09-Mar-2025

ଆଗଲପୁର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ନଅ ଗାଁ ଖ ଠାରେ ଥିବା ପଲ୍ଲୀ ଆଲୋକ ପାଠାଗାର ଠାରେ ମାଗଣା ଆୟୁର୍ବେଦିକ ସ୍ବାସ୍ଥ୍ୟ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି l ଏହାକୁ ପଲ୍ଲୀ ଆଲୋକ ପାଠାଗାର ଓ ସଂଜୀବନୀ ସେବା ସଂଗଠନ ବଲାଙ୍ଗୀର ଙ୍କ ମିଳିତ ଆନୁକୂଲ୍ୟରେ ଆୟୋଜନ କରା ଯାଇଥିଲା l ଆଜିର ଏହି ସ୍ବାସ୍ଥ୍ୟ ଚିକିତ୍ସା ଶିବିର କୁ ଓଡ଼ିଶା ସରକାର ଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଳିଙ୍ଗ ଯୋଗ ଦେଇଥିଲେ l ତା ସହିତ ଲୋଇସିଂହା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ର ସୁପରିଟେଣ୍ଡେଣ୍ଟ ଶ୍ରୀ ଶେଖର ପଧାନ, ଲୋଇସିହା ଡାକ୍ତରଖାନା ର ବରିଷ୍ଠ ଡ଼ାକ୍ତର ଶ୍ରୀ ସଂଜୀବ କୁମାର ବିଶ୍ବାଳ, ବଲାଙ୍ଗୀର ଆୟୁର୍ବେଦିକ ମହାବିଦ୍ୟାଳୟ ର ଅଧ୍ୟକ୍ଷ ଡ଼. ମନୋଜ ସାହୁ ଓ ସଂଜୀବନୀ ସେବା ସଂଘଠନ ର ସଦସ୍ୟ ସୁନୀଲ ବେହେରା ସମ୍ବାନିତ ଅତିଥି ଭାବରେ ଯୋଗ ଦେଇଥିଲେ।

ଆଜିର ସ୍ବାସ୍ଥ୍ୟ ଚିକିତ୍ସା ଶିବିର ରେ ବହୁ ବରିଷ୍ଠ ଡ଼ାକ୍ତର ବୃନ୍ଦ ଉପସ୍ଥିତ ରହି ରୋଗୀଙ୍କ ମାଗଣା ସ୍ବାସ୍ଥ୍ୟ ପରୀକ୍ଷା କରି ମାଗଣା ରେ ଓଷଧ ମଧ୍ୟ ବଣ୍ଟନ କରିଥିଲେ। ବରିଷ୍ଠ ଡ଼ାକ୍ତର ମାନଙ୍କ ମଧ୍ୟରେ ହେଲେ ସର୍ବ ଶ୍ରୀ ସଞ୍ଜୀବ କୁମାର ବିଶ୍ବାଳ ଲୋଇସିଂହା, ଡାକ୍ତର ଶ୍ରୀ ସିମାଦ୍ରି ଭୂଷଣ ନାୟକ ଆୟୁର୍ବେଦିକ ମହାବିଦ୍ୟାଳୟ ବଲାଙ୍ଗୀର, ଡାକ୍ତର ଶିବବ୍ରତ ବେହେରା ଓ ଡାକ୍ତର ଶ୍ରୀ ଗଣେଶ ମେହେର ପ୍ରଭୃତି ବରିଷ୍ଠ ଅଧିକାରୀ ମାନେ ଶିବିର ରେ ଯୋଗ ଦେଇଥିଲେ l ଏହାସହ ଅସ୍ଥି ଘନତ୍ଵ, ବ୍ଲଡ଼ ସୁଗାର୍, ମଧୁମେହ ପରୀକ୍ଷା, ରକ୍ତ ଚାପ ପରୀକ୍ଷା  ମାଗଣା ରେ ରୋଗୀ ମାନଙ୍କୁ ସେବା ଦିଆ ଯାଇଥିଲା। ଆଜିର ଏହି ସ୍ବାସ୍ଥ୍ୟ ଚିକିତ୍ସା ଶିବିର ରେ ବିଶେଷ କରି ବାତ, ସ୍ନାୟୁ ରୋଗ, ସ୍ତ୍ରୀ ରୋଗ, ବାର୍ଦ୍ଧକ୍ୟ ଜନିତ ରୋଗ, ଓ ପେଟ ରୋଗ ସମସ୍ୟାର ଚିକିତ୍ସା ଓ ମାଗଣା ରେ ଔଷଧ ବଣ୍ଟନ କରା ଯାଇଥିଲା l ପଲ୍ଲୀ ଆଲୋକ ପାଠାଗାର ର ସମସ୍ତ ସଦସ୍ୟ ଉପସ୍ଥିତ ରହି ସମସ୍ତ କାର୍ଯ୍ୟ ରେ ସହଯୋଗ କରିଥିଲେ l ଶହ ଶହ ସଂଖ୍ୟାରେ ରୋଗୀ ମାନେ ଆସି ଆଜିର ଆୟୁର୍ବେଦିକ ସ୍ବାସ୍ଥ୍ୟ ଚିକିତ୍ସା ଶିବିର ରେ ମାଗଣା ସ୍ୱାସ୍ଥ୍ୟ ସେବା ର ସୁଯୋଗ ନେଇ ଚିକିତ୍ସିତ ହେଉ ଥିବାର ଦେଖିବାକୁ ମିଳିଥିଲା। ସମସ୍ତ ରୋଗୀ ତଥା ମାଗଣା ସ୍ବାସ୍ଥ୍ୟ ଶିବିର ରେ ଚିକିତ୍ସିତ ହେଇଥିବା ସମସ୍ତଙ୍କ ପାଇଁ ଭୋଜନ ର ବ୍ୟବସ୍ଥା ମଧ୍ୟ କରା ଯାଇଥିଲା l ସମସ୍ତେ ଏହି ମାଗଣା ସ୍ବାସ୍ଥ୍ୟ ଚିକିତ୍ସା ଶିବିର ରେ ଉପସ୍ଥିତ ରହି ତାର ଲାଭ ଉଠେଇବାକୁ ମନ୍ତ୍ରୀ ଡ଼ ମୁକେଶ ମହାଳିଙ୍ଗ ସୂଚନା ଦେଇଥିଲେ l ଆହୁରି ସ୍ବାସ୍ଥ୍ୟ ସମ୍ପର୍କିତ ଅନେକ ଯୋଜନା ବିଷୟରେ ଆଲୋକପାତ କରି ଯୋଜନା ର ଲାଭ ନେବାକୁ ନିଜ ଅଭିଭାଷଣ ରେ ସୂଚନା ପ୍ରଦାନ କରିଥିଲେ l