11-Mar-2025

ବଲାଙ୍ଗୀର(ପ୍ରେରଣା ଖବର): ପୁଇଁତଳା ବ୍ଲକ ଅନ୍ତର୍ଗତ ବିଲେଇସର୍ଡା ସ୍ଥିତ ଜବାହାରଲାଲ ସରକାରୀ ହାଇସ୍କୁଲ ପରିସରରେ ସମଗ୍ର ଶିକ୍ଷା ଆନୁକୂଲ୍ଯରେ "ଆମ ସଂସ୍କୃତି ଆମ ଖେଳଣା" କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ ସ୍ବାଧିନ ସାହୁଙ୍କ ସଭାପତିତ୍ବରେ ବିଦ୍ୟାଳୟର ପଞ୍ଚସଖା ସେତୁ ଅଭିଯାନର ସଭାପତି ଅନନ୍ତ ବିଶ୍ବାଳ ମୁଖ୍ଯଅତିଥି,ବରିଷ୍ଠ ବିଜ୍ଞାନ ଶିକ୍ଷକ ସୁଧାଂଶୁ ଶେଖର ପ୍ରଧାନ ମୁଖ୍ଯବକ୍ତା ଭାବେ ଉତ୍ସବରେ  ଯୋଗ ଦେଇଥିଲେ। "ଆମ ସଂସ୍କୃତି ଆମ ଖେଳଣା" କାର୍ଯ୍ଯକ୍ରମ ସଂସ୍କୃତିର ସୁରକ୍ଷା ଓ ପୁନରୁଦ୍ଧାର କ୍ଷେତ୍ରରେ ଏକ ସମୟୋପଯୋଗୀ ଓ ସ୍ବାଗତ ଯୋଗ୍ଯ ପଦକ୍ଷେପ ବୋଲି ପ୍ରଧାନ ଶିକ୍ଷକ ଶ୍ରୀ ସାହୁ ନିଜ

ବକ୍ତବ୍ଯ ରେ କହିଥିଲେ। ମାଟିରେ ଖେଳଣା ତିଆରି କରିବା ଦ୍ବାରା ପିଲାମାନଙ୍କର ହାତର କୌଶଳ ଓ ବୌଦ୍ଧିକ ବିକାଶ ଘଟିଥାଏ ବୋଲି ମୁଖ୍ଯଅତିଥି ଶ୍ରୀ ବିଶ୍ଵାଳ କହିଥିଲେ। ମୁଖ୍ଯବକ୍ତା ଶ୍ରୀ ପ୍ରଧାନ ଆମ ସଂସ୍କୃତିରେ ଖେଳଣାର ମହତ୍ତ୍ବ ଓ ଶିକ୍ଷଣୀୟ କାର୍ଯ୍ଯରେ ତାର ବ୍ଯବହାର ବିଷୟରେ କହିଥିଲେ। ଏହି ଅବସରରେ ଛାତ୍ର ଛାତ୍ରୀମାନଙ୍କ ଦ୍ବାରା ତିଆରି ବିଭିନ୍ନ ପ୍ରକାରର ସଂସ୍କୃତି ଆଧାରିତ ଖେଳଣା ପ୍ରଦର୍ଶନ କରାଯାଇଥିଲା। ବିଚାରକ ଭାବେ ପ୍ରମୋଦ ବିଶ୍ବାଳ, ପ୍ରଦୀପ ଦଣ୍ଡସେନା,କାହ୍ନୁଚରଣ ଧରୁଆ,ରଶ୍ମୀତା ନନ୍ଦ,ସୁଭାଷିନୀ ସେଠୀ,ପ୍ରଜ୍ଞା ପରମିତା ଖୁଆସ ଯୋଗ ଦେଇଥିଲେ। କୃତୀ

ଛାତ୍ର ସମ୍ରାଟଭୋଇ,ଶ୍ରୀୟାଂଶୀ ଭୋଇ, ପ୍ରୀତିମୟୀ ପଧାନ, ଅଭିଜିତ ଗଡତ୍ଯା,ଓମ ବାଗ,ପ୍ରୀତିରାଣୀ ମିଶ୍ର, ସତ୍ଯମ ରଣା,ଶୁଭମ ରଣା ଓ ସେବତୀ ମେହେରଙ୍କୁ ଅତିଥି ମାନେ ପୁରସ୍କୃତ କରିଥିଲେ। କାର୍ଯ୍ୟକ୍ରମର ସଂଯୋଜନା ଶିକ୍ଷକ ରଞ୍ଜିତ ମିଶ୍ର କରିଥିବା ବେଳେ ଶିକ୍ଷୟିତ୍ରୀ ନୀରୋତମା ବିଶ୍ବାଳ ଧନ୍ୟବାଦ ଦେଇଥିଲେ। ଶିକ୍ଷକ ସୁଦାମ କୁମ୍ଭାର, ପଂକଜ ମେହେର, ମୁରାରୀ ପ୍ରସାଦ ପର୍ଡିଆ,ପ୍ରତିଶା ମିଶ୍ର,ସୁଷମା ମେହେର, ରଶ୍ମିତା ବିଶ୍ବାଳ, କାର୍ଯ୍ୟକ୍ରମରେ ସହଯୋଗ କରିଥିଲେ।