10-Mar-2025

ବରଗଡ଼:-(ନିରଞ୍ଜନ ତ୍ରିପାଠୀ) ବରଗଡ ଜିଲ୍ଲା ପଦ୍ମପୁର ନିକଟସ୍ଥ ବରିକେଲ ଲାଲାଜୀ ଗୋପାଲଜୀ ସଂସ୍କୃତ ମହାବିଦ୍ୟାଳୟରେ ଯୁବ ରେଡକ୍ରସ ଓ ରେଡ୍ ରିବନ କ୍ଲବ ଆନୁକୁଲ୍ୟରେ ଅନ୍ତର୍ଜାତୀୟ ମହିଳା ଦିବସ -୨୦୨୫ ପାଳିତ ହେବା ସହ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ହରେକୃଷ୍ଣ ମିଶ୍ରଙ୍କ ସଭାପତିତ୍ରରେ ଆଯୋଜିତ ସଭାରେ ଯୁବ ରେଡକ୍ରସ କାଉନସେଲର ଅଧାପକ ରମେଶ ଚନ୍ଦ୍ର ପୂଜାହାରୀ ଅତିଥି ମାନଙ୍କର ପରିଚୟ ଓ ସାଗତ ସଂଭାଷଣ ପ୍ରଦାନ କରିଥିଲେ । ମୁଖ୍ୟ ବକ୍ତା ଅବସର ପ୍ରାପ୍ତ ସଂସ୍କୃତ ଶିକ୍ଷକ ସୁରେଶ ଚନ୍ଦ୍ର ଚୌହାନ "ଯତ୍ର ନାର୍ଯ୍ୟସ୍ତୁ ପୂଜାନ୍ତେ, ରମନ୍ତେ ତତ୍ର ଦେବତା “ ଶ୍ଳୋକ ପାଠ କରି ଊତମ ରାଷ୍ଟ୍ର ଗଠନରେ ମହିଳାଙ୍କର ଅନନ୍ୟ ଭୂମିକା ଉପରେ ଆଲୋକପାତ କରିଥିଲେ । ସଂଯୋଜିକା ତଥା ପ୍ରାଧାପିକା ମନ୍ଦାକିନୀ " ନ ଜାଣିଲେ ତୁମେ ଭାରତ ଲଳନା, କେବେ ଏହି ଜାତି ଜାଗେନା ଜାଗେନା " ଉକ୍ତିକୁ ବିଶ୍ଳେଷଣ କରି ନାରୀମାନଙ୍କର ବୈଶିଷ୍ଟ୍ୟ ପ୍ରତିପାଦନ କରିଥିଲେ।ଅଧାପକ ସୀତାରାମ ସାହୁ,ପୌଲସ୍ତ୍ୟ ସାହା ମହିଳା ଦିବସର ମହନୀୟତା ଉପରେ ମତ ବ୍ୟକ୍ତ କରିଥିଲେ Iଅଧ୍ୟାପିକା ସଂହିତା ବେହେରା, ବିଭୂତି ଗିରି ମହିଳା ସଶକ୍ତିକରଣ ବିଷୟରେ ଆଲୋଚନା ରଖିଥିଲେ । ଅଧାପକ ରାଗିରଥୀ ପଣ୍ଡା ଅତିଥି ମାନଙ୍କୁ ଧନ୍ୟବାଦ ଦେଇଥିଲା ବେଳେ ସୁକାନ୍ତି ସାହୁ, ବିଜୟ ରଂଜନ ମେହେର, ରାଜକୁମାର ମଲ୍ଲିକ ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।