11-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ଅମ୍ବାଭୋନା ଥାନା ଅଧୀନରେ ଥିବା ଭୁକ୍ତା ତଲିପଡାସ୍ଥିତ ବିନୋଦ ଡୁଙ୍ଗୁରିଙ୍କ ପୁରୁଣା ଘରେ ବିପୁଳ ପରିମାଣର ବେଆଇନ କଫ ସିରଫ ଗଚ୍ଛିତ ଥିବା ଅଭିଯୋଗରେ ବରଗଡ଼ ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶରେ ଅମ୍ବାଭୋନା ପୋଲିସ ତରଫରୁ ଚଢ଼ାଉ କରାଯାଇ ପ୍ରାୟ ୬୦୦ ଶିଶି କଫ ସିରଫ  ଜବତ କରିବା ସହ ୨ ଜଣକୁ ଗିରଫ କରିଛି । ସେମାନେ ହେଲେ ଭୁକ୍ତା ତଲିପଡାର ବିନୋଦ ଡୁଙ୍ଗୁରି ଓ ନାରଙ୍ଗପୁର ଗ୍ରାମର ଅଜିତ ନାୟକ ।ସେମାନେ ବ୍ୟବହାର କରିଥିବା ଦୁଇଟି ମୋଟର ସାଇକେଲ, ଦୁଇଟି ମୋବାଇଲ ଜବତ କରିଛନ୍ତି। ଅମ୍ବାଭୋନା ତହସିଲ ଏକଜୁଟିଭ ମାଜିଷ୍ଟ୍ରେଟ ରଘୁନାଥ ପାଣିଗ୍ରାହୀ ଙ୍କ ଉପସ୍ଥିତିରେ ପୋଲିସ ଜବତ କରିଛି।ଏ ନେଇ ଅମ୍ବାଭୋନା ଥାନାରେ ୪୬/୨୦୨୫ ରେ ଧାରା ୨୧ (ଗ),୨୯ ଏନ୍ ଡି ପିସି ଆକ୍ଟରେ ମାମଲା ରୁଜ୍ଜୁ କରି ସେମାନଙ୍କୁ କୋର୍ଟ ଚାଲାଣ କରିଥିବା ଅମ୍ବାଭୋନା ପୋଲିସ ସୁଚନା ଦେଇଛି।