11-Mar-2025

ନାକଟିଦେଉଳ (କନ୍ଦର୍ପ ବେହେରା )ନାକଟିଦେଉଳ ବ୍ଲକ କିସିଣ୍ଡା ନିକଟ ଖଳାଶୁଣି ବନ୍ୟପ୍ରାଣୀ ବନାଞ୍ଚଳ, ବାମରା ବନ୍ୟପ୍ରାଣୀ ବନଖଣ୍ଡ ଖଳାଶୁଣୀ ଅଭୟାରଣ୍ୟ ଅଂଚଳରୁ ଜନ୍ତୁ ଶିକାର ଅଭିଯୋଗରେ ବନବିଭାଗ ଗଏଲମୁଣ୍ଡି ଗ୍ରାମରେ ଛଢଉ କରି ଥିବା ବନ ବିଭାଗ ସୂତ୍ରରୁ ପ୍ରକାଶ l
ପ୍ରକାଶ ଯେ, ନାକଟିଦେଉଳ ବ୍ଲକ ଗିରିଶ୍ଚନ୍ଦ୍ରପୁର ଗ୍ରାମ ପଂଚାୟତ ଗଏଲମୁଣ୍ଡି ଗ୍ରାମ ରେ କିଛି ଶିକାରୀ ଜନ୍ତୁ ଶିକାର କରି ରାଜ କୁମାର ଙ୍କ ଘରେ ରଖି ଥିବାର ବନ ବିଭାଗ ଖବର ପାଇ ଚଢ଼ାଉ କରିଥିଲା ହେଲେ ଚଢ଼ାଉ କରିଵା ପୂର୍ବରୁ ଶିକାରୀ ମାନେ ବନ ବିଭାଗ କୁ ଚକମା ଦେଇ ଫେରାର ହେବାରେ ସକ୍ଷମ ହୋଇ ଥିଲେ l 
ଗଏଲମୁଣ୍ଡି ଗ୍ରାମର ରାଜ କୁମାରଙ୍କ ଘରୁ ବନବିଭାଗ ଗୋଟିଏ ଝିଙ୍କ, ଗୁରାଣ୍ଡି, ସମ୍ବର ଶିଙ୍ଘ ୨ଟି, ଝିଙ୍କି କାଠି ୨ ବଂଡଲ, ମୟୁର ଝାଲୀ ୨ ବଂଡଲ, ବନ୍ଧୁକ ଗୋଟିଏ, ଅଫୁଟା ଗୁଳି ୧୫, ଛଲରା ଗୁଳି ୭୬, ଫାସ ୧୦ବଂଡଲ ଓ ବାଟୁଳି ଖଡା ୧ଟି, ଛୁରୀ ୨ଟି, ଟାଙ୍ଗିଆ ୧ ଟି ଆଦି ଜବତ କରିଥିଲା l ଅଭିଯୁକ୍ତ ଶିକାରୀ 
ଗଏଲମୁଣ୍ଡି ଗ୍ରାମର ରାଜ କୁମାର, ଭୁଲୁକି ଗ୍ରାମର ଚକ୍ରଧର ସମର୍ଥା ଓ କବି ନାଏକ ଫେରାର ହେବାରେ ସକ୍ଷମ ହୋଇ ଥିଲେ l ଶିକାର ହୋଇ ଥିବା ଜନ୍ତୁକୁ ପ୍ରାଣୀ ଧନ ବିଭାଗର ଡାକ୍ତର ଶବ ବ୍ୟବଛେଦ କରି ସାରିବା ପରେ ପୋତି ଦିଆ ଯାଇଥିଲା l ଶୀକାରୀ ମାନଙ୍କୁ ଖୁବ ଶୀଘ୍ର ଧରା ଯିବ ବୋଲି ରେଞ୍ଜ ଅଧିକାରୀ ମହେନ୍ଦ୍ର କୁମାର ସାହୁ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି l