11-Mar-2025

ବରୀ(ରଞ୍ଜିତ ମହାନ୍ତି): ବରୀ ବ୍ଲକ ଅଧୀନରେ ଥିବା ୧୩ ପ୍ରାଥମିକ କୃଷି ସମବାୟ ସମିତି ମଧ୍ୟରୁ ଧାରପୁର ଅନ୍ୟତମ। ହେଲେ ଏହି ସମିତିର କାର୍ଯ୍ୟାଳୟ କିମ୍ବା ଗୋଦାମ ଗୃହ ନାହିଁ। ନିୟମ ଅନୁଯାୟୀ ୪ଜଣ କର୍ମଚାରୀ ରହିବାସ୍ଥଳେ ଏଠାରେ ଅଛନ୍ତି ୨ ସହସମ୍ପାଦକ। ୪ର୍ଥ ଶ୍ରେଣୀ କର୍ମଚାରୀ, ସମ୍ପାଦକ ଓ ଡିଇଓ ପଦବୀ ଖାଲିପଡ଼ିଛି। ଗ୍ରାମ ପଞ୍ଚାୟତ କାର୍ଯ୍ୟାଳୟ ପରିସରରେ ଏକ ବଖରା ଘର ଭଡ଼ା ସୂତ୍ରରେ ନିଆଯାଇ ଅଫିସ କରାଯାଇଛି । ଧାନ ମଣ୍ଡି ଖୋଲି ଚାଷୀଙ୍କଠାରୁ ଧାନ କ୍ରୟ କରିବା ପାଇଁ ସ୍ଥାନ ନ ଥିବାରୁ ସ୍ଥାନୀୟ ଜଣେ ଚାଷୀଙ୍କ ଜାଗାରେ ଧାନ କ୍ରୟ କେନ୍ଦ୍ର ଖୋଲାଯାଇଛି। ଫେବୃୟାରୀ ୨୫ ସୁଦ୍ଧା ଏହି କେନ୍ଦ୍ର ମାଧ୍ୟମରେ ଚାଷୀଙ୍କଠାରୁ ପ୍ରାୟ ୫୧୩୦ କୁଇଣ୍ଟାଲ ଧାନ କ୍ରୟ କରାଯାଇଛି। ଅଞ୍ଚଳରେ ବହୁ ପରିମାଣରେ ଆଖୁ ଚାଷ ହେଉଥ‌ିବାରୁ
ଧାରପୁର । ସମିତିର ଗୋଦାମ ଗୃହ ନ ଥୁବାରୁ ବାହାରେ ଧାନ ରଖାଯାଇଛି।
ସମିତି ଦ୍ବାରା ଏକ କୋଟିରୁ ଊର୍ଦ୍ଧ ଟଙ୍କା ଋଣ ଆକାରରେ ଆଖୁଚାଷୀଙ୍କୁ ପ୍ରଦାନ କରାଯାଇଛି। ସମିତି ସଭାପତି ରାଜେନ୍ଦ୍ର ଜେନା ଏବଂ ଚାଷୀମାନଙ୍କ ସକ୍ରିୟ ସହଯୋଗ ପାଇଁ ମଣ୍ଡିରେ ଭଲ କାରବାର ହେଉଛି। ଭିତ୍ତିଭୂମି ଅଭାବର ଅଭିଯୋଗ ପାଇ ଯାଜପୁର ଉପଜିଲାପାଳ ମଣ୍ଡିରେ ପହଞ୍ଚି କ୍ରୟ କମିଟିର ସଦସ୍ୟ ଓ ଚାଷୀଙ୍କ ସହିତ ଆଲୋଚନା କରିଥିଲେ ମଧ୍ୟ ଏହାର ସମାଧାନ ହୋଇ ପାରିନାହିଁ। ତେଣୁ ସମିତି ପାଇଁ କାର୍ଯ୍ୟାଳୟ ଗୃହ ଓ ଗୋଦାମ ଗୃହ ଯୋଗାଇ ଦେବା ସହିତ ଖାଲି ପଡିଥିବା ସହକାରୀ ସମ୍ପାଦକ ଏବଂ ୪ର୍ଥ ଶ୍ରେଣୀ କର୍ମଚାରୀ ପଦବୀ ପୂରଣ କରିବାକୁ ସମବାୟ ବିଭାଗର ଉଚ୍ଚ କର୍ତ୍ତୃପକ୍ଷଙ୍କ ନିକଟରେ ଦାବି ହୋଇଛି।