବା ଜନସାଧାରଣଙ୍କ ତଥା ଭକ୍ତଙ୍କ ମହଲରେ ବ୍ୟାପକ ଅସନ୍ତୋଷ ବୃଦ୍ଧି ପାଇଛି। ସମସ୍ୟା ର ତୁରନ୍ତ ସମାଧାନ ନ ହେଲେ ଲୋପ ପାଇଯିବେ ମତ୍ସ୍ୟ ବଂଶ। ସେପଟେ ଉନ୍ନତି କରଣ ନାମରେ ବିଭିନ୍ନ ଅନୁଦାନ ରୁ ବ୍ୟାପକ ଟଙ୍କା ଖର୍ଚ୍ଚ ହେଉଥିବା ବେଳେ ସ୍ଥାୟୀ ପାଣି ସମସ୍ୟା ର ସମାଧାନ ହୋଇପାରୁନାହିଁ। ମନ୍ଦିର ମାଳିନୀ ସୋନପୁର ସହରରେ ସେପଟେ ଦେବୋତ୍ତର ବିଭାଗ କୋମା ରେ ଥିବା ବୁଦ୍ଧିଜିବୀ ମହଲରେ ଚର୍ଚ୍ଚା ହେଉଛି। ତୁରନ୍ତ ମନ୍ଦିର ରେ ପାଣି ର ସ୍ଥାୟୀ ସମସ୍ୟା ସହ ପୋଖରୀ ରେ ପାଣି ସମସ୍ୟାର ସମାଧାନ  କରିବାକୁ  ଭକ୍ତ ତଥା ବୁଦ୍ଧିଜିବୀ ମହଲରେ ପ୍ରଶାସନ କୁ ଦାବି କରି ଛନ୍ତି।