09-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ରୁ ଦୀର୍ଘ ୩୦ ବର୍ଷ ହେଲା ନିରବଚ୍ଛିନ୍ନ ଭାବେ ପ୍ରକାଶିତ ହୋଇ ଆସୁଥିବା ଏକମାତ୍ର ଶିଶୁ କିଶୋର ପତ୍ରିକା ଯୁଗୋପଯୋଗୀ ସୁବର୍ଣ୍ଣଦୀପର ସଂପାଦକ ପ୍ରଦୀପ୍ତଭାନୁ ମହାନ୍ତି ସମ୍ମାନୀତ ହୋଇଛନ୍ତି । ୧୯୦୯ ମସିହାରୁ ଓଡ଼ିଶାର ପ୍ରଥମ ଶିଶୁ ପତ୍ରିକା ରେବା ରାୟଙ୍କ ସଂପାଦନାରେ " ପ୍ରଭାତ " ପତ୍ରିକା ପ୍ରକାଶିତ ହୋଇଥିଲା । ଏହା ପାଞ୍ଚ ବର୍ଷ ପ୍ରକାଶନ ପରେ ବନ୍ଦ ହୋଇ ଯାଇଥିଲା । ଏହା ପୁଣିଥରେ ପ୍ରକାଶନ ପାଇଁ ସ୍ଥିର ହୋଇଛି ।ଏହି ଅବସରରେ ଅନୁଷ୍ଠିତ ରାଜ୍ୟସ୍ତରୀୟ ଶିଶୁ ସାହିତ୍ୟିକ ସମାବେଶରେ ବରଗଡ଼ ଜିଲ୍ଲାର ବରିଷ୍ଠ ଶିଶୁ ସାହିତ୍ୟିକ ପ୍ରଦୀପ୍ତ ଭାନୁ ମହାନ୍ତିଙ୍କୁ  ସୁବର୍ଣ୍ଣଦୀପ ସଂପାଦନା ପାଇଁ ମାନପତ୍ର ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ଯ ଅତିଥି ଭାବରେ ଡ. ସୁଦର୍ଶନ ପଟ୍ଟନାୟକ, ଶିଶୁ ସାହିତ୍ୟିକ ବାବାଜୀ ଚରଣ ପଟ୍ଟନାୟକ, ସାଧରଣ ସଂପାଦକ ରାଜୀବ କୁମାର ଷଡଙ୍ଗୀ,ସହ ସମ୍ପାଦକ ତପନ କୁମାର ସ୍ବାଇଁ ପ୍ରମୁଖ ଉପସ୍ଥିତ ଥିଲେ । ରେବା ରାୟ ଟ୍ରଷ୍ଟ ତରଫରୁ ଆୟୋଜିତ ଏହି ରାଜ୍ୟସ୍ତରୀୟ ସମାବେଶରେ ବରଗଡ଼ର ଶିଶୁ ସାହିତ୍ୟିକ ଶ୍ରୀ ମହାନ୍ତି ସମ୍ବର୍ଦ୍ଧିତ ହେବା ଜାଣି ବରଗଡ଼ ଜିଲ୍ଲାର ସାହିତ୍ୟିକ ଓ ବୁଦ୍ଧିଜିବୀ ମହଲରେ ଖୁସି ପ୍ରକାଶ ପାଇବା ସହ ତାଙ୍କ ପାଖକୁ ଶୁଭେଚ୍ଛା ଅଭିନନ୍ଦନର ସୁଅ ଛୁଟୁଛି।