11-Mar-2025

ଅତାବିରା, ଅତାବିରା ବ୍ଲକ ଅନ୍ତର୍ଗତ  ଲାଦର ପାଲି ବନ୍ଧ ପଡ଼ା ପ୍ରାଥମିକ ବିଦ୍ୟାଳୟ ରେ ଆଜି ଆମ ସଂସ୍କୃତି ଆମ ଖେଳଣା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ବିଦ୍ୟାଳୟର ପ୍ରଧାନ ଶିକ୍ଷକ  ଡାକ୍ତର ବିଶି ଙ୍କ  ଅଧ୍ୟକ୍ଷତା ରେ ଆୟୋଜିତ ଏହି  କାର୍ଯ୍ୟକ୍ରମରେ ଟୋପ ଉଚ୍ଚ ବିଦ୍ୟାଳୟ ର ବିଜ୍ଞାନ ଶିକ୍ଷୟିତ୍ରୀ ଅନୁସୂୟା ଦେବତା , ବିଦ୍ୟାଳୟର ଅବସର ପ୍ରାପ୍ତ ଶିକ୍ଷକ ଶଙ୍କର ସାହୁ,  ବିନୟା    ବିଶି ପ୍ରମୁଖ ନିମନ୍ତ୍ରିତ ଅତିଥି ଭାବରେ ମଞ୍ଚାସିନ ଥିଲେ ।ଶ୍ରୀଯୁକ୍ତ ବିଶି  କାର୍ଯ୍ୟକ୍ରମର ଉଦ୍ଦେଶ୍ୟ ଜ୍ଞାପନ , ଅତିଥି ପରିଚୟ ପ୍ରଦାନ ତଥା ମଞ୍ଚ ପରିଚାଳନା କରିଥିଲେ ।  ସମସ୍ତ ଛାତ୍ର ଛାତ୍ରୀ ମାନେ ମାଟିରେ  ସୁନ୍ଦର୍ ସୁନ୍ଦର  ବିଭିନ୍ନ ଘର କରଣl ଜିନିଷ , ପନି ପରିବା,  ଘର , ଖେଳଣା, ପିଠା ପଣା , ଦେବା ଦେବୀ,  ମନ୍ଦିର ଆଦି ନିଜେ ନିଜେ ତିଆରି କରି ପ୍ରଦର୍ଶିତ କରିଥିଲେ ।ଏହା ବ୍ୟତୀତ ଆମ ଓଡ଼ିଆ ଙ୍କ ଘରେ ତିଆରି ପିଠାପଣା , ଲଡୁ, ପଖାଳ  ମଧ୍ୟ ପ୍ରଦର୍ଶନୀ ରେ  ପ୍ରଦର୍ଶିତ କରିଥିଲେ ।ଶ୍ରୀମତୀ ଦେବତା  ଆମ ଓଡ଼ିଆ  ମାନଙ୍କ  ସଂସ୍କୃତି, ପରମ୍ପରା  ତଥା ପୁରୁଣା ଚାଲି ଚଳଣି  ସହ ଆଧୁନିକ  ଜୀବନ ଯାପନ ପ୍ରଣାଳୀ  ମଧ୍ୟରେ ରହିଥିବା ପାର୍ଥକ୍ୟ  , ପିଲାମାନେ ତିଆରି କରିଥିବା ଖେଳଣା  ତଥା ସାମଗ୍ରୀ ର ଉପାଦେୟତା , ଜୀବନ ଶୈଳୀରେ ତାର ଉପଯୋଗିତା ଆଦି  ଉପରେ ଛାତ୍ର ଛାତ୍ରୀ ଙ୍କୁ ଉଦବୋଧନ ଦେଇଥିଲେ । ପ୍ରାଥମିକ ସ୍ତରରେ ଶିକ୍ଷାଦାନ ସମୟରେ ଶିକ୍ଷକମାନେ ପିଲାଙ୍କ ଉପଯୋଗୀ, ସଂସ୍କୃତି ପରମ୍ପରା ଉପରେ ପର୍ଯ୍ୟବେସିତ, ପାଠ୍ୟଖସଡା ଓ ବିଷୟ ଉପଯୋଗୀ ଖେଳଣା ମାନ ବ୍ୟବହାର କଲେ ପିଲାମାନେ ଆନନ୍ଦ ଓ ଆଗ୍ରହ ସହକାରେ ଶିକ୍ଷାଗ୍ରହଣ କରିପାରିବେ ବୋଲି  ଶ୍ରୀ ସାହୁ ପ୍ରକାଶ କରିଥିଲେ । ଏଥିରେ ବିଦ୍ୟାଳୟର  ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ ।ଶେଷରେ ଶ୍ରୀ ବିଶି ଧନ୍ୟବାଦ୍ ଅର୍ପଣ କରିଥିଲେ ।  ଶେଷରେ  କୁନିକୁନି ଛାତ୍ରଛାତ୍ରୀ  ମାନେ  ବିଭିନ୍ନ ନୃତ୍ୟ  ପରିବେଷଣ କରି ସମସ୍ତଙ୍କ ମନ ମୁଗ୍ଧ କରିଥିଲେ ।